Yʉanes 12:32 - Kálar Nzyɛ̌m : Ejwán é Sáá

³² Nó ɨ́ jɔʼ mé óduhǒ sí yɨ̂, bɨ́nɔɔ kʉ́ yɨ́, me ódulo bʉ̂r bɨ́bɛ̂h nko mé óbe yɨ́.»

Kálara Zyɛ̌m Edwán é mpʉ̌n

³² No ó, é wam paʼ, é jɔʼ me ópɛʼɔ é si nwa, bɨnɔ kʉ ɨ, me ódulo bʉr bɨbɛh nko me óbe e.»

Yʉanes 12:32 ပူးပေါင်းရင်းမြစ်များ

Yʉanes 8:28

Yésʉs nzě lɛ́ɛ e bé ó: «Jɔʼ bɨ́n ngá bɨ̂n Mwân mé Mʉr kʉ́ yɨ́, ɨ́ jɔʼ yaá ó bɨ́n ngá gʉ́a ó, mɛm ó dí Me-ó-tɨ̂. Bɨ̌n bé ogʉ́a ó, mé abe lɨ́ esâ yʉ́ʉ́ sɔ̂ʼ ɨ́ mɛm mʉr tɨ̂. Mě jaá lwilwib ó, njɨ sá Sɔ́ŋ wǎm á lɛ̂ʼle me yɨ́.

Yʉanes 3:14

Jwɨʼ gwár Moyɨ̂z á nʉa mveʼle nyʉ́a, gbâ ɨ́ lɨ́, bɨ̂n yé kʉ́ ɨ́ lʉá yɨ́, jwɨʼ gwár yaá ntémé ó Mwân mé Mʉr jálá le ebɨ́nɔɔ kʉ́ yɨ́.

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Yʉanes 6:44

Sɔ́ŋ wǎm á ntɨh me nyá, óbe, adulo mʉ̂r nó, mʉr waá, nyé abe e nkul enze kwá nyǎm. Me ópɛh waá nyé ngá dulo nyá ɨ́ móhó ésúʼlá é sí yɨ̂.

1 Yʉanes 2:2

Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

1 Timotɛ 2:6

mʉr á pa dwe twiʼ yé lɨ́ etáǎ góo, le edwih bʉ̂r bɨ́bɛ̂h ɨ́ mpila ébébe nyá. Nó ó, lɔ́ɔ waá, wé á ka lɛ́ɔɔ ó, ɨ́ jɔʼ wé á jala le elɛ́ɔɔ yɨ́.

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

Galásia 3:13

Mpʉ mɨ́ná dí abaʼle gá metié yɨ́, nó ó, Nzyɛ̌m, nyɨ́ syɛm mɨ́ná gâ. Sâ gwár, Yésʉs-Krîst á si dwih mɨná gá ɨ́ mpila ébébe, le enʉa méswomlʉ maá mɨ́mɛ̂h ɨ́ nyʉ̂l nyé lɨ́ esú gá lɨ́ná, ebě, yê cɛmá ó: Mʉr nyɨnyɛ̂h á tyelɔɔ ɨ́ lɨ́ kʉ́ nyá, nye ó waá Nzyɛ̌m á syɛm nyá.

Yʉanes 1:7

Nye á nze ó, lɨ́ enzě boʼlo ɨ́ lɔ̌b njʉl waá. Nye á nze ó, bʉr bɨ́bɛ̂h, bé dyɛ̂ʼwaa e Nzyɛ̌m ɨ́ lɔ̌b mboʼlá wé waá.

Mɨngwiha 5:9

Bé á didyɛɛ ó, edwán é jɨ̂m. Bé ó: «Go ó jálá le enʉa mékaná mâ, gbɛ́ɛ bísitâm, ebě, go á si jʉ́ŋɔɔ. Go á si dwih bʉr ɨ́ mpila ébébe, tô e bé kwá mé Nzyɛ̌m. Go á si syɛ́ɛla metié mô lɨ́ esú é bʉ̂r baá. Bé ó bʉr o bíkúl bíbyɛ̂h, ndu e bilwǐb bíbyɛ̂h, bʉr o mémpóʼo mɨ́mɛ̂h, ndu e mesí mɨ́mɛ̂h.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Yʉanes 19:17

Bisója nzě nʉǎ Yésʉs, bé le onɔ́ɔ́ ntɔ̂ʼ duhǒ nkana, Yésʉs mʉr tɨ̂ʼ lɨ́ enkɛ́ɛ̌ kolôs yé. Bé le onɔ́ɔ́ nzě tóŋɔɔ̌ gúmó bé á jɨjébe “Bʉ̌n Lʉ̂” yɨ́. (Ɨ́ lwǐb ébrœ̂, yé ó “Golgotâ”.)

Yʉanes 12:34

Entumo e bʉ̂r, lé e né ó: «Bɨ̌h bé á be ɨ́ jóʼo ɨ́ mekaná métié gá wɨ́ná ó, Mʉ̌r Nzyɛ̌m á lœm múló mé jwɨ́ɨ nyá, ódǐ njʉ̌m dǐ e njʉ̌m dǐ. Gǒ kǎ lɛ́ɛ ó, Mwân mé Mʉr, nye ɨ́ jala le ebɨ́nɔɔ kʉ́ ɨ́ yé ɛ́? Nzé pʉ́gʉ́ be “Mwân mé Mʉr” ɨ́ sɨ̂?»

Yʉanes 18:32

(Yé á syɛ́ɛ nó ó, mekǎn nyé á lɛ́ɛ má, mé díraa. Nye á be ɨ́ boó lɛ̂ʼle bé mbi éswie nyé ngá dwe wɨ́.)