Yʉanes 10:27 - Kálar Nzyɛ̌m : Ejwán é Sáá

²⁷ Binteme byâm, byé lɨ́ ejóʼo twíí nyǎm. Me lɨ́ egʉ́a byê. Bíɛ ntémé, byé lɨ́ edû mê.

Kálara Zyɛ̌m Edwán é mpʉ̌n

²⁷ Bɨntœme byam, byé ejoʼo ecel lam. Me egʉa bye. Byé nteme, byé edu me é koo pihe.

Yʉanes 10:27 ပူးပေါင်းရင်းမြစ်များ

Yʉanes 10:16

Me dína ó e byúú bínteme bi dí apǎ nî ɨ́ nkál bí. Me ɨ́ jala le etó nʉa byê, níŋle byé ɨ́ nkál nyaá. Byé ójóʼo twíí nyǎm. Bɨ̌n le onɔ́ɔ́, bé óbe ó sɔ́má gwár, mbɔʼlʉ ngwár.

Yʉanes 10:14

Mɛm, me ó mbɔʼlʉ binteme mpâ. Mpʉ Sɔ́ŋ wǎm dí egʉ́a mé yɨ́, me lɨ́ egʉ́a nyê. Nó ntémé ó mé dí egʉ́a bínteme byâm, binteme byâm ntémé gʉ́a mé yɨ́. Mě dwé twiʼ yâm ó, lɨ́ esú é bínteme byâm.

Mɨngwiha 3:20

Paá bee gâ: me ó wâʼ lɨ́ ekwâʼle ébé lô ó, me níʼee. Mʉr ngá jóʼǒ lwǐb yâm, dib mé lǎ nyá, me ónî kwá nyé. Bɨ̌h e nɔ́ɔ́, bé opûhla mébô lɨ́ ede.

1 Korɛnt 8:3

Mʉr kpɛ́l Nzyɛ̌m nyá nyɨɛ ó dí waá Nzyɛ̌m dí egʉ́a nyá.

Ebrœ̂ 3:7

Sɨ́ǎ yaá ó, Sísǐm mé Nzyɛ̌m dí elɛ́ɛ ɨ́ Mekaná mé Nzyɛ̌m ó: «Bɨ́n sí jóʼo twíí mé Nzyɛ̌m mûh nɛ́ɛ:

Yʉanes 5:25

Mě lɛ́ɛ́ bɨ́n lɨ́ otyeetye ó, jɔʼ, yé lɨ́ enze. Yé ntémé, yɨ́ pyâl: jɔʼ ódwe, bé ójóʼo twíí Mwân mé Nzyɛ̌m yɨ́. Baá bé ójóʼo nyé bá, bé ótiʼe.

Yʉanes 8:12

Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

Galásia 4:9

Damá jóʼo nó, ɨ́ báánâ, bɨ̌n bɨ́ gʉ́ǎ Nzyɛ̌m mpâ. (Me bé lɨ́ edǐ lɛ́ɛ ó, Nzyɛ̌m, nyɨ́ gʉ́a bɨ́n mpʉ bwán bé.) Bɨ̌n bé lɨ́ ebáʼǎ dû mílɛ́ʼlá bʉ̂r ó sí yɨ̂ʼ dí ekûhlo, myaá dí abe e nkul mí ɨ́ yé? Bɨ̌n bé lɨ́ ebáʼǎ kpɛl édi bítúʼǎ byɔ́ɔ́ ɨ́ yé?

Yʉanes 10:8

Baá bɨ́bɛ̂h bé á nze esôʼ e me bá, bé á be ó mindíblʉ̌ ndu e binzilngǎn. Sâ gwár, binteme, byé á bé ajóʼo bê.

Yʉanes 12:26

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

Yʉanes 8:43

Bɨ̌n bé lɨ́ ekâr égwá jóʼǒ lwǐb yâm ɨ́ yé? Ebě, bɨ̌n bé abe e nkul ejóʼǒ lɔ́ɔ́ wâm.

Lʉkas 9:23

Nye ntɔ̂ʼ lɛ́ɛ e bɨ́bɛ̂h ó: «Mʉ̂r sí kpɛl édû mé nó, nye bénaa nye mʉr tɨ̂, nye e nkɛ́ɛ́ kolôs yé dʉ́ó lɨ́lɛ̂h. Nye e dú mê.

Mataos 17:5

Mpʉ nyé á be, nye dína lɨ́ elwib yɨ́, dwiné ɨ́ ngé ngɨ ngé nzě búblo bê. Ompʉ́n, bé kǎ jóʼo ó, lʉ́ʉ́ étyêl lɨ́ eduho ɨ́ dwiné tʉ́ŋlʉ̌, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Me lɨ́ ekʉ́ mɛɛla e né. Jʉ́jóʼáá gá nye!»

2 Timotɛ 2:19

Damá jóʼo nó, nkǎn Nzyɛ̌m á tyêl nyɨ́, nye dína ó, lɨ́ etyɛ̂b ɨ́ sɨŋ. Mekǎn nyé á cɛma, dumo e nkan nyaá má ó mâ: Nzyɛ̌m, nye lɨ́ egʉ́ǎ baá o dí egúmo e né bá. Mʉ́ʉ́ mé tɨ̂, mé ó: Mʉr dí ekɛn díé mé Tî gá wɨ́ná nyá, nye ɨ́ jala le esyɛ̂hle ébébe!

Yʉanes 21:22

Yésʉs, nye e né ó: «Mé sí kpɛl ó, nye díʼee, tó pyâl ɨ́ jɔʼ mé óbáʼǎ nze yɨ́ nɛ́ɛ: gó e wáǎ lɔ̌b tɨ̂? Gua, dúʼóó mê.»

Lʉkas 13:27

Nye óbáʼǎ lɛ́ɛ ó: “Mé agʉ́ǎ nko bɨ́n dí eduho yɨ́. Tó tyɛ̂b gá lɨ́ ejaa, bʉr o dí egbah métié bá!”

Markus 8:34

Nó nyé á nze jébe entumo e bʉ̂r le ompʉ́n bé. Nye ó: «Mʉ̂r sí kpɛl édû mé nó, nye bénaa nye mʉr tɨ̂. Nye e nkɛ́ɛ́ kolôs yé. Nye e dú mê.

Mataos 25:12

Nó nyé á yala e byé ó: “Mě lɛ́ɛ́ bɨ́n lɨ́ otyeetye ó, mé agʉ́a bɨ́n.”»

Mataos 16:24

Yésʉs nzě lɛ́ɛ le ompʉ́n bé ó: «Mʉ̂r sí kpɛl édû mé nó, nye bénaa nye mʉr tɨ̂. Nye e nkɛ́ɛ́ kolôs yé. Nye e dú mê.

Mataos 7:23

Nó me óyala e bé ó: “Ajóʼo! Mé agʉ́a bɨ́n. Pʉʼaa gá me ɨ́ mîh, bɨ̌n baányâ-ebébe bâ!”»

Mɨngwiha 14:4

Bɨ́haá, bé á bé akúna e bʉbá, nkʉ̂ lœʼ ményʉ́l mɔ́ɔ́. Bé dína ó bibíŋ. Bé á be lɨ́ edû Mâ Nteme gúmó yɨ́yɛ̂h nyé á tʉtô yɨ́. Bé ó baá Nzyɛ̌m á dwih ɨ́ mpila ébébe bá. Bɨ́ɛ ó dí tôm á twámɔɔ Nzyɛ̌m, bé e Mâ Nteme wɨ́.

Mɨlʉmlʉ 3:23

Mʉr nyɨnyɛ̂h óbe, asâ ngwíha milɔ̌b waá mejóʼo nyá, ópɛʼɔɔ ɨ́ kúl gá yɨ́ná, jʉ́ŋɔɔ.”

Markus 10:21

Yésʉs nzě dwɛ̂ʼ nyê, kpɛl ntémé nye. Nye e né ó: «Yé lɨ́ esáa gó sâ gwár. Tóʼ. Tó bɛ́mǎ bím bísá gó dí e byé bí. Go e dwé míndyêbndyéb mɔnɨ́ yaá. Jɔʼ yaá ó gó ngá bi ókúm le ogbaa ɨ́ buo buo ɨ́ jʉ́o kʉ́, kwá mé Nzyɛ̌m yɨ́. Píe tɨ̂, go e nzé dû mê!»