Yʉanes 10:4 - Kálar Nzyɛ̌m : Ejwán é Sáá

⁴ Jɔʼ nyé pyél byé kʉ̌l nó yɨ́, nye mʉr tɨ̂, nye ó dóló, binteme ntɔ̂ʼ dû nyé píhe, ebě, byé lɨ́ edweʼe étyél lé.

Kálara Zyɛ̌m Edwán é mpʉ̌n

⁴ É jɔʼ nye óbe si pyɛl byaa bye bibyɛh kʉl ɨ, nye mʉr tɨʼ ó lé ecyɛb bye zi dolo, bɨntœme byɛɛ lé edu nye, ebe, byé egʉa ecel le.

Yʉanes 10:4 ပူးပေါင်းရင်းမြစ်များ

Yʉanes 10:16

Me dína ó e byúú bínteme bi dí apǎ nî ɨ́ nkál bí. Me ɨ́ jala le etó nʉa byê, níŋle byé ɨ́ nkál nyaá. Byé ójóʼo twíí nyǎm. Bɨ̌n le onɔ́ɔ́, bé óbe ó sɔ́má gwár, mbɔʼlʉ ngwár.

Yʉanes 12:26

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

Yʉanes 18:37

Pilátos, nye e né ó: «Nó ó, go ó njwɨ́ɨbʉr ɨ́?» Yésʉs nzě yala ó: «Yé ó mpʉ gô lɛ́ɛ́ nɨ̌. Me ó Njwɨ́ɨbʉr. Me á byɛ̂l, nze ɨ́ sí yɨ̂ʼ ó, lɨ́ enzě lɛ́ɛ bʉ̂r otyeetye. Mʉr nyɨnyɛ̂h dí egúmo e mʉr dí le otyeetye nyá, jóʼó ó, sá mé dí elɛ́ɛ yɨ́.»

1 Pyɛr 2:21

Nzyɛ̌m á jébe bɨ̌n ó, bɨ̌n sâʼ nye syɛ́ɛla yaá ó, ebě, Krîst mʉr tɨ̂ʼ á si sia e mitúú lɨ́ esú é nyɔm wɨ́n. Ɨ́ tɨ̂ʼ, nye á si lɛ̂ʼle bɨ̌n mveʼle bɨ́n jálá le edû yɨ́. Nye á sâ nó ó, bɨ̌n nkʉ̂ dû mébo mé. Yê cɛmá ɨ́ Mekaná mé Nzyɛ̌m ó:

1 Pyɛr 5:3

Ayɨ́ jwɨ́ɨ gá e bʉr o b'á tímlɔɔ bɨ̌n bá e cére. Tɨ́áá gá bé kʉ̌ tyen bé jálá le edû wɨ́.

1 Korɛnt 11:1

Baŋaa gá me mpʉ mé dí ebaŋǎ Krîst yɨ́.

Yʉanes 10:8

Baá bɨ́bɛ̂h bé á nze esôʼ e me bá, bé á be ó mindíblʉ̌ ndu e binzilngǎn. Sâ gwár, binteme, byé á bé ajóʼo bê.

Mataos 16:24

Yésʉs nzě lɛ́ɛ le ompʉ́n bé ó: «Mʉ̂r sí kpɛl édû mé nó, nye bénaa nye mʉr tɨ̂. Nye e nkɛ́ɛ́ kolôs yé. Nye e dú mê.

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

Ebrœ̂ 6:20

Tɨ̂ʼ ó Yésʉs á nî yɨ́. Nye á nî ó, esôʼ e mɨná gâ. Nye mû ó njwɨ́ɨ opara gá wɨ́ná, mpʉ̌ Mɛlkisédɛk á be yɨ́. Nye ódi ntémé ó njɨ nó, njʉ̌m dǐ e njʉ̌m dǐ.

Éfɛsɔs 5:1

Baŋaa gá Nzyɛ̌m, ebě, bɨ̌n mû ó bwân nyé dí ekpɛl bá.

Yʉanes 3:29

Mbɛ̂l mʉmá ó dí e mʉmá. Só mé mbɛ̂l nyɨɛ títyɛ́b ɨ́ puuu ó, nye nkʉ̂ gʉ́a jôʼlo étyêl me mbɛ̂l. Nye lɨ́ ebuú soho lɨ́ ejóʼo étyél lé. Nó yaá ó mé dí ebuú soho ɨ́ báánâʼ yɨ́.

Yʉanes 13:15

Mě dwé bɨ́n ó, mveʼle, ó bɨ̌n ntémé nkʉ̂ sɨ̂sǎ mpʉ mê sá bɨ́n yɨ̂.

1 Pyɛr 4:1

Krîst á si sia e mitúú ɨ́ nkǒ páʼ nyʉ̂l bipúno. Sá tɨ̂ʼ ó bɨ́n jálá le eboó bǐ mbǐ pahlá ngwár nyé á be e wé wɨ́ yɨ́, ebě, waá mû sí sia e mitúú ɨ́ nkǒ páʼ nyʉ̂l bipúno nyá, nyé abe lɨ́ ekǎ sɨsâ ébébe.

Yʉanes 10:3

Mʉr dí edwéele ébê nyá, nyě dǐb ó mbɔʼlʉ lǎ. Binteme, byé lɨ́ edweʼe étyél lé. Nyě jɨ́jébé bínteme byé ó e míé mɔ́ɔ́, tʉtô e byé kʉ̌l.

Yʉanes 10:5

Byé abe e nkul edû mʉ̂r byé dí ejéʼe nyá. Byé kpɨ́kpɛ́ɛ́ nyé ó kpɛ́yɨ́ɨ, ebě, byé adweʼe métyél mé bʉ̂r oswîh.»

Yʉanes 10:27

Binteme byâm, byé lɨ́ ejóʼo twíí nyǎm. Me lɨ́ egʉ́a byê. Bíɛ ntémé, byé lɨ́ edû mê.