Yʉanes 10:2 - Kálar Nzyɛ̌m : Ejwán é Sáá

² Waá dí enî lɨ́ ebê nyá, nye ó mbɔʼlʉ binteme.

Kálara Zyɛ̌m Edwán é mpʉ̌n

² Waa lé eni é l'ebe e, nye ó ndɨ kobla bɨntœme.

Yʉanes 10:2 ပူးပေါင်းရင်းမြစ်များ

Yʉanes 10:14

Mɛm, me ó mbɔʼlʉ binteme mpâ. Mpʉ Sɔ́ŋ wǎm dí egʉ́a mé yɨ́, me lɨ́ egʉ́a nyê. Nó ntémé ó mé dí egʉ́a bínteme byâm, binteme byâm ntémé gʉ́a mé yɨ́. Mě dwé twiʼ yâm ó, lɨ́ esú é bínteme byâm.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

1 Pyɛr 5:4

Ɨ́ jɔʼ «Mbɔ̂ʼlʉ bintemě nɨ́nɨ́ɨ́» ngá báʼǎ nze yɨ́, nye ótoŋlo bɨ́n ɨ́ syɛ́ɛ́ yɨ́n yaá, lɨ́ ebôr bɨ́n bikáráá bi dí ɨ́ buo kûm bí. Byé ódidi ɨ́ ntyɛ̌n ntɨ̂ ntyɛ̌n ó, mentyɛnwa me tɨ̂ʼ adímedime, tó kumo ɨ́ twǐʼ njʉ̌m dǐ.

Ebrœ̂ 13:20

Me lɨ́ ejɨʼla e Nzyɛ̌m, mʉr dí egbâ mɨ́ná gá mepyɛbla ɨ́ miléme, waá á pɛh «Mbɔʼlʉ bintemě nɨ́nɨ́ɨ́», Tî gá wɨ́ná Yésʉs nyá. Ɨ́ tɨ̂ʼ, Nzyɛ̌m á sâ ó, saá ngá dǐ njʉ̌m dǐ e njʉ̌m dǐ nyɨ́, ɨ́ nzɨ̌ metié mé.

1 Timotɛ 4:14

Anyamlě sâ lěh ɨ́ lɔ̌b ndwéá Nzyɛ̌m á dwe go ɨ́ jɔʼ ógwíha o mílɔ̌b mé Nzyɛ̌m bé á lwib, dumo e go yɨ́, púhlá le kɛlá mébô ótyɛ̂b bé ésôʼ ó Mbɛ̌r-Nzyɛ̌m bé á kɛl go wɨ́.

Yʉanes 10:9

Me ó ebê. Mʉr nyɨnyɛ̂h dí enî ɨ́ me nyá, ótiʼe. Nye óninî, báʼǎ tô kʉ̌l. Nye ókœb méde mé.

Yʉanes 10:7

Jɔʼ yaá ó Yésʉs á nze baʼa lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, me ó ebé é nkál binteme.

Mɨngwiha 1:20

Ocwícwén nzaangbá gó dí ebee lɨ́ ekœ́h lé éjʉ́m lâm bâʼ le bityélátyéla méláma bí gʉ̂l nzaangbá, sá dí elɛ́ɔɔ tɨ̂ʼ ɨ́ lwǐb ódîm yɨ́ ó yɨ̂: ocwícwén nzaangbá, bé ó beéngeles nzaangbá dí edwéele bʉ̂r ó Mbɛ̌r-Nzyɛ̌m dí ɨ́ binkana nzaangbá bá. Bityélátyéla méláma byaá bíɛ, byê mveʼle ó, bʉr ó Mbɛ̌r-Nzyɛ̌m dí ɨ́ binkana nzaangbá bá.»

1 Pyɛr 2:25

Ebě, bɨ̌n bé á be ɨ́ melú mé épíhe ó, mpʉ bínteme byé á dîm bí. Nó ɨ́ báánâ, bɨ̌n mû ó sí swîʼ, tó kœb mbɔ̂ʼlʉ wɨ́n. Nye ntémé ó pá di mbɔ̂ʼlʉ misísǐm mín.

Títos 1:5

Ɨ́ mpʉ mé á líʼe go náǎ ɨ́ tíhé Krɛ̂t yɨ́, yé á be ó, go nkʉ̂ swâhlě syɛ́ɛ́ yé á buʼo gʉ̂ʼ yɨ́. Syɛ́ɛ́ yaá, yé á be ó, go pɛ́hɛɛ otyɛ̂b bé ésôʼ ó Mbɛ̌r-Nzyɛ̌m, tyêl bé bínkana e bínkana byɛ̂h, lɨ́ esâ mpʉ mé á líʼe go etié yɨ́.

Mataos 15:11

Ntʉ̌ sá dí enî mʉ̂r ɨ́ num yɨ́, dí ebɛ̂ʼ páʼ mʉr, bé e Nzyɛ̌m. Mʉr bɔ́ʼá e Nzyɛ̌m ó, ɨ́ lɔ̌b ékǎn e dí eduho nyé ɨ́ num lɨ́.»