Yʉanes 12:20 - Kálar Nzyɛ̌m : Ejwán é Sáá

²⁰ Yé á be ó e bʉ́ʉ́ bʉ̂r o Grɛ̂s, ɨ́ sɔ́má bʉ̂r o b'á tô Yerʉ́zalɛm bá. Bé á nze ó, lɨ́ ebwal nzɔ́ɔ oYúden, lɨ́ enzě dwě Nzyɛ̌m kûm.

Kálara Zyɛ̌m Edwán é mpʉ̌n

²⁰ Yé a be ó e ntuntuma bʉr yé a to Yerʉsalɛm ɨ. Bʉʉ bʉr o tɨ, bé a be ó bʉr o Grɛs. Bɨbɛh, bé a ze ó, é l'ebʉʼ, lé eze dwiibɨ Zyɛm.

Yʉanes 12:20 ပူးပေါင်းရင်းမြစ်များ

Yʉanes 7:35

OYúden nzě táare édíila páʼ nyɔ́ɔ́ ó: «Nye ókǎ tô wâʼ wó, mbi dí ó, mɨná bé ákǎ bee gá nye wɨ́? Nzê nye ótô le elɛ̂ʼle óYúden mû mingbɛhá míngbɛhá ɨ́ Grɛ̂s, le elɛ̂ʼle ntémé bʉr o Grɛ̂s ɛ̌?

Mɨlʉmlʉ 17:4

Nó ó, bʉ́ʉ́ bʉ̂r ɨ́ sɔ́má yɔ́ɔ́, bé á si bûʼla, nzě syɛŋa e Pɔ̂l, bé e Silâs. Mpʉ yaá ntémé ó bʉ̂r o Grɛ̂s ɨ́ buo buo bé á bûʼla yɨ́. Bɨ́ɛ, bé á si nyɛɛ nî ɨ́ búʼó óYúden. Myúú mímpaŋ mi bʉ́bá, myé á si bûʼla ntémé nó.

Mɨlʉmlʉ 8:27

Philippe ntɔ̂ʼ mɔa, tô. Nye dína téme-nzɨ̌ nɛ́ɛ: nyʉ́ʉ́ mʉ̂r ntɔ̂ʼ kœb nyê. Yé á be ó cwɨhá mʉ̂r Etiopî á be bâŋ másǎ nɨ́nɨ́ɨ́ wɨ́. Wé á sɨséa ó, kwá mé njwɨ́ɨ mʉmá á be ɨ́ sí Etiopî, díé lé Kandâs nyá. Cwɨhá mʉ̂r waá, wé á duho ó, Yerʉ́zalɛm, nko nyé á pa to dwe Nzyɛ̌m kûm yɨ́.

Markus 7:26

Nye á be ó mʉmá bikûl biswîh. Nye á duho ó, nkanǎ Fénikia, ɨ́ sí Sirî. Nye á nze ó, nzě jɨʼla e Yésʉs ó, nye sôʼ eleme lé á be ɨ́ mwân wé lɨ́ yɨ́.

Galásia 2:3

Damá jóʼo ó mpʉ̌ Títos, mʉr minjoo wǎm, dí mʉr Grɛ̂s yɨ́, bé á bé atíne nyé ó, nye tíʼɔɔ mpʉ́n.

Mɨlʉmlʉ 21:28

Bê nzě bʉ̂ bítím. Bé ó: «Ywííí! Bʉr o b'Ɨ́zraɛ̂l ɔɔ́! Kɛmɨɨ gá bɨ̌h ɔ̌! Paá nzě bee gá mʉr dí elɛ́ɛ̌ lɔ́ɔ ɨ́ gúmó yɨ́yɛ̂h ó, bé síaa kúl gá yɨ́ná, le ebene métié gá mɨ́ná ti e mpáh Nzyɛ̌m nyɨ̂ʼ nyá ɛ́! Ɨ́ báánâ, nyɨ́ bánǎ níŋle ntémé bʉr o dí abe óYúden bá ɨ́ mpáh Nzyɛ̌m tʉ́ŋlʉ̌! Nyɨ́ lœ̌ʼ gúmó dí ti yɨ́ ɔ̌!»

Mɨlʉmlʉ 20:21

Me á si boʼlo kwá oYúden, ndu e baá o dí abe óYúden bá ó, yé jɨ ó, bé túmaa mikoo e mebébe mɔ́ɔ́, le edwira míléme. Bé e dyɛ́ʼwó e Tî gá wɨ́ná Yésʉs.

Mɨlʉmlʉ 16:1

Pɔ̂l nzě pyâl Dɛ́rbe, ndu e Lístra. Nyʉ́ʉ́ mpʉ́n mé Tî Yésʉs á be ó gʉ̂, díé lé Timotɛ̂. Nyɔ̌ŋ á be ó silě Yúden. Nye á be ntémé ó, nye mû krǐsten. Sɔ́ŋ wé nyɨɛ á be ó mʉr Grɛ̂s.

Mɨlʉmlʉ 14:1

Ɨ́ Ikóniʉm, Pɔ̂l, bé e Banabâs, bé á si nî ntémé ɨ́ mpáh minjɨʼla oYúden. Bê nzě lwǐb mbi wé á be ó, bʉr ɨ́ buo buo bûʼlaa milɔ̌b mé Nzyɛ̌m wɨ́. Bâʼ, bé á be ó oYúden; bʉ́ʉ́, bʉr o Grɛ̂s.

Kolosi 3:11

Ɨ́ twiʼ dwân yaá, adû gá bwá mímbɔ́ʼ bâ: Nyâʼ, nye ó Yúden; nyâʼ nyɨɛ, mʉr Grɛ̂s. Nyâʼ, nye ó tíʼá mpʉ́n; nyâʼ nyɨɛ, nyé abě tíʼá mpʉ́n. Nyâʼ, nye ó ayogoyogo. Nyâʼ, nye ó mʉr dí edweŋɔɔ nzóʼ nyá. Nyâʼ, nye ó túʼǎ; nyâʼ nyɨɛ, nye ó nzyɛh. Ebě, Krîst ó dí lʉ̂ sá yɨ́yɛ̂h. Sá yɨ́yɛ̂h, yé dyɛ́ʼwó ó e né.

Galásia 3:28

Sá tɨ̂ʼ ó dí akǎ buú syɛ́ɛlǎ sɔ̂ʼ páʼ óYúden le bwá ó bíkûl yɨ́. Gǒ damá bě túʼǎ, nkʉ̂ ntémé nzyɛh; damá be mʉ́má, nkʉ̂ mʉrʉ̂m, nzyɛ́ɛ́lá ntʉ́ʼ bá tɨ̂, ebě, bɨ̌n bɨ́ pûhla e Yésʉs-Krîst. Bɨ̌n bɨ́bɛ̂h mû kǎ di ó, tâŋ mʉr ngwár.

Rôm 10:12

Ebě, mbɔ́ʼ, wé abe páʼ oYúden, bé e bʉr o dí abe óYúden bá. Bɨ́bɛ̂h, bé e Njwɨ́ɨ ngwár. Baá dí ekɛn díé lé bá, nye lɨ́ elɛ̂ʼle bé bɨ́bɛ̂h mpam nyé.

Rôm 1:16

Mé ajóʼo bá sôn ɨ́ Mbɨambɨa Lɔ́ɔ mé dí etúno wɨ́, ebě, wé ó nkul mé Nzyɛ̌m lɨ́ esú lé étiʼ mʉ̂r nyɨnyɛ̂h ngá bûʼla wé nyá, táare le oYúden, kala e baá o dí abe óYúden bá.

Yʉanes 12:1

Nzɔɔ, nyé osí lîʼ mélú mésaman, Yésʉs nzě tô Bétanî, kwár mé Lazare, mʉr nyé á pɛh ɨ́ soo nyá.

Yʉanes 12:19

OFarizyɛ̂n nzě nyɛl élwibla páʼ nyɔ́ɔ́. Bé ó: «Beyɨɨ gá, mɨná bé ákoʼo gá nye! Bʉr ó sí bɨ́bɛ̂h mû kǎ dû ó, njɨ nye omér.»