Yʉanes 11:27 - Kálar Nzyɛ̌m : Ejwán é Sáá

²⁷ Nye e né ó: «Dâ ɛ̌, me lɨ́ ekʉ́ gʉ́a nó. Mɨ́ bûʼla ó, go ó dí Mʉ̌r Nzyɛ̌m á lœm múló mé jwɨ́ɨ nyá. Go ntémé, go ó Mwân mé Nzyɛ̌m, mʉr á be ó, nye ónze ɨ́ sí yɨ̂ʼ nyá.»

Kálara Zyɛ̌m Edwán é mpʉ̌n

²⁷ Nye e nye ó: «Da, me ekʉ gʉa no. Mɨ buʼla ó, go ó ndɨ Lœma mulo mo Zyɛm le Mwan mo Zyɛm, mʉr a be ó, nye óze kaʼ é si nwaʼ ɛ.»

Yʉanes 11:27 ပူးပေါင်းရင်းမြစ်များ

Mataos 16:16

Simon Pétrus ntɔ̂ʼ yala ó: «Go ó Mʉ̌r Nzyɛ̌m á lœm múló mé jwɨ́ɨ nyá. Go ó Mwân mé Nzyɛ̌m dí kublakúbla nyá.»

Yʉanes 6:69

Ɨ́ báánâ, bɨ̌h bɨ́ bûʼla le egʉ́a ó, go ó dí kwahaá Mʉr mé Nzyɛ̌m dí ti nyá!»

Yʉanes 6:14

Bʉr o b'á bee esimá Yésʉs á sâ lɨ́ bá, bê nzě lɛ́ɛ ó: «Mʉr nyâ, nye kʉ́ bě tyeetye ó ngwíha milɔ̌b á jala le enze ɨ́ sí yɨ̂ʼ nyá.»

1 Yʉanes 5:1

Mʉr nyɨnyɛ̂h dí ebúʼla ó, Yésʉs, nye ó Mʉ̌r Nzyɛ̌m á lœm múló mé jwɨ́ɨ nyá, nyɨ́ byɛ̂l e nzɨ̌ nkul mé Nzyɛ̌m. Mʉr nyɨnyɛ̂h dí ekpɛl sɔ́ŋ nyá, nye lɨ́ ekpɛl ntémé mwân wé.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Mɨlʉmlʉ 8:36

Ɨ́ mpʉ bé á tʉ̂to nzɨ́ e nzɨ̌ yɨ́, bê nzě pyâl ɨ́ yʉ́ʉ́ gúmo, yé á be e medíbé yɨ́. Cwɨhá mʉ̂r waá ntɔ̂ʼ lɛ́ɛ e né ó: «Paá bee: medíbé ó mâ! Yé dí e nkul ekǎ kamle mé lɨ́ eduŋɔɔ?»

Yʉanes 4:42

Bʉr baá, bê nzě lɛ́ɛ mʉ́má nɨ̌ ó: «Ɨ́ báánâ, bɨ̌h bé akǎ dyɛ̂ʼwo e né njɨ ɨ́ lɔ̌b lɔ́ɔ́ gô lɛ́ɛ́ bɨ́h wɨ́, ebě, bɨ̌h bʉr o tɨ̂, bɨ̌h bɨ́ jóʼǒ lwǐb yé le ekʉ́ gʉ́a ntémé ó, ɨ́ sí yɨ̂ʼ yɨ́yɛ̂h, nye ó dí bánǎ be Tiʼbʉr.»

Yʉanes 1:49

Natanaɛ̂l, nye e né ó: «Lɛ̂ʼla, gǒ tyeetye ó Mwân mé Nzyɛ̌m. Go ó dí Njwɨ́ɨ Ɨ́zraɛ̂l.»

Lʉkas 2:11

Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!

Mataos 11:3

«Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?»

Mataos 16:20

Yésʉs ntɔ̂ʼ gbâ ómpʉ́n bé mpéné ó, bé l'anyamlě lɛ́ɛ mʉ̂r ó, nye ó Mʉ̌r Nzyɛ̌m á lœm múló mé jwɨ́ɨ nyá.