Yʉanes 10:3 - Kálar Nzyɛ̌m : Ejwán é Sáá

³ Mʉr dí edwéele ébê nyá, nyě dǐb ó mbɔʼlʉ lǎ. Binteme, byé lɨ́ edweʼe étyél lé. Nyě jɨ́jébé bínteme byé ó e míé mɔ́ɔ́, tʉtô e byé kʉ̌l.

Kálara Zyɛ̌m Edwán é mpʉ̌n

³ Mʉr lé ecyɛb é vaa ɛ, nye edib ebe ó kobla bɨntœme. Bɨntœme, byé edweʼe ecel le. Nye ejebe bɨntœme bye ó, behe ntœme yiyɛh e mpaŋ die le, bé e boo nɔɔ ntɔʼ pyal kʉl.

Yʉanes 10:3 ပူးပေါင်းရင်းမြစ်များ

2 Timotɛ 2:19

Damá jóʼo nó, nkǎn Nzyɛ̌m á tyêl nyɨ́, nye dína ó, lɨ́ etyɛ̂b ɨ́ sɨŋ. Mekǎn nyé á cɛma, dumo e nkan nyaá má ó mâ: Nzyɛ̌m, nye lɨ́ egʉ́ǎ baá o dí egúmo e né bá. Mʉ́ʉ́ mé tɨ̂, mé ó: Mʉr dí ekɛn díé mé Tî gá wɨ́ná nyá, nye ɨ́ jala le esyɛ̂hle ébébe!

Yʉanes 10:4

Jɔʼ nyé pyél byé kʉ̌l nó yɨ́, nye mʉr tɨ̂, nye ó dóló, binteme ntɔ̂ʼ dû nyé píhe, ebě, byé lɨ́ edweʼe étyél lé.

Yʉanes 10:16

Me dína ó e byúú bínteme bi dí apǎ nî ɨ́ nkál bí. Me ɨ́ jala le etó nʉa byê, níŋle byé ɨ́ nkál nyaá. Byé ójóʼo twíí nyǎm. Bɨ̌n le onɔ́ɔ́, bé óbe ó sɔ́má gwár, mbɔʼlʉ ngwár.

Yʉanes 10:14

Mɛm, me ó mbɔʼlʉ binteme mpâ. Mpʉ Sɔ́ŋ wǎm dí egʉ́a mé yɨ́, me lɨ́ egʉ́a nyê. Nó ntémé ó mé dí egʉ́a bínteme byâm, binteme byâm ntémé gʉ́a mé yɨ́. Mě dwé twiʼ yâm ó, lɨ́ esú é bínteme byâm.

Mɨngwiha 3:20

Paá bee gâ: me ó wâʼ lɨ́ ekwâʼle ébé lô ó, me níʼee. Mʉr ngá jóʼǒ lwǐb yâm, dib mé lǎ nyá, me ónî kwá nyé. Bɨ̌h e nɔ́ɔ́, bé opûhla mébô lɨ́ ede.

Mɨngwiha 7:17

Ebě, Mâ Nteme dí témé mecwɨ́ɨ́ mé jwɨ́ɨ nyá ó dí mbɔʼlʉ wɔ́ɔ́. Nye ótô e bé, tó pyâl lɨ́ enó e dí tɨ̂ʼ lɨ́, gúmó médíbé mé twiʼ dí eduho yɨ́. Nzyɛ̌m ótin bé myɛ́ɛlé mɨ́mɛ̂h ɨ́ mîh.»

Rôm 8:30

Bʉr o nyé á boo twâr bá, bé ó nyé á jébe bá. Baá nyé á jébe bá, bé ó nyé á dwe nkam ɨ́ míh mé bá. Bʉr o nyé á dwe nkam bá, bé ó nyé á dwe ntémé kûm bá.

Yʉanes 6:45

Ogwíha o mílɔ̌b, bé á cɛma ɨ́ Mekaná mé Nzyɛ̌m ó: “Nzyɛ̌m ó ngá lɛ̂ʼle bɨ́bɛ̂h.” Me lɨ́ elɛ́ɛ ó, mʉr nyɨnyɛ̂h ójóʼǒ Nzyɛ̌m Sɔ́ŋ, le enʉa mílɛ́ʼlá nyé ódwe mí nyá, ónze kwá nyǎm.

Yʉanes 6:37

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

Mɨngwiha 20:15

Bʉr o b'á be abe e míe micɛmá ɨ́ mekaná mé twiʼ bá, bé ntémé, bé á si guhɔɔ ɨ́ bɨ́ siʼe yaá.

Kolosi 4:3

Jɨʼlaa gá ntémé lɨ́ esú lɨ́h. Nzyɛ̌m díbɨɨ bɨ̌h nzɨ̌ ó, bɨ̌h túnaa Mbɨambɨa Lɔ́ɔ́ wé, ó bɨ̌h pâʼlaa lwǐb ódîm dí edumo e Krîst yɨ́. Me ó kɛ́ʼá ɨ́ mbʉʼ ɨ́ lɔ́ɔ waá mé dí eboó tutúno wɨ́.

Filipi 4:3

Me lɨ́ ejɨʼla ntémé e go, mpǎŋ mɨ́ɔɔ́ wǎm, ó go tôʼ komlo bʉ́bá ónɨ̌, ó bé díʼee twíí, ebě, bé ó bʉr o bɨ́h le onɔ́ɔ́ bé á sia e túú lɨ́ etúnǒ Mbɨambɨa Lɔ́ɔ bá. Bé e Klemâŋ ti e bʉ́ʉ́ bʉ̂r, bé á si séa ntémé nó. Míé mɔ́ɔ́, mé ó micɛmá ɨ́ mekaná mé twiʼ tʉ́ŋlʉ̌.

1 Pyɛr 1:12

Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

1 Korɛnt 16:9

Ebě, mpǎŋ jɔʼ, yɨ́ pyâl mé ó, me séaa syɛ́ɛ́ nɨ́nɨ́ɨ́ e nkul ɨ́ buo buo. Nó ó, ontɨ̂m le obɨn o dí elwímla e me bá, bé ntémé, bé ó tɨ̂ʼ ɨ́ buo buo.

Yʉanes 10:9

Me ó ebê. Mʉr nyɨnyɛ̂h dí enî ɨ́ me nyá, ótiʼe. Nye óninî, báʼǎ tô kʉ̌l. Nye ókœb méde mé.

1 Yʉanes 4:6

Nó ó, mɨná bɨɛ dumo gá ó e Nzyɛ̌m. Mʉr dí egʉ́ǎ Nzyɛ̌m nyá, nye lɨ́ esâ mɨ́ná gá mejóʼo. Mʉr dí aduho kwá mé Nzyɛ̌m nyá, nyé asâ mɨ́ná gá mejóʼo. Nó ó mɨ́ná dí e nkul edweʼe gá mbɔ́ʼ páʼ Sísǐm Ótyeetye, ndu e sísǐm bíbɛr yɨ́.

3 Yʉanes 1:14

Mě bûʼlá ó, me mû ó kúno enzě bee gô. Mɨná bé ólwibla, le ebeela mémpǒm. Nzyɛ̌m gbâʼ go mepyɛbla ɨ́ léme. Osó bô dí wâʼ bá, bé lɨ́ esoho gô. Sohaa mé osó gá bɨ́ná, lɨ́ etwóolo bé míe.