Yʉanes 1:44 - Kálar Nzyɛ̌m : Ejwán é Sáá

⁴⁴ (Philippe á be ó mʉr Bétsɛ́da, nkanǎ André bé e Pétrus, bé á didi yɨ́.)

Kálara Zyɛ̌m Edwán é mpʉ̌n

⁴⁴ (Filip a be ó mʉr Betsɛda, mpʉ mo Andreas bé e Pyɛr.)

Yʉanes 1:44 ပူးပေါင်းရင်းမြစ်များ

Yʉanes 12:21

Bê nzě sîhlě bǎʼ e Philippe, mʉr Bétsɛ́da ɨ́ sí Galilê. Bé e né ó: «Bɨ̌h bé lɨ́ ekpɛl ébeě Yésʉs waá.»

Mataos 11:21

«Nkoó, nye ó e bɨ̌n, bʉr ó Korazîn! Nkoó, nye ó e bɨ̌n, bʉr ó Bétsɛ́da! Yé bé mesimá mé á sâ kwá nyɨ́n má, mé á syɛ́ɛ ó, Tîr e Sidɔ̂n nó, lɛ́ɛ́, bʉr o tɨ̂, bɨ́ kʉ́ba mínkura le elɔma méswií lɨ́ elɛ̂ʼle ó, bɨ́ túmo míkoo e mebébe mɔ́ɔ́, le edwira míléme.

Lʉkas 10:13

«Nkoó, nye ó e bɨ̌n, bʉr ó Korazîn! Nkoó, nye ó e bɨ̌n, bʉr ó Bétsɛ́da! Yé bé mesimá mé á sâ kwá nyɨ́n má, mé á syɛ́ɛ ó Tîr e Sidɔ̂n nó, lɛ́ɛ́, bʉr o tɨ̂, bé á si di ɨ́ bwǎh, kʉ́ba mínkura, le elɔma méswií lɨ́ elɛ̂ʼle ó, bɨ́ túmo míkoo e mebébe mɔ́ɔ́, le edwira míléme.

Lʉkas 9:10

Jɔʼ bʉ̂r o mílʉ́mlʉ́ mé Yésʉs, bé á búla yɨ́, bê nzě lɛ́ɛ nyé sá yɨ́yɛ̂h bé á sâ yɨ́. Nye nzě nʉa bê, tô e bé ɨ́ gúmó bé á to di bé omér yɨ́. Yé á be ó nko kwár bé jɨ́jébé ó, «Bétsɛ́da» yɨ́.

Markus 8:22

Bê nzě pyâl Bétsɛ́da. Bʉr ntɔ̂ʼ nze nyé le ántím, nzě jɨʼla e né ó, nye kɛ́lɨɨ nye mbô.

Markus 6:45

Abea nɛ́ɛ: Yésʉs nzě tíne ómpʉ́n bé ó, bé kpâhwa kalwo ɨ́ byɛ̂l, bé e sámle, tô lɨ́ ebʉ́m é kɔ́m nkɛ́ɛ́, nkǒ Bétsɛ́da. Jɔʼ yaá, nyɨɛ ólîʼ lɨ́ ebwóolo éntumo e bʉ̂r.

Markus 3:18

Nye á twâr ntémé ó André, Philippe, Barthélemy, Matthieu, Thomas, Jacques (mwân mé Alfê), Tadê, Simon “Kɔmlʉ kwár”,

Mataos 10:3

Philippe bé e Barthélemy, Thomas bé e Matthieu (mʉr á be lɨ́ enʉǎ mɔnɨ́ tœ́a nyá), Jacques, mwân mé Alfê, Tadê,

Mɨlʉmlʉ 1:13

Jɔʼ bé á pyâl gʉ̂ʼ yɨ́, bê nzě bére ɨ́ ntɔ́ɔ tólóm mbɛ̌r bé á boo didi tɨ̂ʼ nyɨ́. Bé á be ó: Pétrus, Yʉánɛs, Jacques ti e André, Philippe ti e Thomas, Barthélemy ti e Matthieu, Jacques, mwân mé Alfê, Simon “Kɔmlʉ kwár” ti e Yʉ̂d, mwân mé Jacques.

Lʉkas 6:14

Nye á twâr ó, Simon, mʉr nyé á jwɨr “Pétrus” nyá, bé e mɨ́ɔɔ́ wé, André, ndu e Jacques, Yʉánɛs, Philippe, Barthélemy,

Yʉanes 1:43

Ɨ́ mɛ́n tɨ̂, Yésʉs nzě tíʼe ɨ́ lémé wé ó, nyě tó ó ɨ́ sí Galilê. Nye nzě beě Philippe. Nye e né ó: «Dúʼóó mê!»

Yʉanes 1:45

Píe tɨ̂, Philippe nzě tó beě Natanaɛ̂l. Nye e né ó: «Bɨ̌h bɨ́ bee mʉ̂r, waá Moyɨ̂z á boo cɛma ɨ́ lɔ̌b wé ɨ́ mekaná métié, maá ógwíha o mílɔ̌b bé á cɛma ɨ́ lɔ̌b wé má. Mʉr waá, nye ó dí Yésʉs, mwân mé Yóseb, mʉr Nazarɛ̂t.»

Yʉanes 1:46

Natanaɛ̂l, nye e Philippe ó: «Nzê mpǎŋ sá dí ɨ́ mbɨa yɨ́, yé e nkul eduhǒ Nazarɛ̂t ɛ̌?» Philippe, nye e né ó: «Ntaá nzě bee!»

Yʉanes 1:48

Nó ó Natanaɛ̂l á nze dî e Yésʉs ó: «Gua, gǒ gʉ́á mé nó ɨ́ wáǎ pâʼ?» Yésʉs, nye e né ó: «Me bé ó sí boó bee gó ɨ́ jɔʼ gô bé lɨ́ enzuʼ é lɨ́ figyê yɨ́. Jɔʼ yaá, Philippe dína apǎ jébe gô.»

Yʉanes 6:5

Yésʉs ká dwɛ̂ʼ nɛ́ɛ: nyě beé ó, sɔ́má bʉ̂r lɨ́ enze kwá nyé. Nó nyé á nze dî e Philippe ó: «Mɨná bé óbwâm gá mede mé édwe bʉ̂r bâʼ bɨ́bɛ̂h wó?»

Yʉanes 6:7

Philippe, nye e né ó: «Mɨná damá jána gá minzaŋ mí mɔnɨ́ minter mimbá, mɨná bé á bé agwá be e nkul ebwâm gá mede, bím dí ó, mʉr nyɨnyɛ̂h bíʼee pêh dœʼ yɨ́.»

Yʉanes 12:22

Philippe, nyɨ́ laa, tó lɛ́ɛ̌ André, bɨ́bɛ̂h obá nzě tó lɛ́ɔɔ̌ Yésʉs.