Yʉanes 10:11 - Kálar Nzyɛ̌m : Ejwán é Sáá

¹¹ «Me ó mbɔʼlʉ binteme mpâ. Mbɔʼlʉ binteme mpâ, nye lɨ́ edwě twiʼ yé ɨ́ dilá bínteme byé.

Kálara Zyɛ̌m Edwán é mpʉ̌n

¹¹ «Me ó mpaŋ kobla bɨntœme. Mpaŋ kobla bɨntœme, nye edwe tiʼ ye é ziila e bɨntœme bye.

Yʉanes 10:11 ပူးပေါင်းရင်းမြစ်များ

Yʉanes 15:13

Kpɛ̌l dí ɨ́ buú bwaʼ yɨ́, yé ó yaá mʉ̂r dí edwě twiʼ yé lɨ́ esú lé ósó bé nyá.

Mɨngwiha 7:17

Ebě, Mâ Nteme dí témé mecwɨ́ɨ́ mé jwɨ́ɨ nyá ó dí mbɔʼlʉ wɔ́ɔ́. Nye ótô e bé, tó pyâl lɨ́ enó e dí tɨ̂ʼ lɨ́, gúmó médíbé mé twiʼ dí eduho yɨ́. Nzyɛ̌m ótin bé myɛ́ɛlé mɨ́mɛ̂h ɨ́ mîh.»

1 Yʉanes 3:16

Mbi wɨ̂ʼ ó mɨ́ná dí edweʼe gá sá dí kpɛ̌l mpâ yɨ́: Yésʉs-Krîst á si dwe twiʼ yé lɨ́ esú gá lɨ́ná. Nó ntémé ó mɨ́ná dí gá e mempʉ́lá kwá bʉ́ʉ́ óbûʼla yɨ́. Mɨná jáná gá mempʉ́lá maá ó, lɨ́ edwe bícwiʼ gá bíná lɨ́ esú é bɨ́ɔɔ́ gá bɨ́ná.

Ebrœ̂ 13:20

Me lɨ́ ejɨʼla e Nzyɛ̌m, mʉr dí egbâ mɨ́ná gá mepyɛbla ɨ́ miléme, waá á pɛh «Mbɔʼlʉ bintemě nɨ́nɨ́ɨ́», Tî gá wɨ́ná Yésʉs nyá. Ɨ́ tɨ̂ʼ, Nzyɛ̌m á sâ ó, saá ngá dǐ njʉ̌m dǐ e njʉ̌m dǐ nyɨ́, ɨ́ nzɨ̌ metié mé.

1 Pyɛr 5:4

Ɨ́ jɔʼ «Mbɔ̂ʼlʉ bintemě nɨ́nɨ́ɨ́» ngá báʼǎ nze yɨ́, nye ótoŋlo bɨ́n ɨ́ syɛ́ɛ́ yɨ́n yaá, lɨ́ ebôr bɨ́n bikáráá bi dí ɨ́ buo kûm bí. Byé ódidi ɨ́ ntyɛ̌n ntɨ̂ ntyɛ̌n ó, mentyɛnwa me tɨ̂ʼ adímedime, tó kumo ɨ́ twǐʼ njʉ̌m dǐ.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Yʉanes 10:2

Waá dí enî lɨ́ ebê nyá, nye ó mbɔʼlʉ binteme.