Yʉanes 10:18 - Kálar Nzyɛ̌m : Ejwán é Sáá

¹⁸ Mʉr ákóʼó nʉa mé twiʼ. Mɛm mʉr tɨ̂ʼ ó dí edwě twiʼ yâm lɨ́ edû gwɨ́má yâm. Mě e nkul edwe yê. Me ntémé, mě e nkul ebáʼǎ nʉa yé edwán. Yé ó sá Sɔ́ŋ wǎm á dwe me nkul jwɨ́ɨ ó, me sâʼ yɨ́.»

Kálara Zyɛ̌m Edwán é mpʉ̌n

¹⁸ Mʉr, nye aŋa nʉa me tiʼ yam. Me edwe ye ó dweʼ, e nkul wam me mʉr tɨ. Me e nkul edwe ye, bula nʉa. Yé ó syɛɛla Sɔŋ wam a dwe me nkul ó, me saʼ ɛ.»

Yʉanes 10:18 ပူးပေါင်းရင်းမြစ်များ

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Yʉanes 10:17

«Sɔ́ŋ wǎm kpɛl mé ó, ebe mé mû lɨ́ edwě twiʼ yâm. Me ódwe yê, ntɔ̂ʼ báʼǎ nʉa yé, yé mû edwán.

Yʉanes 14:31

Nó ó, yé jala ó, bʉr ó sí yɨ̂, bé gʉ́ŋaa ó, me lɨ́ ekpɛl Sɔ́ŋ wǎm, le ntémé ó, mě sá ó mpʉ nyé á tɨ́e me yɨ́. «Gbɔlwaa gá sí. Mɨná dúhaa gá wâ.»

Yʉanes 6:38

Ebě, me á bé aduho ɨ́ jʉ́o kʉ́, lɨ́ enzě sâ gwɨ́má yâm, njɨ gwɨ́má mʉ̂r á ntɨh me nyá.

Yʉanes 15:10

Bɨ́n sí baʼle métié mâm nó, bɨ̌n bé ódi tʉ́ŋlʉ̌ kpɛ̌l yâm, ebě, mɨ́ baʼle métié me Sɔ́ŋ wǎm. Mě gʉ́á ntémé ó, nye lɨ́ ekpɛl mê.

Yʉanes 10:11

«Me ó mbɔʼlʉ binteme mpâ. Mbɔʼlʉ binteme mpâ, nye lɨ́ edwě twiʼ yé ɨ́ dilá bínteme byé.

Mɨlʉmlʉ 3:15

Bɨ̌n bé á si bana jʉ̂ Etín é Twiʼ. Damá jóʼǒ mpʉ yé á syɛ́ɛlɨ nó yɨ́, Nzyɛ̌m nyɨɛ, nyɨ́ bánǎ pɛh nyê, dwih nyé lɨ́ odwe. Bɨ̌h ó dí oboʼlo ó lɔ̌b waá.

Mɨlʉmlʉ 2:24

Nzyɛ̌m nzě pɛh nyê, pɛʼ nyé ɨ́ mekpaa mé éswie, ebě, eswie, lé á bé agwá mɛ̂r nyé kɔ́m kɔm.

Yʉanes 5:30

«Mé abe e nkul esâ yʉ́ʉ́ sɔ̂ʼ e mɛm mʉr tɨ̂. Mě tíʼé mílɔ̌b ó, njɨ̌ mpʉ̌ Nzyɛ̌m dí elɛ́ɛ mé yɨ́. Etíʼ é mílɔ̌b lâm, lé ó tîtyěl, ebě, mé abe lɨ́ esâ mpʉ mé dí egwɨ̂m yɨ́, njɨ̌ mpʉ mʉ̂r á ntɨh me nyá dí egwɨ̂m yɨ́.

Mɨlʉmlʉ 2:32

Yésʉs waá ó Nzyɛ̌m á pɛh, dwih lɨ́ odwe nyá. Lɔ̌b wé ó bɨ́h dí eboʼlo bɨ́n wɨ̂.

Yʉanes 19:11

Yésʉs, nye e né ó: «Nzyɛ̌m óbe, adwe nkûl nó, gó abe e nkul esâ mé sɔ̂ʼ. Sâ gwár, mʉr bɛ́má mé nyá nyɨɛ, nye ólîʼ e mebyaʼ, laa gô.»

Yʉanes 5:26

Ebě, jwɨʼ gwár mpʉ̌ Nzyɛ̌m Sɔ́ŋ dí e twǐʼ njʉ̌m dǐ ɨ́ nye mʉr tɨ̂ʼ yɨ́, nó ntémé ó nyé á sâ ó, Mwân díʼee e twiʼ yaá.