Yʉanes 10:14 - Kálar Nzyɛ̌m : Ejwán é Sáá14-15 Mɛm, me ó mbɔʼlʉ binteme mpâ. Mpʉ Sɔ́ŋ wǎm dí egʉ́a mé yɨ́, me lɨ́ egʉ́a nyê. Nó ntémé ó mé dí egʉ́a bínteme byâm, binteme byâm ntémé gʉ́a mé yɨ́. Mě dwé twiʼ yâm ó, lɨ́ esú é bínteme byâm. အခန်းကိုကြည့်ပါ။Kálara Zyɛ̌m Edwán é mpʉ̌n14-15 Me ó mpaŋ kobla bɨntœme. Mpʉ Sɔŋ wam lé egʉa me e, me egʉa nye. Ebe no ó me lé egʉa bɨntœme byam, bɨntœme byam gʉa me e. Me edwè, jala e bɨntœme byam byaa. အခန်းကိုကြည့်ပါ။ |
Yʉanes 10:14
23 ပူးပေါင်းရင်းမြစ်များ
Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.
Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.
Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.
“Me lɨ́ egʉ́ǎ gúmó bɨ́n dí edi yɨ́. Tɨ̂ʼ ó dí diá jwɨ́ɨ́ mé Sátan. Bɨ̌n bé lɨ́ edyɛ̂ʼwo e me. Damá jóʼo ɨ́ jɔʼ bé á jʉ̂ Antipâs yɨ́, bɨ̌n bé á bé agwâʼ ésâ nó. Antipâs ó dí egwá boʼlo mílɔ̌b myâm. Nye ntémé, nye á be ó mʉr ebúʼlɔɔ. Sá tɨ̂ʼ ó bé á mɛ̂r nye ɨ́ sɔ́má yɨ́n, jʉ́ŋɔɔ nyé yɨ́. Tɨ̂ʼ ntémé ó dí odiá mé Sátan.
Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.
«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Sárdɛs wɨ́ nyá. Lɛ́yɨ́ɨ́ nyé ó: Waá dí emɛ̂r mísísǐm mé Nzyɛ̌m nzaangbá ndu e l'ocwícwén nzaangbá nyá, nyě lɛ́ɛ́ ó: me lɨ́ egʉ́ǎ sá yɨ́yɛ̂h gó dí esâ yɨ́. Bʉr bɨ́ɛ bee ó, go ó kublakúbla. Nkúná gua, go ó mpʉ̌ múu.
ကြော်ငြာတွေ