Yʉanes 11:41 - Kálar Nzyɛ̌m : Ejwán é Sáá

⁴¹ Bé ntɔ̂ʼ pɛʼ ékóʼ. Yésʉs nzě bɨ̂n mîh kʉ́. Nye ó: «Dâ ɛ̌, me lɨ́ edwe gó nzyǒo, ebě, gʉ́ jóʼo mê.

Kálara Zyɛ̌m Edwán é mpʉ̌n

⁴¹ Bé ntɔʼ pɛʼ ekoʼ. Yesʉs ze bɨn mih kʉ. Nye ó: «Zyoo e go, Da, ebe, gɨ joʼo me.

Yʉanes 11:41 ပူးပေါင်းရင်းမြစ်များ

Mataos 11:25

Jɔʼ yaá ó Yésʉs á nze lɛ́ɛ ó: «Dâ, me lɨ́ edwe gó kûm, gua Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá bisá gó á sol ocwóó le ogwɨ́a ó sí yɨ̂ʼ bí.

Yʉanes 17:1

Jɔ̌ʼ Yésʉs á sil elwib nó yɨ́, nye nzě bɨ̂n mîh kʉ́. Nye ó: «Dâ ɛ̌, jɔʼ, yɨ́ pyâl! Lɛ́ʼláá bʉ̂r kûm me mwân gǒ, mbi dí ó, nye lɛ̂ʼlaa ntémé bʉr kûm nyǒ yɨ́.

Lʉkas 10:21

Ɨ́ jɔʼ yaá, Sísǐm mé Nzyɛ̌m nzě lóŋlǒ lémé mé Yésʉs e bisʉhʉʉ. Nó nyé á lɛ́ɛ ó: «Dâ, me lɨ́ edwe gó kûm, gua, Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá, bisá gó á sol ocwóó ndu e l'ogwɨ́a ó sí yɨ̂ʼ bí. Dâ ɛ̌, yé ó nó! Ebě, go á boo bi bísʉhʉʉ ɨ́ lémé gô ó, yé sáŋɔɔ nó.

Filipi 4:6

Asyɛl gá bá ɨ́ yʉ́ʉ́ sɔ̂ʼ. Jɨʼlaa gá e Nzyɛ̌m ɨ́ bijɔʼ bíbyɛ̂h, ɨ́ bisá bíbyɛ̂h bɨ́n dí ejɨ bí. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí edwe bɨ́n bí.

Lʉkas 18:13

Sâ gwár, nwɨa mɔnɨ́ tœ́a, nye á tîtyɛb sá yé ó ɨ́ pɨ́nʉ́ʉ́. Nye á bé akpɛl ébá bɨ̂n mîh kʉ́. Nye á gbâ ó, njɨ mebô kʉ́ lʉ̂, le elɛ́ɛ ó: “Dâ Nzyɛ̌m, Dâ Zyɛ̌m, sáʼ ó, ebúʼ lô, lé tálaa lɨ́ esú lâm, ebě, me ó syɛ̂l misyóm.”»

Mataos 11:26

Dâ, yé ó nó. Me lɨ́ egúmlo gô, ebě, go á komlo ó, yé syɛ́yɨɨ nó.

Mataos 27:60

Nye ntɔ̂ʼ tó dɨ̌l múu lɨ́ edwán é sóo lé, túbá ngʉ̌ʼ lɨ́ ekóʼ. Píe tɨ̂, nye ntɔ̂ʼ nʉa lʉ́ʉ́ ékóʼ, búblǒ num sóo e tɨ̂, nyɨɛ ntɔ̂ʼ laa, tô.

Markus 15:46

Yóseb nzě tó bwâm ndɔ́má, ntɔ̂ʼ tó sǔl múu sí, díble wé ɨ́ ndɔ́má waá. Nye ntɔ̂ʼ tó dɨ̌l múu ɨ́ soo, túbá ngʉ̌ʼ lɨ́ ekóʼ. Píe tɨ̂, nye ntɔ̂ʼ nʉa lʉ́ʉ́ ékóʼ, búblǒ num sóo e tɨ̂.

Lʉkas 24:2

Jɔʼ bé á pyâl yɨ́, bé ntɔ̂ʼ kœb ó, ekóʼ, lé á si bíŋla lé omér, lé mû lɨ́ empah é num sóo!

Yʉanes 11:22

Sâ gwár, me lɨ́ egʉ́a ó, damá jóʼo ɨ́ báánâ, Nzyɛ̌m ódwe gó sá yɨ́yɛ̂h gó ódî nyé yɨ́.»

Yʉanes 20:1

Ɨ́ dwiné mɛ́n sóno, edúrʉ́ʉ́ dína sí, Maria, silě Magdalâ, nzě tô nko sóo nyaá. Nyě kǎ tó bee ó, ekóʼ, lɨ́ pɛʼɔɔ ɨ́ num sóo.

Mɨlʉmlʉ 7:55

Mpʉ̌ Étiene á be, nye mû lwɨ́ŋlá e Sísǐm mé Nzyɛ̌m yɨ́, nye nzě bɨ̂n mîh kʉ́, nzě bee méntyɛnwa mé Nzyɛ̌m, bee ntémé Yésʉs lɨ́ etyɛ̂b tîtyěl ɨ́ mbó éjʉ́m mé Nzyɛ̌m.