Yʉanes 12:34 - Kálar Nzyɛ̌m : Ejwán é Sáá

³⁴ Entumo e bʉ̂r, lé e né ó: «Bɨ̌h bé á be ɨ́ jóʼo ɨ́ mekaná métié gá wɨ́ná ó, Mʉ̌r Nzyɛ̌m á lœm múló mé jwɨ́ɨ nyá, ódǐ njʉ̌m dǐ e njʉ̌m dǐ. Gǒ kǎ lɛ́ɛ ó, Mwân mé Mʉr, nye ɨ́ jala le ebɨ́nɔɔ kʉ́ ɨ́ yé ɛ́? Nzé pʉ́gʉ́ be “Mwân mé Mʉr” ɨ́ sɨ̂?»

Kálara Zyɛ̌m Edwán é mpʉ̌n

³⁴ Ntuntuma bʉr, yé e nye ó: «Bɨh bé a si joʼo bab lé eláa é motie mo Zyɛm ó, Lœma mulo mo Zyɛm ódi njʉmdia e njʉmdia. Go ka lɛɛ ó, yé ekʉ jala ó, Mwan mo Mʉr, nye bɨnɔ kʉ. Go lɛɛ no é yé? Zé nyɛɛ ndɨ Mwan mo Mʉr waa ɛ?»

Yʉanes 12:34 ပူးပေါင်းရင်းမြစ်များ

Rôm 5:18

Mpʉ bʉ̂r bɨ́bɛ̂h, bé á dweŋɔɔ mebě, tɨ̂ e misyóm mí mʉ̂r ngwár yɨ́, jwɨʼ gwár e gwár yaá ntémé ó, syɛ́ɛla mpâ mʉ̂r ngwár á sâ yɨ́, ngá sâ ó, bʉr bíʼee nkam yɨ́. Bé ónî ɨ́ twiʼ.

Rôm 3:19

Mɨná bé lɨ́ egʉ́a gá ó, sá yɨ́yɛ̂h Mékaná mé Nzyɛ̌m dí elɛ́ɛ yɨ́, mé lɛ́ɛ́ yé ó, lɨ́ esú é bʉ̂r o b'á tyélɔɔ metié mé Nzyɛ̌m bá. Nyě tyél bé metié maá ó, lɨ́ esú lé épɨr bʉ̂r bɨ́bɛ̂h minum, le edwe bɨ́bɛ̂h mebě ɨ́ míh mé.

Yʉanes 15:25

Sâ gwár, bé sá nó ó, lɨ́ elóŋlǒ sá dí cɛmá ɨ́ mekaná métié mɔ́ɔ́ yɨ́. Yê cɛmá ó: Bé á nwim me ó, bɨ̌h le onɔ́ɔ́ abe e lɔ̌b.

Yʉanes 12:32

Nó ɨ́ jɔʼ mé óduhǒ sí yɨ̂, bɨ́nɔɔ kʉ́ yɨ́, me ódulo bʉ̂r bɨ́bɛ̂h nko mé óbe yɨ́.»

Yʉanes 10:34

Yésʉs, nye e bé ó: «Nzê yé abě cɛmá ɨ́ mekaná métié mɨ́n ó: Nzyɛ̌m á lɛ́ɛ ó, bɨ̌n bé ó onzyɛ̌m ɛ̌?

Mataos 21:10

Jɔ̌ʼ Yésʉs á nî ɨ́ Yerʉ́zalɛm yɨ́, nkana yɨ́yɛ̂h, yé ntɔ̂ʼ di ɨ́ gbǎ gbǎ gbǎ. Bâʼ bʉ̂r, bê nzě díila páʼ nyɔ́ɔ́ ó: «Nyâʼ mʉ̂r, nye nyá?»

Mataos 16:13

Yésʉs ntɔ̂ʼ tó pyâl ɨ́ nkanǎ Kesáre mé Fílipi. Nye nzě dî le ompʉ́n bé ó: «Bʉr lɨ́lɛ́ɛ́ ó, Mwân mé Mʉr, nye nzé?»

Mataos 8:20

Yésʉs nzě yala e né ó: «Ompɔ̌ʼ, bé ó e mekul. Binʉ̌n e mɔʼ. Sâ gwár, Mwân mé Mʉr, nyé abe e gúmó nyé kɛ́lɨɨ lʉ̂.»

Yʉanes 8:28

Yésʉs nzě lɛ́ɛ e bé ó: «Jɔʼ bɨ́n ngá bɨ̂n Mwân mé Mʉr kʉ́ yɨ́, ɨ́ jɔʼ yaá ó bɨ́n ngá gʉ́a ó, mɛm ó dí Me-ó-tɨ̂. Bɨ̌n bé ogʉ́a ó, mé abe lɨ́ esâ yʉ́ʉ́ sɔ̂ʼ ɨ́ mɛm mʉr tɨ̂. Mě jaá lwilwib ó, njɨ sá Sɔ́ŋ wǎm á lɛ̂ʼle me yɨ́.

Ebrœ̂ 7:24

Sâ gwár, mpʉ̌ Yésʉs dǐ njʉ̌m dǐ e njʉ̌m dǐ yɨ́, nyě baʼlé yé dǐ pára yaá ó, njɨ nye omér.