Yʉanes 10:12 - Kálar Nzyɛ̌m : Ejwán é Sáá

¹² Mʉr dí eséa ɨ́ lɔ̌b mɔnɨ́ nyá, nyé abě mbi mbɔ̂ʼlʉ binteme waá. Binteme nyé dí ebaʼle bí, byé abe byaá byé. Nyé sí bee tír menyan nɛ́ɛ: nye lɨ́ elíʼe bínteme, kpɛ́ɛ, mbi dí ó, tír waá, nyě e nkul emɛ̂r byúú bínteme, gbah byúú yɨ́.

Kálara Zyɛ̌m Edwán é mpʉ̌n

¹² Mʉr lé esea é l'efu e mɔn ɨ, nye abe mbi kobla bɨntœme waa. Bɨntœme nye ndɨ ebaʼle e, byé abe byaa bye. ǃNye si bee tir monyan nɛʼɛ, nye ókpɛɛ, liʼe bɨntœme, é mbi ndɨ ó, tir waa, nye e nkul emɛr biʼ bɨntœme, gbah byʉʉ!

Yʉanes 10:12 ပူးပေါင်းရင်းမြစ်များ

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

Títos 1:7

Yé ó nó: yé jɨ ó, mʉr dí epála bʉ̂r ó Mbɛ̌r-Nzyɛ̌m nyá, díʼee waá dí apǎ dweŋɔɔ mébě nyá, ebě, nye ó syɛ̂l mesá mé Nzyɛ̌m. Nyé ajala le esâ pyêh, nkʉ̂ di ɨ́ ŋmaaa, abě nyʉnyóʼ, nkʉ̂ mʉr esweha, nkʉ̂ waá dí esáa bímɔnɨ́ ɨ́ menzɨ̌ me dí onzyɛ́h ónzyɛ́h má nyá.

2 Timotɛ 4:10

Demâs, nyɨ́ pɨʼ mê, ebě, nye lɨ́ ekpɛ̌l sí yɨ̂. Nyɨ́ tô Tesaloníka. Krésaŋ, nyɨ́ tô sí Galásia. Títos, nyɨ́ tô Dalmatía.

1 Timotɛ 3:8

Jwɨʼ gwár e gwár yaá ntémé ó le odiâkɔn. Bé ɨ́ jala le edwe ményʉ́l mɔ́ɔ́ medile. Bé ayɨ́ di le ocábcab. Bé ajala le elɔ̂ʼwa ɨ́ menyoʼ, nkʉ̂ sáa bímɔnɨ́ byɔ́ɔ́ ɨ́ menzɨ̌ me dí onzyɛ́h ónzyɛ́h má.

1 Timotɛ 3:3

abě nyʉnyóʼ, abe mʉ̂r esweha. Nye ɨ́ jala le ebe ó e lémé mpâm, abe ányâ-bitɔm, abe e nzɔ́ɔ́ bísâ.

Mɨlʉmlʉ 20:29

Me lɨ́ egʉ́a ó, jɔʼ mé ngá laa, tô e tyen yâm dóló yɨ́, bʉr o dí enwɨɨla le onkœœ, dí ɨ́ buú nyan bá, bé ópyâl gúmó bɨ́n dí yɨ́. Bé ákamle e sɔ́má óbûʼla.

1 Pyɛr 5:2

Baʼlaa gá daa e bínteme mé Nzyɛ̌m nyé á tímle bɨ̌n lɨ́. Kʉ́ gwá pála gá Mbɛ̌r-Nzyɛ̌m, abe yɨ́ɛ mpʉ̌ sá lɛ́ɛ́, bɨ̌n bé ó lɨ́ bi ó, bɨ̌n séaa syɛ́ɛ́ yaá. Kamaa gá syɛ́ɛ́ mpɔ̂ʼlʉ yɨ́n ɨ́ lɔ̌b gwɨ́má mílémé mín. Séáá gá nó e jwɨʼ ó, bɨ̌n séá ó Nzyɛ̌m syɛ́ɛ́. Mʉ̌r sá abaʼlě Mbɛ̌r-Nzyɛ̌m lɨ́ esú lé élóŋlo bígwɨ́má bímɔnɨ́ ɨ́ menzɨ̌ me dí onzyɛ́h ónzyɛ́h má. Nye sâʼ nó ɨ́ gwɨ́má lémé wé.

Yʉanes 10:3

Mʉr dí edwéele ébê nyá, nyě dǐb ó mbɔʼlʉ lǎ. Binteme, byé lɨ́ edweʼe étyél lé. Nyě jɨ́jébé bínteme byé ó e míé mɔ́ɔ́, tʉtô e byé kʉ̌l.

Mataos 10:16

«Paá bee gâ: mɨ́ lómo bɨ́n mpʉ bínteme páʼ onkœœ! Nó, gwá di gá le ocwóó. Cɨ́áá gá mpʉ ónyʉ́a. Bɨ̌n a tálá míléme mpʉ mépɨbaa.

Mataos 7:15

«Bɨ̌n a báʼ ógwíha o mílɔ̌b o bíbɛr, ebě, bé nzɨ́nzé ɨ́ sɔ́má yɨ́n ó e njwɨr ɨ́ tala tala, nwɨɨla e binteme. Tó kœb ó, ɨ́ milémé myɔ́ɔ́ tʉ́ŋlʉ̌, bé ó mpʉ ónkœœ dí ekpɛl édɛn bínteme bá.

Yʉanes 10:2

Waá dí enî lɨ́ ebê nyá, nye ó mbɔʼlʉ binteme.

Yʉanes 10:13

Nyě kpɛ́ɛ́ ó, ebě, nyě jaá séa ó, njɨ mɔnɨ́. Nyé ajɨ̂ʼ bínteme nkoó.