Yʉanes 1:49 - Kálar Nzyɛ̌m : Ejwán é Sáá

⁴⁹ Natanaɛ̂l, nye e né ó: «Lɛ̂ʼla, gǒ tyeetye ó Mwân mé Nzyɛ̌m. Go ó dí Njwɨ́ɨ Ɨ́zraɛ̂l.»

Kálara Zyɛ̌m Edwán é mpʉ̌n

⁴⁹ Natanaɛl, nye e nye ó: «Yeʼle, go ó bana kʉ be Mwan mo Zyɛm cyecye! Go ó ndɨ njwɨɨbʉr lal Ɨzraɛl!»

Yʉanes 1:49 ပူးပေါင်းရင်းမြစ်များ

Yʉanes 1:34

Me á si bana bee nó. Nó ó mé dí eboʼlo ó, mʉr nyâ, nye ó kwahaá Mwân mé Nzyɛ̌m yɨ́.»

Lʉkas 19:38

Bé á lɨlɛ́ɛ ó: “Mɨná gúmlaa gá njwɨ́ɨ dí enze e díé mé Dâ Nzyɛ̌m nyá. Kwár mé Nzyɛ̌m, nye lónaa ɨ́ mepyɛbla. Bʉr o dí ɨ́ jʉ́o kʉ́ bá, bé dwêʼ Nzyɛ̌m kûm.”

Mataos 27:42

«Nye á si tiʼ bʉr oswîh. Nó ó, nyé akǎ koʼo étiʼ nyé mʉr tɨ̂! Yé bé nyé pʉgʉ́ be ó tyeetye Njwɨ́ɨ Ɨ́zraɛ̂l nó, nye pʉ́gʉ kǎ sulo sí ɨ́ báánâ, mɨná nkʉ̂ dyɛ̂ʼwo gá e né.

Mataos 21:5

«Lɛ́yɨ́ɨ́ gá bʉr ó Síon ó: Njwɨ́ɨ gǒ ó dí enze kwá nyǒ nɨ̌! Nye ɨ́ buú talǎ njwɨr. Nyě nzé ó, kʉ́ kamntʉl; nye ɨ́ mâ kamntʉl ɨ́ kɛlɨ̂.»

Mataos 2:2

Nó ó bé á to le edî bʉ̂r ó: «Mwân byɛ́l nyá, nye wó? Nye ó dí Njwɨ́ɨbʉr óYúden ebě, bɨ̌h bé á si bee twítwén wé kwá nyɨ́h, nko dʉ́o dí ejɨma yɨ́. Bɨ̌h nzé ó, lɨ́ enzě dwe nyé kûm.»

Yʉanes 1:38

Yésʉs nzě dwira. Nyé ká dwɛ̂ʼ nɛ́ɛ: bee bé lɨ́ edû nyê. Nye nzě dî e bé ó: «Bɨ̌n sáá yé ɛ́?» Bé e né ó: «Gúmó gó dí edi yɨ́, Rabbi!» (Díe laá, lé páʼlɔ́ɔ́ ó, “lɛ̂ʼla”.)

Mataos 27:11

Nó ó Yésʉs á nze tô ɨ́ mpǒm mé ngóvina. Ngóvina nzě dî e né ó: «Go ó dí njwɨ́ɨ oYúden ɨ́?» Yésʉs nzě yala e né ó: «Yé ó gó dí sí lɛ́ɛ̌ nɨ̌.»

Mataos 14:33

Bʉr o b'á be ɨ́ byɛ̂l bá, bê nzě bɨʼɔɔ mébóó mɔ́ɔ́ sí lɨ́ edwě Yésʉs kûm. Bé e né ó: «Go ó kwahaá Mwân mé Nzyɛ̌m tyeetye!»

Yʉanes 18:37

Pilátos, nye e né ó: «Nó ó, go ó njwɨ́ɨbʉr ɨ́?» Yésʉs nzě yala ó: «Yé ó mpʉ gô lɛ́ɛ́ nɨ̌. Me ó Njwɨ́ɨbʉr. Me á byɛ̂l, nze ɨ́ sí yɨ̂ʼ ó, lɨ́ enzě lɛ́ɛ bʉ̂r otyeetye. Mʉr nyɨnyɛ̂h dí egúmo e mʉr dí le otyeetye nyá, jóʼó ó, sá mé dí elɛ́ɛ yɨ́.»

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

Mataos 4:3

Mbôblobʉr ntɔ̂ʼ pyâl gúmó Yésʉs á be yɨ́. Nye e né ó: «Yé bé go ó Mwân mé Nzyɛ̌m nó, lɛ́yɨ́ɨ́ mékóʼ mâʼ ó, mé líŋaa mede.»

Mataos 23:7

Bé kpɨkpɛl ntémé ó, bʉr bɨ́baraa e bé le dúu ɨ́ buo buo ɨ́ bipátele le ejɨjébe bé ó: “Lɛ̂ʼlǎ nɨ́nɨ́ɨ́”.

Mataos 23:8

Mʉr ngwár ɨ́ sɔ́má yɨ́n sá abá bîr ó, bé jébaa nye “Rabbi”, ebě, lɛ̂ʼla wɨ́n, nye ó ngwár. Bɨ̌n bɨ́bɛ̂h, bé ó bɨ́ɔɔ́ e bɨ́ɔɔ́.

Markus 15:32

Krîst, Njwɨ́ɨ Ɨ́zraɛ̂l! Kaá sulo sí ɨ́ báánâ, bɨ̌h nkʉ̂ kǎ bee, le edyɛ̂ʼwo e go.» Bʉr o bé e boo nɔ́ɔ́ bé á be mimbwɨmlá ɨ́ bikolôs kʉ́ bá, bé á be ntémé ó, lɨ́ epya nyê.

Lʉkas 1:35

Nó ó éngeles á nze yala e né ó: «Yé óbe ó: Sísǐm mé Nzyɛ̌m ó ngá sulo ɨ́ go. Nzyɛ̌m dí Lʉ́ bísá bíbyɛ̂h nyá, nkul nyé, nye ógbâ gó sí pyóo nyé. Sá tɨ̂ʼ ó mwân ti gó óbyâ nyá, ójwɨrɔɔ “Mwân mé Nzyɛ̌m” yɨ́.

Yʉanes 1:50

Yésʉs, nye e né ó: «Nzê gǒ dyɛ́ʼwó e me ó, mpʉ mê lɛ́ɛ́ gó ó, me bé ó sí bee gó lɨ́ enzuʼ é lɨ́ figyê yɨ́ ɛ́? Bónáa. Go óbáʼǎ bee bísá bínɨ́nɨ́ɨ́, laa yɨ́nɨ̌.»

Yʉanes 4:31

Jɔʼ yaá, ompʉ́n bé, bé á be lɨ́ ejɨʼla e Yésʉs ó, nye páa dě pêh dœʼ.