Yʉanes 1:45 - Kálar Nzyɛ̌m : Ejwán é Sáá

⁴⁵ Píe tɨ̂, Philippe nzě tó beě Natanaɛ̂l. Nye e né ó: «Bɨ̌h bɨ́ bee mʉ̂r, waá Moyɨ̂z á boo cɛma ɨ́ lɔ̌b wé ɨ́ mekaná métié, maá ógwíha o mílɔ̌b bé á cɛma ɨ́ lɔ̌b wé má. Mʉr waá, nye ó dí Yésʉs, mwân mé Yóseb, mʉr Nazarɛ̂t.»

Kálara Zyɛ̌m Edwán é mpʉ̌n

⁴⁵ Pie tɨ, Filip ze to bee Natanaɛl. Nye e nye ó: «Bɨh bɨ bee mʉr lɔb we ndɨ tila é motie mo Moyiz, waa ogwiha o mɨlɔb, bé a tile, tiibe e nye e! Mʉr waa, nye ó Yesʉs, mwan mo Yoseb, mʉr Nazarɛt!»

Yʉanes 1:45 ပူးပေါင်းရင်းမြစ်များ

Lʉkas 24:27

Nye nzě nyɛl épâʼlǎ sá yɨ́yɛ̂h yé á be cɛmá ɨ́ Mekaná mé Nzyɛ̌m, dumo e né yɨ́, táare lɨ́ mekaná mé Moyɨ̂z, kumo e maá ógwíha o mílɔ̌b bé, bé á cɛma má.

Mataos 2:23

Bé ntɔ̂ʼ tô, tó di ɨ́ kwár dí ejébɔɔ ó, “Nazarɛ̂t” nyɨ́. Yé á pyâl nó ó, ebě, sá ógwíha o mílɔ̌b bé á boo cɛma yɨ́, yé nkʉ̂ syɛ́ɛ. Yê cɛmá ɨ́ Mekaná mé Nzyɛ̌m ó: “Nye ódi ó, mʉr Nazarɛ̂t.”

Lʉkas 24:44

Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

Lʉkas 4:22

Bʉr bɨ́bɛ̂h, bé á si sêʼle sá nyé á sâ yɨ́, le ekâm Yésʉs ɨ́ mimbɨambɨa mékǎn nyé á cɨ má. Bé ntémé nzě lɛ́ɛ ó: «Ntʉ mwân mé Yóseb nyâʼ ǎ?»

Yʉanes 18:7

Yésʉs nzě báʼǎ dî e bé ó: «Bɨ̌n sáá nzé?» Bé ó: «Yésʉs, mʉr Nazarɛ̂t.»

Markus 6:3

Ntʉ nyé dí wâʼ kábína nyá ɛ́? Ntʉ mwân mé Maria nyâʼ ɛ̌? Mɨ́ɔɔ́ mé Jacques, Yóse, Yʉ̂d ndu e Simon ɛ̌? Ntʉ ókɛ́l bé dí wâʼ ɨ́ sɔ́má gá yɨ́ná yɨ̂ʼ bâʼ ɛ̌?» Syɛ́ɛla yaá nzě bɨm bé ebɔ̌ʼ ɨ́ miléme, ntɔ̂ʼ benɔɔ nyê.

Mataos 21:11

Nó éntumo e bʉ̂r, lé á yala e bé ó: «Yé ó Yésʉs, ngwíha milɔ̌b mé Nzyɛ̌m, mʉr Nazarɛ̂t ɨ́ sí Galilê.»

Mɨlʉmlʉ 22:8

Me ntɔ̂ʼ dî e né ó: “Dâ ɛ̌! Gua, go nzé?” Twíí nyaá ntɔ̂ʼ yala ó: “Mɛm, me ó Yésʉs, mʉr Nazarɛ̂t, gó dí etíble nyá.”

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

Yʉanes 21:2

Simon Pétrus, Thomas (waá bé jɨ́jébé “Égbâh” nyá), Natanaɛ̂l (mʉr Kanâ, sí Galilê), bwán mé Zebedê ndu e bʉ́ʉ́ ómpʉ́n mé Yésʉs obá.

Lʉkas 2:4

Nó ntémé ó Yóseb á nze duhǒ Nazarɛ̂t ɨ́ sí Galilê, nzě nkɛ́ɛ, lɨ́ etô sí Yʉ́da. Tɨ̂ʼ ó nyé á tô, nkǒ nkana yé, Bétɛlɛhɛm, gúmó njwɨ́ɨ David á byɛ̂l yɨ́. Nye á tô gʉ̂ʼ ó, ebě, nye á be ó mʉr mbɛ̌r bʉ̂r mé David.

Markus 14:67

ntɔ̂ʼ beě Pétrus lɨ́ edwáblě siʼe, nzě dwɛ̂ʼ nyé ɨ́ bʉ́ʉ́ʉ́á. Nye e né ó: «Go ntémé, go á be ó, bɨ̌n e Yésʉs, mʉr Nazarɛ̂t.»

Mataos 13:55

Ntʉ mwân mé kábína nyâʼ ǎ? Ntʉ̌ Maria dí nyɔ̌ŋ ɨ́? Jacques, Yóseb, Simon, bé e Yʉ̂d, bé abe bɨ́ɔɔ́ bé?

Mɨlʉmlʉ 26:9

«Nó ó, me ntémé, me á kʉ bûʼla ó, yé á jala ó, me sâʼ sá yɨ́yɛ̂h lɨ́ esú ó, me lwímlaa e díé mé Yésʉs, mʉr Nazarɛ̂t.

Mɨlʉmlʉ 3:6

Pétrus nzě lɛ́ɛ e né ó: «Mé abe yɨ́ɛ e minzaŋ mí nkóhó mɔnɨ́, nkʉ̂ myaá mí gʉ̂l. Nó sá mɛ̂m dí e yé yɨ́, yé ó mé dwé gô: ɨ́ díé mé Yésʉs-Krîst, mʉr Nazarɛ̂t, bʉŋláa!»

Mɨlʉmlʉ 2:22

«Bʉr o b'Ɨ́zraɛ̂l, jóʼlááá gá sá mé dí elɛ́ɛ bɨ́n yɨ̂: Yésʉs, mʉr Nazarɛ̂t, á si sâ mesimá me nkûl ti e bisá bí ékâm. Nzyɛ̌m á sâ bisyɛ́ɛla byaá ɨ́ mebó mé nó ó, nye nkʉ̂ lɛ̂ʼle bɨ́n mbi mʉ̂r Yésʉs á be wɨ́. Byé á sáŋɔɔ ó, bɨ̌n bɨɛ lɨ́ ebee, mpʉ bɨ́n bʉr o tɨ̂ʼ dí ekʉ́ gʉ́a yɨ́.

Yʉanes 19:19

Pilátos nzě nʉa ébɔ́m, cɛma tɨ̂, nzě pɛn lé ɨ́ kolôs mé Yésʉs. Lé á be e micɛmá ó: Yésʉs, mʉr Nazarɛ̂t, Njwɨ́ɨ oYúden.

Yʉanes 18:5

Bé e né ó: «Yésʉs, mʉr Nazarɛ̂t.» Yésʉs, nye e bé ó: «Me ó nyâ.» (Yʉ́das, mʉr á bɛ́ma nye nyá, náǎ ɨ́ sɔ́má.)

Yʉanes 6:42

Bé ntɔ̂ʼ díila ó: «Ntʉ̌ Yésʉs, mwân mé Yóseb nyâʼ ɛ̌? Mɨná bé lɨ́ ekʉ́ gʉ́a gá sɔ́ŋ wé, bé e nyɔ̌ŋ wé. Wáǎ mbi nyé dí elɛ́ɛ e mɨná gá báánâʼ ó, nye á duho ó kʉ́ yɨ́ ɛ́?»

Lʉkas 3:23

Yésʉs á táare syɛ́ɛ́ yé ó, nye mû kúnókúno e mimbû mekám mélɛ̂l. Bʉr, bé á jwɨʼ ó, yé ó mwân mé Yóseb, á be mwân mé Éli nyá.

Mataos 10:3

Philippe bé e Barthélemy, Thomas bé e Matthieu (mʉr á be lɨ́ enʉǎ mɔnɨ́ tœ́a nyá), Jacques, mwân mé Alfê, Tadê,

Lʉkas 2:48

Jɔʼ óbyɛ́l bé, bé á bee nye yɨ́, bé ntɔ̂ʼ kâm nyê. Nyɔ̌ŋ wé nzě dî e né ó: «Mwánǎm, go ka sá bɨ́h mpʉʼ ɨ́ yé ɛ́? Paá bee: bɨ̌h e sʉ́ŋ, bɨ́ buú sáa gó, le esyɛ̌l bá.»

Yʉanes 1:44

(Philippe á be ó mʉr Bétsɛ́da, nkanǎ André bé e Pétrus, bé á didi yɨ́.)

Yʉanes 6:5

Yésʉs ká dwɛ̂ʼ nɛ́ɛ: nyě beé ó, sɔ́má bʉ̂r lɨ́ enze kwá nyé. Nó nyé á nze dî e Philippe ó: «Mɨná bé óbwâm gá mede mé édwe bʉ̂r bâʼ bɨ́bɛ̂h wó?»

Yʉanes 6:7

Philippe, nye e né ó: «Mɨná damá jána gá minzaŋ mí mɔnɨ́ minter mimbá, mɨná bé á bé agwá be e nkul ebwâm gá mede, bím dí ó, mʉr nyɨnyɛ̂h bíʼee pêh dœʼ yɨ́.»

Yʉanes 12:21

Bê nzě sîhlě bǎʼ e Philippe, mʉr Bétsɛ́da ɨ́ sí Galilê. Bé e né ó: «Bɨ̌h bé lɨ́ ekpɛl ébeě Yésʉs waá.»

Yʉanes 14:8

Philippe, nye e né ó: «Dâ ɛ̌, lɛ́ʼláá bɨ́h Sɔ́ŋ gǒ. Yé jálaa ɨ́ wɨ́h pâʼ.»

Lʉkas 18:37

Nó bé á lɛ́ɛ e né ó: «Yésʉs, mʉr Nazarɛ̂t, ó dí elaǎ nɨ̌.»