Yʉanes 11:40 - Kálar Nzyɛ̌m : Ejwán é Sáá

⁴⁰ Yésʉs, nye e né ó: «Nzê me bé alɛ́ɛ e go ó, gó ódyêʼ koo e me nó, go óbee kûm mé Nzyɛ̌m ɛ̌?»

Kálara Zyɛ̌m Edwán é mpʉ̌n

⁴⁰ Yesʉs, nye e nye ó: «Zê me baalɛɛ e go ó, ǃgo si buʼla nɛʼɛ, go óbee moncɛnba mo Zyɛm ɛ?»

Yʉanes 11:40 ပူးပေါင်းရင်းမြစ်များ

Yʉanes 11:4

Jɔ̌ʼ Yésʉs á jóʼo mpáŋla nyaá yɨ́, nye ó: «Ekpaa mé Lazare, lé ákóʼó jʉ̂ nyê. Lé ósâ ó bʉr gúmlaa Nzyɛ̌m, bé e Mwân wé.»

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

2 Korɛnt 3:18

Nó ó, kán mpʉ́ʉ waá, wɨ́ pʉʼa ɨ́ mpǒm gá nyɨ́ná. Sá tɨ̂ʼ ó mɨ́ná mû lɨ́ ekʉ́ bee gá kûm mé Tî Yésʉs ɨ́ sɔ́ɔ́ɔ́ yɨ́, mentyɛnwa me tɨ̂ʼ lɨ́ ekʉ́ pân ntémé, duho ɨ́ mɨná gâ. Mɨná mû ó lɨ́ edwirɔɔ gá lɨ́ esú ó, mɨná nkʉ̂ gʉ́a lɛ̂ʼle bʉ̂r kûm nyé. Dâ ó dí edwir mɨ́ná gá nó, nyɨɛ mʉr pǎ dí Sísǐm nyá.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

Yʉanes 9:3

Yésʉs, nye e bé ó: «Yé abe ɨ́ lɔ̌b syóm wé, nkʉ̂ waá óbyɛ́l bé. Nye á byɛ̂l e ntím ó, lɨ́ esú ó, bisyɛ́ɛla mé Nzyɛ̌m, byé nyɨ́nɨɨ e né.

Yʉanes 12:41

Ésayie á lɛ́ɛ nó ó, ebě, nye á si bee kûm mé Yésʉs. Nó nyé á lwilwib ɨ́ lɔ̌b wé yɨ́.

Mataos 17:20

Nye nzě yala e bé ó: «Yé ó ɨ́ lɔ̌b búʼó yɨ́n dí ɨ́ twâʼwo yɨ́. Mě lɛ́ɛ́ bɨ́n lɨ́ otyeetye ó, bɨ́n óbe e mâ búʼó mpʉ díh é nyʉ́ó nó, bɨ̌n bé óbe e nkul elɛ́ɛ le ecwɨ́ʼ lɨ̂ʼ ó: “Nkɛ́yɨ́ɨ́ gó mʉr tɨ̂ʼ wâ. Tó tyɛ̂b kâ,” yé óbánǎ sâ nó. Abe e sá yé ógbâ bɨ́n mekɔbla tɨ̂.»

Markus 9:23

Yésʉs, nye e né ó: «Guá lɛ́ɛ́ ó: “Gó bé e nkul nó”! Sâ gwár, mɛ̌m lɛ́ɛ́ ó, mʉr dí edyɛ̂ʼwo e Nzyɛ̌m nyá, nyě e nkul esâ sá yɨ́yɛ̂h.»

Rôm 6:4

Mɨná gá e Krîst, bé á si dwe, dɨlɔɔ ɨ́ ndubó waá sɔ́má, lɨ́ esú ó, mɨná páhaa gá e nkul mé Nzyɛ̌m Sɔ́ŋ dí e kûm nyá. Mpʉ nyɨ́ɛ á pah lɨ́ odwe yɨ́, yé jala ó, mɨná nʉ́aa gá kʉ̌ tyen dwân píe ndubó.