Yʉanes 1:29 - Kálar Nzyɛ̌m : Ejwán é Sáá

²⁹ Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

Kálara Zyɛ̌m Edwán é mpʉ̌n

²⁹ É mɛn tɨ, Yʉanes ka bee ó, Yesʉs lé eze boo nye! Yʉanes ze lɛɛ ó: «Mbe ga: Ma Ntœme mo Zyɛm lé edwih mɨsyem mɨ bʉr bɨbɛh nwa ɛɛ!

Yʉanes 1:29 ပူးပေါင်းရင်းမြစ်များ

1 Yʉanes 2:2

Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

1 Yʉanes 3:5

Bɨ̌n bé lɨ́ egʉ́a ó: Tî Yésʉs á nze nyɨ̂n ɨ́ sí yɨ̂ʼ ó, nye nkʉ̂ nzě pɛʼ mísyóm gá mɨ́ná. Bɨ̌n bé lɨ́ egʉ́a ntémé ó, abe le syóm dí ɨ́ nye tʉ́ŋlʉ̌.

1 Pyɛr 1:19

ɨ́ metié mé Yésʉs-Krîst. Mé ó dí ndwéá dí ɨ́ buo ódimé wɨ́. Yésʉs-Krîst á be ó mpʉ mâ nteme dí abe e dyɛ̂m, abe ntémé e metyɛ́l nyá.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Ebrœ̂ 1:3

Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.

Mɨngwiha 6:1

Mé ká dwɛ̂ʼ nɛ́ɛ: bee Mâ Nteme lɨ́ egbɛ́ɛ̌ sitâm esôʼ. Jɔʼ yaá ó gúú kublakúbla tír lɨ́ otír onâ baá, á lwib kʉ́kʉ́. Twíí nyé á jwɨjwɨ̂ʼ ó mpʉ míndum mi mpíé. Nye ó: «Ntáʼ!»

Mɨngwiha 12:11

Bɨ́ɔɔ́ gá bɨ́ná ntémé, bɨ́ ntaa nyé ɨ́ nkul ɨ́ nzɨ̌ metié mé Mâ Nteme, ti e mboʼlá bé á boʼlo, dumo e Yésʉs wɨ́. Bé á bé alíʼa lɨ́ ebîr bícwiʼ byɔ́ɔ́. Bé á si jʉ́ŋɔɔ ɨ́ lɔ̌b mboʼlá wɔ́ɔ́ waá.

Galásia 3:13

Mpʉ mɨ́ná dí abaʼle gá metié yɨ́, nó ó, Nzyɛ̌m, nyɨ́ syɛm mɨ́ná gâ. Sâ gwár, Yésʉs-Krîst á si dwih mɨná gá ɨ́ mpila ébébe, le enʉa méswomlʉ maá mɨ́mɛ̂h ɨ́ nyʉ̂l nyé lɨ́ esú gá lɨ́ná, ebě, yê cɛmá ó: Mʉr nyɨnyɛ̂h á tyelɔɔ ɨ́ lɨ́ kʉ́ nyá, nye ó waá Nzyɛ̌m á syɛm nyá.

Yʉanes 1:36

Jɔʼ nyé á bee Yésʉs lɨ́ elaa yɨ́, nye nzě báʼǎ lɛ́ɛ ó: «Paá bee gá Mâ Nteme mé Nzyɛ̌m ɛ̌!»

Mɨngwiha 7:17

Ebě, Mâ Nteme dí témé mecwɨ́ɨ́ mé jwɨ́ɨ nyá ó dí mbɔʼlʉ wɔ́ɔ́. Nye ótô e bé, tó pyâl lɨ́ enó e dí tɨ̂ʼ lɨ́, gúmó médíbé mé twiʼ dí eduho yɨ́. Nzyɛ̌m ótin bé myɛ́ɛlé mɨ́mɛ̂h ɨ́ mîh.»

Mɨlʉmlʉ 8:32

Náǎ yé ó, pêh Mékaná mé Nzyɛ̌m nyé á lɨláa yɨ́, yé á lɛ́ɛ ó: “Nye á di ó mpʉ̌ nteme mû lɨ́ etó tíʼɔɔ twíí yɨ́. Nye á be ó mpʉ mâ nteme dídí ɨ́ puuu ɨ́ jɔʼ bé dí ecɨa nyé myě yɨ́ nyá. Nye á bé abɛ́ɛ̌ num.

Mɨngwiha 17:14

Bé ólwímla dɔ̂m e Mâ Nteme. Mâ Nteme ónzě kǎ ntaa bê, ebě, nyɨɛ ó dí Njwɨ́ɨ Ojwɨ́ɨ, le Tî Otî. Bʉr o bé e boo nɔ́ɔ́ dí entaa bá, bé ó baá nyé á jébe, le etwâr ɨ́ sɔ́má bʉ̂r bɨ́bɛ̂h bá. Bé ó b'á dyɛ̂ʼwo e Yésʉs.»

Mɨngwiha 15:3

dyɛɔɔ̌ jɨ́m mé Moyɨ̂z, syɛ̂l mesâ mé Nzyɛ̌m. Jɨ̂m yaá ntémé, yé ó yaá me Mâ Nteme. Bé á dyɛɛ ó: «Dâ Nzyɛ̌m, Nzyɛ̌m nkul nyɨnyɛ̂h, bisyɛ́ɛla byô, byé ɨ́ buú bwaʼ. Byé ntémé, byé ó, bisá bí ékâm. Menzɨ̌ mô mɨ́mɛ̂h, mé ó otîtyěl le otyeetye. Go ntémé, go ó njwɨ́ɨ bikûl bíbyɛ̂h.

Mɨngwiha 14:1

Mé ká bee nɛ́ɛ: bee Mâ Nteme lɨ́ etyɛ̂b lɨ́ ecwɨ́ʼ bé lɨ́ ejébe ó, Síon lɨ́. Yé á be ntémé ó e bʉr otɔ́ɔ́sin nter le mekám ménâ le onâ (144.000). Bé á boo cɛmɔɔ ó, díé mé Yésʉs, ndu e díé mé Nzyɛ̌m Sɔ́ŋ ɨ́ mempǒm.

Mɨngwiha 7:14

Me e né ó: «Dâ ɛ̌, gua ó dí egʉ́a.» Nó nyé á lɛ́ɛ e me ó: «Bʉr bâ, bé ó baá bé á sia e bintɨ́ʼá bínɨ́nɨ́ɨ́ bá. Bɨ́ sohlo bídur byɔ́ɔ́ e metié me Mâ Nteme. Nó ó míkán myɔ́ɔ́ dí ɨ́ pumo pumo yɨ́.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Mɨngwiha 19:9

Nó ó éngeles á lɛ́ɛ e me ó: «Cɛmáa. Nzyɛ̌m sʉ́ʼoo metyɛʼ me mpóm ɨ́ bʉr o b'á báŋlɔɔ ó, bé tô de méde ɨ́ nzɔɔ ebá mé Mâ Nteme bá.» Nye nzě báʼǎ lɛ́ɛ e me ó: «Mekǎn mâ, mé kʉ́ be ó tyeetye. Mé duho ó, ɨ́ num mé Nzyɛ̌m.»

Mɨngwiha 14:10

bé ójaʼra e nkpaa mé Nzyɛ̌m. Nzyɛ̌m óntɨ̂ʼ bé, lɨ́ edû mpʉ nkpáa nyé dí yɨ́. Bé ójaʼra e nkpaa nyé nyaá mpʉ bʉ̂r dí ejaʼra e menyoʼ ɨ́ jɔʼ bé dí akɛl bá médíbé tɨ̂ʼ yɨ́. Nye óntɨ̂ʼ bʉ̂r baá ó e siʼe ndu e pir. Bé óntɨ́ʼɔɔ ó, ɨ́ míh bééngeles dí tí bá ndu e Mâ Nteme.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

Mɨngwiha 19:7

Mɨná sóhaa gá ɨ́ buo buo. Mɨná gúmlaa gá nye, ebě, jɔʼ yé, yɨ́ pyâl! Mâ Nteme múo nzě bâ mʉ́má wé! Mʉmá waá mû ó kʉmsá!

Mɨngwiha 14:4

Bɨ́haá, bé á bé akúna e bʉbá, nkʉ̂ lœʼ ményʉ́l mɔ́ɔ́. Bé dína ó bibíŋ. Bé á be lɨ́ edû Mâ Nteme gúmó yɨ́yɛ̂h nyé á tʉtô yɨ́. Bé ó baá Nzyɛ̌m á dwih ɨ́ mpila ébébe bá. Bɨ́ɛ ó dí tôm á twámɔɔ Nzyɛ̌m, bé e Mâ Nteme wɨ́.

Mɨngwiha 5:8

Jɔʼ nyé á nʉa nye yɨ́, mikublakúbla mí ótír minâ myaá, le otɔ́má bʉ̂r mekám mébá le onâ baá, nzě bɨʼ mébóó sí ɨ́ mpǒm nyé. Mʉr nyɨnyɛ̂h ɨ́ sɔ́má yɔ́ɔ́ á be ó e mpêr ɨ́ mebô, ndu e mempélé mé gʉ̂l, mɨ́mɛ̂h milwɨ́ŋlá le otú ó dúu lɨ́ edúo. (Otú waá, wé ó mveʼle, sá dí elɛ̂ʼle mínjɨʼla bʉ̂r o mé Nzyɛ̌m dí esâ nyé mí.)

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Mɨngwiha 21:9

Nyʉ́ʉ́ éngeles á si nze kwá nyǎm. Nye á be ó mʉr ngwár ɨ́ beéngeles nzaangbá bé á nkɨnkɛ́ɛ mempéle nzaangbá ɨ́ mebô má. Mempéle maá ó b'á be milwɨ́ŋlá e mitúú mí épíhe. Nye e me ó: «Ntáʼ! Me múo nzě lɛ̂ʼle gó eséhe Mâ Nteme ngá bâ lɨ́.»

Mɨngwiha 6:16

Bé á lɨlɛ́ɛ e mecwɨ̂ʼ ndu e mekóʼ ó: «Dumaa gá bɨ̌h ɨ́ menyʉ̂l. Bɨ̌n e sól bɨ́h, ebě, waá dí ɨ́ mecwɨ́ɨ́ mé jwɨ́ɨ nyá, ámû jaá kǎ báʼǎ bee bɨ́h. Ndu e ntémé ó, Mâ Nteme ámû jaá lɛ̂ʼle bɨ́h nkpaa nyé.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Mɨngwiha 21:27

Nó ó, bisá mélwaʼwo bíɛ, byé ákóʼó nî gʉ̂. Bʉr o dí esâ bísyɛ́ɛlǎ Nzyɛ̌m dí ɨ́ buú bene bí bá, bé e baányâ-bibɛr, bé ákóʼó nî ntémé gʉ̂. Bʉr o ngá nî gʉ̂ʼ bá, bé óbe ó njɨ baá bé á boo be e míe micɛmá ɨ́ mekaná mé twiʼ mé Mâ Nteme bá.

1 Yʉanes 4:10

Kpɛ̌l mpâ ó yɨ̂: yé abe yaá mɨ́ná dí elɛ̂ʼle gá Nzyɛ̌m yɨ́. Yé ó yaá nyɨ́ɛ á lɛ̂ʼle mɨná gá yɨ́, ebě, nye á si ntɨh mɨná gá Mwân wé. Nye ó mʉr á búra le syóm wɨ́ná nyá. Nye ntémé ó b'á leʼe nkpaa mé Nzyɛ̌m.

1 Timotɛ 2:6

mʉr á pa dwe twiʼ yé lɨ́ etáǎ góo, le edwih bʉ̂r bɨ́bɛ̂h ɨ́ mpila ébébe nyá. Nó ó, lɔ́ɔ waá, wé á ka lɛ́ɔɔ ó, ɨ́ jɔʼ wé á jala le elɛ́ɔɔ yɨ́.

1 Korɛnt 15:3

Me á bě sí kala bɨ́n lɔ́ɔ́ mé á lɛ́ɔɔ wɨ́. Wé ɨ́ bwǎʼ nyɔm. Wé ó nɛ́ɛ: Krîst, nye á si búra e misyóm gá míná mpʉ yé á boo be cɛmá ɨ́ Mekaná mé Nzyɛ̌m yɨ́.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Mɨngwiha 5:6

Nó ó mé á dwɛ̂ʼ, bee ó, nkúná yé á be ó Mâ Nteme. Nye á si tyɛ̂b páʼ mecwɨ́ɨ́ mé jwɨ́ɨ le mikublakúbla mí ótír minâ, le otɔ́má bʉ̂r baá. Yé á kʉ be ó, kwahaá mpʉ sá lɛ́ɛ́, bé á si jʉ̂ nye. Nye á be ó e bintóo nzaangbá ɨ́ lʉ̂. Nye á be ntémé ó e mîh nzaangbá. Míh mé, mé ó misísǐm nzaangbá myé á lómɔɔ ɨ́ sí yɨ́yɛ̂h mí.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.

Galásia 1:4

Yésʉs-Krîst mʉr tɨ̂ʼ á si dwe twiʼ yé, nzě búra e misyóm gá míná. Mpʉ nyé á jala e myé yɨ́, nyɨ́ dwih mɨ́ná gá ɨ́ sɔ́má ósyɛ̂l o mísyóm ó myǎ wɨ̂. Yésʉs á sâ nó ó, mpʉ̌ Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, á kpɛl yɨ́.

Mɨlʉmlʉ 13:39

Bʉr bɨ́bɛ̂h ngá dyêʼ koo e né bá, bé óbi nkâm ɨ́ nzɨ̌ nyé. Bé ódweŋɔɔ nkâm ɨ́ mimbi mílɔ̌b mímyɛ̂h. Bé á bé agwá bi nkâm ɨ́ nzɨ̌ metié mé Moyɨ̂z.

Mataos 1:21

Nye óbyâ mâ mʉrʉ̂m. Go ójwɨr nyé “Yésʉs”, ebě, nye ó ngá tǐʼ kúl yé, lɨ́ etáǎ góo, le edwih yé ɨ́ mpila mísyóm, pɛʼ yé ɨ́ fá.»

Mɨngwiha 21:14

Bé á si gbâ mekóʼ kám e mebá tʉ́ŋlʉ̌ kôʼ waá. Bé á be ó sí cɛma míé mé bʉ̂r o mílʉ́mlʉ́ kám le obá Mâ Nteme á títye e bé bá, ɨ́ mekóʼ maá.

Ebrœ̂ 2:17

Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.

Yʉanes 1:35

Ɨ́ mɛ́n tɨ̂, Yʉánɛs á be ɨ́ báʼǎ nzě gúmo yaá, bé e bʉ́ʉ́ ómpʉ́n bé obá.

Yʉanes 1:43

Ɨ́ mɛ́n tɨ̂, Yésʉs nzě tíʼe ɨ́ lémé wé ó, nyě tó ó ɨ́ sí Galilê. Nye nzě beě Philippe. Nye e né ó: «Dúʼóó mê!»

Yʉanes 2:1

Píe melú mébá, nzɔɔ ebâ nzě syɛ́ɛ ɨ́ kwár Kanâ ɨ́ sí Galilê. Nyɔ̌ŋ mé Yésʉs á be ó tɨ̂.

Yʉanes 4:42

Bʉr baá, bê nzě lɛ́ɛ mʉ́má nɨ̌ ó: «Ɨ́ báánâ, bɨ̌h bé akǎ dyɛ̂ʼwo e né njɨ ɨ́ lɔ̌b lɔ́ɔ́ gô lɛ́ɛ́ bɨ́h wɨ́, ebě, bɨ̌h bʉr o tɨ̂, bɨ̌h bɨ́ jóʼǒ lwǐb yé le ekʉ́ gʉ́a ntémé ó, ɨ́ sí yɨ̂ʼ yɨ́yɛ̂h, nye ó dí bánǎ be Tiʼbʉr.»

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»