Yʉanes 1:51 - Kálar Nzyɛ̌m : Ejwán é Sáá

⁵¹ Yésʉs, nye e né ó: «Mě lɛ́ɛ́ bɨ́n lɨ́ otyeetye ó, bɨ̌n bé óbeě jʉ́o lɨ́ ebɔ́a siesíe ɨ́ lʉ̂ Mwân mé Mʉr, beéngeles mé Nzyɛ̌m lɨ́ ebére le esulo tɨ̂.»

Kálara Zyɛ̌m Edwán é mpʉ̌n

⁵¹ Yesʉs ze ko tɨʼ ó: «Me elɛɛ bɨn cyecye ó nɛɛ: bɨn bé óbee jobo lé ebɔa mbɨembɨe e lʉ Mwan mo Mʉr, beengles mo Zyɛm lé ebere le efulo tɨ.»

Yʉanes 1:51 ပူးပေါင်းရင်းမြစ်များ

Mɨlʉmlʉ 7:56

Nó nyé á lɛ́ɛ ó: «Beyɨɨ gá, me lɨ́ ebeě jʉ́o mběʼ, ndu e Mwân mé Mʉr! Nyɨ́ tyɛ̂b tîtyěl ɨ́ mbó éjʉ́m mé Nzyɛ̌m!»

Lʉkas 2:13

Tyé e tyé yaá, sɔ́má bééngeles, yê nzě duho ɨ́ jʉ́o kʉ́, nzě kœb éngeles waá. Bé e nɔ́ɔ́ bɨ́bɛ̂h ntɔ̂ʼ gúmlǒ Nzyɛ̌m. Bé ó:

Markus 14:62

Yésʉs ntɔ̂ʼ yala e né ó: «Me ó nye. Bɨ̌n bé óbee Mwân mé Mʉr, ndîndǐl ɨ́ páʼ mbó éjʉ́m mé Nzyɛ̌m nkul nyɨnyɛ̂h. Bɨ̌n bé óbee nyé lɨ́ enze, témé dwiné.»

Markus 1:10

Le nyé á pʉʼa ɨ́ medíbé, le ntɔ̂ʼ nyé á bee ó, jʉ́o, yɨ́ nyɛɛ ɨ́ kwiií. Sísǐm mé Nzyɛ̌m ntɔ̂ʼ sulo ɨ́ báaa mpʉ épɨbaa, nzě berwo nyé ɨ́ nyʉ̂l.

Mataos 3:16

Mpʉ̌ Yésʉs á sil eduŋɔɔ yɨ́, le nyé á pʉʼa ɨ́ medíbé, lě jʉ́o á bɔ́a. Nye ntɔ̂ʼ beě Sísǐm mé Nzyɛ̌m lɨ́ esulo ɨ́ báaa mpʉ épɨbaa, nzě berwo nyé ɨ́ nyʉ̂l.

Mɨlʉmlʉ 10:11

Nye dína lɨ́ edwɛ̂ʼ kʉ́, nyé ká bee nɛ́ɛ: jʉ́o lɨ́ ebɔ́a, yʉ́ʉ́ sɔ̂ʼ mpʉ sána ndɔ́má ɨ́ bwaʼ bwaʼ lɨ́ eduho ɨ́ jʉ́o kʉ́, sulo sí, ɨ́ nteeen. Yé á be ó tyeelá ɨ́ medumo menâ. Yé á be ó lɨ́ edulwa, sulo sí.

Lʉkas 3:21

Mpʉ éntumo e bʉ̂r, lé á be lɨ́ etó duŋɔɔ yɨ́, Yésʉs ntémé á si tô. Jɔʼ nyé á sil eduŋɔɔ yɨ́, le nyé á jɨʼla e Nzyɛ̌m, lě jʉ́o á bɔ́a.

Mataos 4:11

Píe tɨ̂ʼ ó sɔ́ŋ meleme á líʼe nye, tô yɨ́. Beéngeles nzě pyâl, bé ntɔ̂ʼ séa e Yésʉs.

Mɨngwiha 19:11

Nó ó, me á si bee jʉ́o mû mběʼ. Mpáŋá kablá, yé á si pyâl tɨ̂. Mʉr á kalwo ɨ́ yé kʉ́ nyá, bé lɨ́ ejébe nyé ó: «Waá Ebûʼlɔɔ.» Nye lɨ́ ejébɔɔ ntémé ó: «Mʉr Otyeetye.» Nyě títíʼé mílɔ̌b le elwímla dɔ̂m ó, lɨ́ otîtyěl.

Mɨngwiha 4:1

Píe tɨ̂, mé ká bee nɛ́ɛ: bee ébê mběʼ ɨ́ jʉ́o kʉ́. Me ntɔ̂ʼ báʼǎ jóʼo twíí esôʼ. Twíí nyaá ó b'á lwib ɨ́ mpʉ sébé. Nye á lɛ́ɛ e me ó: «Ntáʼ kâʼ kʉ́, me lɛ̂ʼlaa go bisyɛ́ɛla bi dí ejala le esyɛ́ɛ bí.»

2 Tesalonika 1:7

Yé ntémé, yé óbe ó syɛ́ɛla mpâ ɨ́ jɔʼ nyé ódwe mɨ́ná gá óbɛ̂h egbalá píe bintɨ́ʼá bín yɨ́, ebě, mɨná bé ógbala gá ɨ́ jɔ̌ʼ Tî Yésʉs ónyɨ̂n, duho ɨ́ jʉ́o kʉ́ yɨ́. Bé e beéngeles bé, baá o dí ɨ́ lele ménkul bá, bé ópyâl ɨ́ njʉ̌l siʼe tʉ́ŋlʉ̌.

Lʉkas 2:9

Nó éngeles mé Dâ ntɔ̂ʼ pyâl bê. Mentyɛnwa mé Nzyɛ̌m ntɔ̂ʼ pan ɨ́ gúmó bé á be yɨ́. Bé ntɔ̂ʼ táare ésâʼ ɨ́ bʉ́á.

Ebrœ̂ 1:14

Beéngeles bɨ́ɛ, bê onzé? Bɨ́bɛ̂h, bé ó misísǐm mi dí eséǎ Nzyɛ̌m syɛ́ɛ́ mí. Nyě lómló mɨ́ná gá bǎ ntémé ó, bé ntáa súʼo bʉ̂r o ngá bǐ twǐʼ njʉ̌m dǐ, jala e nkɔb líʼe nyɔ́ɔ́ bá.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Yʉanes 10:1

«Mě lɛ́ɛ́ bɨ́n lɨ́ otyeetye ó, waá nyɨnyɛ̂h dí anî lɨ́ ebé é nkál binteme, tó ntaǎ kôʼ ɨ́ páʼ swîh nyá, nye ó ndíblʉ̌, nkʉ̂ nzilngǎn.

Lʉkas 22:69

Damá jóʼo nó, mě lɛ́ɛ́ bɨ́n ó: táare ɨ́ báánâ, Mwân mé Mʉr ódi ndîndǐl ɨ́ mbó éjʉ́m mé Nzyɛ̌m nkul nyɨnyɛ̂h.»

Mataos 25:31

«Jɔʼ Mwân mé Mʉr ónze ɨ́ mentyɛnwa mé, bé e beéngeles bɨ́bɛ̂h yɨ́, nye ónʉǎ diá ɨ́ mecwɨ́ɨ́ mé jwɨ́ɨ́ yé, maá me dí ɨ́ ntyɛ̌n ntî ntyɛ̌n má.

Yʉ̂d 1:14

Énɔk á be ó ngwih ebaalé mé Ádam. Nye á si gwîh milɔ̌b mé Dâ Nzyɛ̌m, dumo e bʉr baá. Nye á lɛ́ɛ ó: «Paá jóʼo gâ: Tî gá wɨ́ná ónze ó e beéngeles bé dí tí bá, tâŋ mekám mé ótɔ́ɔ́sin,

2 Tesalonika 1:9

Bé ósia e bintɨ́ʼá. Nye ódímle bê. Bé ódîm ó, kɔ́m ti e kɔ́m. Bé ótyenɔɔ lɨ́ ejaa, akǎ pyâl ɨ́ míh mé Tî Yésʉs. Bé ákǎ kúnwo e gúmó nkûl e kûm nyé dí yɨ́.

Yʉanes 14:12

Mě lɛ́ɛ́ bɨ́n lɨ́ otyeetye ó, mʉr dí edyêʼ koo e me nyá, ósâ ntémé bisyɛ́ɛla mé dí esâ bí. Nye ntémé ósâ byaá bi dí ɨ́ buú bwaʼ bí, ebe mé óbúla, tô gúmó Sɔ́ŋ wǎm dí yɨ́.

Yʉanes 6:47

Mě lɛ́ɛ́ bɨ́n lɨ́ otyeetye ó, mʉr dí edyɛ̂ʼwo e me nyá, nyɨ́ bǐ twǐʼ njʉ̌m dǐ.

Lʉkas 24:4

Mpʉ bé á be, bé mû miléme ɨ́ mo ɨ́ nzamá yɨ́, bé kǎ twɨra ó, bʉr obá, bé mû ó tɨ̂ʼ e mikán ɨ́ pan pan ɨ́ menyʉ́l mɔ́ɔ́.

Mataos 26:24

Yé ó nó. Mwân mé Mʉr ódwě mpʉ yé á boo be cɛmá ɨ́ lɔ̌b wé yɨ́. Sâ gwár, nkoó, nye ó e mʉr ngá bɛ́ma Mwân mé Mʉr nyá! Yé á gwa mbɨa mʉr waá ó, mpa nye á bé abyɛ̂l!»

Yʉanes 21:18

Me lɨ́ elɛ́ɛ gó lɨ́ otyeetye, ɨ́ jɔʼ gó á be, go dína loʼo yɨ́, go mʉr tɨ̂ʼ ó b'á tityeele kaná gǒ, tô nko gó á kpɨkpɛl yɨ́. Sâ gwár, ɨ́ jɔʼ gó ngá jwɨm yɨ́, go óbɨ̂r mébô, mʉr swîh nzě tyeele gó kaná, tô e go nko gúa dí akpɛl étô yɨ́.

Yʉanes 8:51

Mě lɛ́ɛ́ bɨ́n lɨ́ otyeetye ó, mʉr óbaʼlě lwǐb yâm nyá, nye ákǎ dwe.»

Yʉanes 6:32

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, ntʉ̌ Moyɨ̂z á dwe bɨ̌n mede mempâ mé á duho ɨ́ jʉ́o kʉ́ má. Sɔ́ŋ wǎm ó dí entɨh méde mempâ me dí eduho ɨ́ jʉ́o kʉ́ má.

Yʉanes 3:5

Yésʉs, nye ó: «Me lɨ́ elɛ́ɛ gó lɨ́ otyeetye ó, mʉ̂r óbe, abyɛ̂l mbyɛ́lá médíbé e waá Sísǐm nó, nyé abe e nkul enî ɨ́ Mpóʼo mé Nzyɛ̌m.

Yʉanes 16:20

Mě lɛ́ɛ́ bɨ́n lɨ́ otyeetye ó, bɨ̌n bé ójɨ médwê, bʉr ó sí bɨ́ɛ, bé óbe lɨ́ esoho. Menyʉ̂l, mé ótyɛʼ bɨ́n. Sâ gwár, ebúʼ lɨ́n laá, lé ókǎ liŋa ó bisʉhʉʉ.

Yʉanes 13:16

Mě lɛ́ɛ́ bɨ́n lɨ́ otyeetye ó, abe e syɛ̂l ngwár dí elaa njwɨ́ɨ wé. Lʉ́mla áláá mʉ̂r lómó nyé nyá ɨ́ dúu.

Yʉanes 10:7

Jɔʼ yaá ó Yésʉs á nze baʼa lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, me ó ebé é nkál binteme.

Yʉanes 6:53

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, mʉ̂r bé ade bípúnó bí Mwân mé Mʉr le ede métié mé nó, lɛ́ɛ́, nyɨ́haá mʉ̂r abǐ twiʼ.

Yʉanes 5:27

Nye ntémé á si dwe Mwân nkul etíʼe mílɔ̌b, ebě, nye ó dí Mwân mé Mʉr.

Yʉanes 5:19

Yésʉs nzě báʼǎ nʉǎ lwǐb. Nye ó: «Mě lɛ́ɛ́ bɨ́n lɨ́ otyeetye ó, Mwân mé Nzyɛ̌m, nyé abe lɨ́ esâ yʉ́ʉ́ sɔ̂ʼ e nkul nyé mʉr tɨ̂. Nyě jaá sâ ó, njɨ syɛ́ɛla nyé dí ebee Sɔ́ŋ wé lɨ́ esâ yɨ́, ebě, syɛ́ɛla yɨ́yɛ̂h Sɔ́ŋ dí esâ yɨ́, yé ntémé ó Mwân wé dí esâ yɨ́.

Yʉanes 3:3

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Mataos 9:6

Sâ gwár, mě gwɨ́m ó, bɨ̌n gʉ́ŋaa ó, Mwân mé Mʉr, nyě e nkul jwɨ́ɨ ɨ́ sí yɨ̂ʼ ó, nye pɛ́ʼɛɛ bʉr bibaa bí ébébě Nzyɛ̌m dí eniʼe bé bí.» Nye ntɔ̂ʼ lɛ́ɛ e mbʉ́mbʉ́ʼ ó: «Gbɔlwáa, nkɛ́yɨ́ɨ́ joó yô, go e tó kwár nyǒ.»

Mataos 8:20

Yésʉs nzě yala e né ó: «Ompɔ̌ʼ, bé ó e mekul. Binʉ̌n e mɔʼ. Sâ gwár, Mwân mé Mʉr, nyé abe e gúmó nyé kɛ́lɨɨ lʉ̂.»

Yʉanes 16:23

«Jɔ̌ʼ móhó waá, wé ópyâl yɨ́, bɨ̌n bé ákǎ dî mé tíá ɨ́ gúú lɔ̌b e gúú. Mě lɛ́ɛ́ bɨ́n lɨ́ otyeetye ó, Sɔ́ŋ wǎm ódwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, le epɨr e díé lâm yɨ́.

Yʉanes 13:38

Yésʉs, nye e né ó: «Nzê yê tyeetye ó, go ɨ́ cǎr ó, go bírɨɨ twiʼ yô lɨ́ esú lâm ɛ̌? Me lɨ́ elɛ́ɛ gó lɨ́ otyeetye, njʉ́m kúo apǎ kwâʼ, go ókɛ́la nzɔ̂ʼ lɛ̂l ó, gó agʉ́a mê.»

Yʉanes 8:58

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, Abraham dína apǎ byɛ̂l, mɛm á boo be ó Me-ó-tɨ̂.»

Yʉanes 8:34

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí esâ syóm nyá, nye ó túʼǎ mísyóm.

Yʉanes 6:26

Nye nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n sáá mé ó, ebě, bɨ̌n bé á si de blêr, díle. Bɨ̌n bé asáa mé ɨ́ lɔ̌b mésimá bɨ́n á bee má.

Yʉanes 1:50

Yésʉs, nye e né ó: «Nzê gǒ dyɛ́ʼwó e me ó, mpʉ mê lɛ́ɛ́ gó ó, me bé ó sí bee gó lɨ́ enzuʼ é lɨ́ figyê yɨ́ ɛ́? Bónáa. Go óbáʼǎ bee bísá bínɨ́nɨ́ɨ́, laa yɨ́nɨ̌.»