Yʉanes 1:34 - Kálar Nzyɛ̌m : Ejwán é Sáá

³⁴ Me á si bana bee nó. Nó ó mé dí eboʼlo ó, mʉr nyâ, nye ó kwahaá Mwân mé Nzyɛ̌m yɨ́.»

Kálara Zyɛ̌m Edwán é mpʉ̌n

³⁴ Mɨ bana bee no. No ó me lé eboʼlo ó: “Mʉr nwa, nye ó bana kʉ be Mwan mo Zyɛm” ɨ.»

Yʉanes 1:34 ပူးပေါင်းရင်းမြစ်များ

Yʉanes 1:49

Natanaɛ̂l, nye e né ó: «Lɛ̂ʼla, gǒ tyeetye ó Mwân mé Nzyɛ̌m. Go ó dí Njwɨ́ɨ Ɨ́zraɛ̂l.»

Mataos 4:3

Mbôblobʉr ntɔ̂ʼ pyâl gúmó Yésʉs á be yɨ́. Nye e né ó: «Yé bé go ó Mwân mé Nzyɛ̌m nó, lɛ́yɨ́ɨ́ mékóʼ mâʼ ó, mé líŋaa mede.»

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Mɨngwiha 2:18

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Teatîr wɨ́ nyá. Lɛ́yɨ́ɨ́ nyé ó: Lɔ́ɔ́ wɨ̂, wé duho ó, ɨ́ num Mwân mé Nzyɛ̌m. Míh mé, mé ó mpʉ̌ njʉ̌l siʼe. Mekʉ̌ mé, mé ó mpʉ̌ nkóhó dí ɨ́ buú pan yɨ́.

Rôm 1:4

Ɨ́ nkǒ páʼ sísǐm wé dí ti wɨ́, nye njwɨrá ó, «Mwân mé Nzyɛ̌m», Yésʉs-Krîst, Tî gá wɨ́ná. Nzyɛ̌m á lɛ̂ʼle mɨná gá ó, nyě e njwɨrá waá ó e nkul ɨ́ buo buo ɨ́ lɔ̌b pahá sóo wé.

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

1 Yʉanes 4:9

Mpʉ̌ Nzyɛ̌m á lɛ̂ʼle kpɛ̌l yé ɨ́ sɔ́má gá yɨ́ná yɨ́ ó yɨ̂: nye á si ntɨh mɨná gá Etíʼé é Mwân lé ɨ́ sí yɨ̂, ó mɨná nkʉ̂ bi gá twiʼ ɨ́ nzɨ̌ nyé.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.

1 Yʉanes 2:23

Mʉr dí ekɛ́la ó, Yésʉs, nyé abe Mwân mé Nzyɛ̌m nyá, nyé agúmo e Nzyɛ̌m Sɔ́ŋ. Tó kœb ó, waá dí elɛ́ɛ ó, Yésʉs, nye ó Mwân mé Nzyɛ̌m nyá, Nzyɛ̌m Sɔ́ŋ le Nzyɛ̌m Mwân, bé ó ɨ́ nkɔ̌m nyé.

2 Korɛnt 1:19

Ebě, Yésʉs-Krîst, Mwân mé Nzyɛ̌m, nye ó waá bɨ́h á lɛ́ɛ lɔ́ɔ́ wé páʼ nyɨ́n nyá. (Náǎ, yé á be ó bɨ̌h e Silâs ti e Timotɛ̂.) Nzyɛ̌m á bé acâb ɨ́ jɔʼ nyé á lwib e mɨná gá yɨ́. Nye á bé alɛ́ɛ «Eee!» ti e «Heʼé!» ɨ́ jɔʼ gwár. Nye á jaa lɛ́ɛ ó, njɨ: «Eee!»

Yʉanes 19:7

OYúden, bé e né ó: «Bɨ̌h bé e lʉ́ʉ́ étié. Etié laá, lé lɨ́ elɛ̂ʼle ó, bɨ̌h jʉ́ʼoo nye, ebě, nye á be ó sí bánǎ lɛ́ɛ ó, nye ó Mwân mé Nzyɛ̌m.»

Yʉanes 11:27

Nye e né ó: «Dâ ɛ̌, me lɨ́ ekʉ́ gʉ́a nó. Mɨ́ bûʼla ó, go ó dí Mʉ̌r Nzyɛ̌m á lœm múló mé jwɨ́ɨ nyá. Go ntémé, go ó Mwân mé Nzyɛ̌m, mʉr á be ó, nye ónze ɨ́ sí yɨ̂ʼ nyá.»

Yʉanes 10:36

Nó ó bɨ̌n lɛ́ɛ́ ó, me lɨ́ esâ nyé nkěh ɨ́ yé? Nzê ebe mê gwíh bɨ́n ó, me ó Mwân wé yɨ́ ɛ́? Me ó waá Nzyɛ̌m á pɛ̂h, lómo ɨ́ sí yɨ̂ʼ nyá.

Markus 1:1

Metááré mé Mbɨambɨa Lɔ́ɔ́ mé Yésʉs-Krîst, [Mwân mé Nzyɛ̌m], mé ó mâ.

Mataos 27:54

Kapitɛ̂n, bé e bʉ́ʉ́ ódwéela o sóo mé Yésʉs, mbeá bé á bee mpʉ̌ sí yé á kubla yɨ́ le bisá bíbyɛ̂h biswîh, bê kʉ́ nzě jóʼo ékɛ̂n. Bé ó: “Mʉr nyâʼ á kʉ be ó Mwân mé Nzyɛ̌m!”

Mataos 27:43

Nye á be ó sí dyɛ̂ʼwo e Nzyɛ̌m. Yé bé Nzyɛ̌m dína ó lɨ́ ekpɛl nyé nó, nye káa tiʼ nyé ɨ́ báánâ, ebě, nye á lɨlɛ́ɛ ntémé ó, nye ó Mwân mé Nzyɛ̌m!»

Mataos 27:40

Bé ntémé, bé á lɨ̂lɛɛ e né ó: «Gua, mʉr á lɛ́ɛ ó, go ógbɛ́ɛ mpáh Nzyɛ̌m, ntɔ̂ʼ báʼǎ sumo nyé tâŋ melú mélɛ̂l nyá, kaá tiʼ gó mʉr tɨ̂! Gó bé Mwân mé Nzyɛ̌m nó, go e pʉ́gʉ́ pǎ sulo ɨ́ kolôs nɨ̌ sí!»

Mataos 26:63

Yésʉs á jaa di ó, njɨ ɨ́ mes. Nó ó njwɨ́ɨ opara á nze lɛ́ɛ e né ó: «Me lɨ́ entɛŋ gó minkâl ɨ́ díé mé Nzyɛ̌m dí kublakúbla nyá ó, go lɛ́yɨɨ bɨ̌h, nkʉ̂ go ó dí Mʉ̌r Nzyɛ̌m á lœm múló mé jwɨ́ɨ nyá, mʉr dí Mwân mé Nzyɛ̌m nyá?»

Mataos 17:5

Mpʉ nyé á be, nye dína lɨ́ elwib yɨ́, dwiné ɨ́ ngé ngɨ ngé nzě búblo bê. Ompʉ́n, bé kǎ jóʼo ó, lʉ́ʉ́ étyêl lɨ́ eduho ɨ́ dwiné tʉ́ŋlʉ̌, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Me lɨ́ ekʉ́ mɛɛla e né. Jʉ́jóʼáá gá nye!»

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

Ebrœ̂ 7:3

Yé abe e mʉr ngwár dí egʉ́a sɔ́ŋ, nkʉ̂ nyɔ̌ŋ mé Mɛlkisédɛk, nkʉ̂ ntán yé. Mʉr, nyé agʉ́ǎ mpʉ̌ Mɛlkisédɛk á byɛ̂l yɨ́, agʉ́a ntémé nkʉ̂ nye á si dwe. Nyě nwɨɨlá ó e Mwân mé Nzyɛ̌m. Nyě dǐ ɨ́ dǐ pára yé ó, njʉ̌m dǐ e njʉ̌m dǐ.

Lʉkas 3:22

Sísǐm mé Nzyɛ̌m nzě sulǒ mpʉ épɨbaa, nzě berwo nyé ɨ́ nyʉ̂l. Etyêl nzě duho ɨ́ jʉ́o kʉ́, lɨ́ elɛ́ɛ ó: «Go ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e go.»

Lʉkas 1:35

Nó ó éngeles á nze yala e né ó: «Yé óbe ó: Sísǐm mé Nzyɛ̌m ó ngá sulo ɨ́ go. Nzyɛ̌m dí Lʉ́ bísá bíbyɛ̂h nyá, nkul nyé, nye ógbâ gó sí pyóo nyé. Sá tɨ̂ʼ ó mwân ti gó óbyâ nyá, ójwɨrɔɔ “Mwân mé Nzyɛ̌m” yɨ́.

Markus 1:11

Etyêl, lê nzě duho ɨ́ jʉ́o kʉ́ lɨ́ elɛ́ɛ ó: «Go ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e go.»

Mataos 16:16

Simon Pétrus ntɔ̂ʼ yala ó: «Go ó Mʉ̌r Nzyɛ̌m á lœm múló mé jwɨ́ɨ nyá. Go ó Mwân mé Nzyɛ̌m dí kublakúbla nyá.»

Mataos 11:27

Sɔ́ŋ wǎm á si dwe me bisá bíbyɛ̂h. Abe e mʉr dí egwá gʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egwá gʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.

Mataos 8:29

Bé ntɔ̂ʼ táare ébʉ̂ bítím. Bé e Yésʉs ó: «Gǒ sáá yé e bɨ̌h, Mwân mé Nzyɛ̌m? Gǒ nzě dwe bɨ́h bintɨ́ʼá ó, jɔʼ apǎ pyâl ɨ́?»

Mataos 4:6

Nye e né ó: «Yé bé go ó Mwân mé Nzyɛ̌m nó, lyáháa, ebě, yê cɛmá ó: Ebě, nye ódwe bééngeles bé nkul ekamle e go ɨ́ menzɨ̌ mô mɨ́mɛ̂h. Bé ónkɛ́ɛ gó ɨ́ mebó mɔ́ɔ́, lɨ́ esú ó kʉ̌ gô, wé ayɨ́ bɨm ébɔ̌ʼ lɨ́ ekóʼ. »

Mataos 3:17

Píe tɨ̂, nyě kǎ jóʼo ó, etyêl nzě duho ɨ́ jʉ́o kʉ́, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e né.»

Yʉanes 20:28

Thomas nzě lɛ́ɛ e né ó: «Tî wǎm! Nzyɛ̌m wǎm!»

Yʉanes 10:30

Bɨ̌h e nɔ́ɔ́, bé ó sâ gwár.»

Yʉanes 6:69

Ɨ́ báánâ, bɨ̌h bɨ́ bûʼla le egʉ́a ó, go ó dí kwahaá Mʉr mé Nzyɛ̌m dí ti nyá!»

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.