Yʉanes 10:25 - Kálar Nzyɛ̌m : Ejwán é Sáá

²⁵ Yésʉs, nye e bé ó: «Me á si boo lɛ́ɛ bɨ̌n. Sâ gwár, bɨ̌n bé abûʼla. Bisyɛ́ɛla mé dí esâ e nkul me Sɔ́ŋ wǎm bí, byé ó dí elɛ̂ʼlě mbi mʉ̂r mé dí wɨ́.

Kálara Zyɛ̌m Edwán é mpʉ̌n

²⁵ Yesʉs, nye e be ó: «Me a si bɛa lɛɛ bɨn ya, bɨn bɛɛ l'abuʼla. Bɨsyɛɛla me lé esa é nkul die mo Sɔŋ wam ɨ, byé ó ndɨ eboʼlo mbi mʉr me ndɨ ɨ.

Yʉanes 10:25 ပူးပေါင်းရင်းမြစ်များ

Yʉanes 10:38

Sâ gwár, mé sí sâ byé nɛ́ɛ: bɨ̌n damá be, adyêʼ koo e me, bûʼláá gá yɨ́ɛ ɨ́ lɔ̌b bísyɛ́ɛla byâm. Nó ó bɨ́n ngá sûʼlǎ gʉ́a ó, Sɔ́ŋ wǎm tiʼe ó, ɨ́ mpúhlá e me; mɛm ntémé ɨ́ mpúhlá e né yɨ́.»

Yʉanes 8:58

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, Abraham dína apǎ byɛ̂l, mɛm á boo be ó Me-ó-tɨ̂.»

Yʉanes 14:11

Búʼláá gá me ɨ́ jɔʼ mé dí elɛ́ɛ ó, “Me ó ɨ́ mpúhlá e Sɔ́ŋ wǎm, Sɔ́ŋ wǎm ɨ́ mpúhlá e me” yɨ́. Yé bé bɨ̌n bé abûʼlǎ lɔ́ɔ waá nó, bûʼláá gá ɨ́ lɔ̌b bísyɛ́ɛla byâm.

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

Yʉanes 20:30

Yésʉs á be ɨ́ báʼǎ sâ mʉ́ʉ́ mésimá ɨ́ buo buo ɨ́ míh mé ómpʉ́n bé. Mɨ́mɛ̂h, mé abe mícɛmá ɨ́ mekaná mâ.

Yʉanes 12:37

Damá be ó Yésʉs á si bu sâ mesimá ɨ́ míh mɔ́ɔ́, oYúden, bé á bé adyɛ̂ʼwo e né.

Yʉanes 11:47

OFarizyɛ̂n le ojwɨ́ɨ o mpáh Nzyɛ̌m bɨ́ɛ nzě gwɨ̂hla ɨ́ bʉ̌m nɨ́nɨ́ɨ́. Bé ó: «Mɨná bé ósâ gá nyá? Ebě, mʉ̌r nɨ̌, nyɨ́ buú sâ mésimá.

Yʉanes 10:32

Yésʉs, nye e bé ó: «Me á si lɛ̂ʼle bɨ̌n bisyɛ́ɛla bimpâ ɨ́ buo buo, byaá Sɔ́ŋ wǎm á lɛ́ɛ ó, me sâʼ bí. Lɛ́yɨ́ɨ́ gá me: bɨ̌n lúmó mé mekóʼ ɨ́ yaá yáa?»

Yʉanes 8:24

Sá tɨ̂ʼ ó mê lɛ́ɛ́ e bɨ̌n ó: “Bɨ̌n bé óbúra e misyóm mín” yɨ́. Bɨ́n bé abûʼla ó, mɛm ó dí Me-ó-tɨ̂ʼ nó, bɨ̌n bé ókʉ́ búra e misyóm mín.»

Yʉanes 8:12

Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

Yʉanes 7:31

Lɨ́ entumo e bʉ̂r énɨ̌, bʉ́ʉ́ bʉ̂r ɨ́ buo buo, bé á be ɨ́ dyɛ̂ʼwo e né. Bé ó: «Jɔʼ Mʉ̂r Nzyɛ̌m á lœm múló mé jwɨ́ɨ nyá, ónze yɨ́, nzê nye óbánǎ laa mʉ̂r nyâʼ lɨ́ esâ mésimá ɛ̌?»

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Mɨlʉmlʉ 2:22

«Bʉr o b'Ɨ́zraɛ̂l, jóʼlááá gá sá mé dí elɛ́ɛ bɨ́n yɨ̂: Yésʉs, mʉr Nazarɛ̂t, á si sâ mesimá me nkûl ti e bisá bí ékâm. Nzyɛ̌m á sâ bisyɛ́ɛla byaá ɨ́ mebó mé nó ó, nye nkʉ̂ lɛ̂ʼle bɨ́n mbi mʉ̂r Yésʉs á be wɨ́. Byé á sáŋɔɔ ó, bɨ̌n bɨɛ lɨ́ ebee, mpʉ bɨ́n bʉr o tɨ̂ʼ dí ekʉ́ gʉ́a yɨ́.

Yʉanes 8:56

Sɔ́ŋ wɨ́n Abraham á be ɨ́ soho ɨ́ jɔʼ nyé á jwɨjwɨʼ ó, nye óbeě móhó épyál lâm. Nye á si bee wê. Nye kʉ́ nzě soho.»

Yʉanes 10:37

Mé bé asâ bísyɛ́ɛla me Sɔ́ŋ wǎm nɛ́ɛ: adyɛ̂ʼwo gá e me!