Yʉanes 1:26 - Kálar Nzyɛ̌m : Ejwán é Sáá

²⁶ Yʉánɛs, nye e bé ó: «Mě du bɨ́n ó e medíbé. Yé e nyʉ́ʉ́ mʉ̂r wâʼ páʼ nyɨ́n, bɨ́n dí agʉ́a nyá.

Kálara Zyɛ̌m Edwán é mpʉ̌n

²⁶ Yʉanes, nye e be ó: «Mɛm, me edù bɨn ó e modibe. Yé e nuu mʉr lé ecyɛb wâʼ é sama yin, waa bɨn ndɨ agʉa ɛ.

Yʉanes 1:26 ပူးပေါင်းရင်းမြစ်များ

Mɨlʉmlʉ 1:5

Ebě, Yʉánɛs nyɨɛ á dudu bʉr ó e medíbé. Yɨ́ kǎ lîʼ njɨ bwá mélû abuo, bɨ̌n bé ókǎ duŋɔɔ ó e Sísǐm mé Nzyɛ̌m.»

Lʉkas 3:16

Yʉánɛs nzě lɛ́ɛ bɨ́bɛ̂h ó: «Mɛ̌m du bɨ́n ó e medíbé. Yé e nyʉ́ʉ́ mʉ̂r dí e nkul jwɨ́ɨ, laa mé nyá. Nye lɨ́ enze. Mɛm, mé abě tyé mʉ̂r dí ó, me tíyɨɨ mikǒl mí ósípah myé nyá. Nyɨɛ ó ngá du bɨ́n e Sísǐm mé Nzyɛ̌m ndu e siʼe.

Markus 1:8

Mɛ̌m du bɨ́n ó e medíbé. Nyɨɛ, nye ódu bɨ́n ó e Sísǐm mé Nzyɛ̌m.»

Mataos 3:11

Mɛ̌m du bɨ́n ó e medíbé, lɨ́ elɛ̂ʼle ó, bɨ̌n bɨ́ túmo míkoo e misyóm mín, le edwira míléme. Sâ gwár, mʉr dí ebɔma mé píe koo nyá, nyě e jwɨ́ɨ, laa mê. Mɛm, mé abě tyé mʉ̂r dí ó, me pɛ́ʼɛɛ nye osípah ɨ́ mekʉ̌ nyá. Nyɨɛ, nye ódu bɨ́n ó e Sísǐm mé Nzyɛ̌m le siʼe.

Yʉanes 8:19

Bé e né ó: «Á sɔ́ŋ gǒ, nye nkoó?» Yésʉs, nye e bé ó: «Bɨ̌n bé agʉ́a, damá jóʼo mê, damá jóʼo Sɔ́ŋ wǎm. Yé bé bɨ̌n bé lɨ́ egʉ́a mé nó, lɛ́ɛ́, bɨ̌n ntémé bɨ́ gʉ́a Sɔ́ŋ wǎm.»

1 Yʉanes 3:1

Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

Mɨlʉmlʉ 11:16

Nó ó, me nzě símsa mékǎn Tî Yésʉs á lɛ́ɛ mɨná gá má. Nye á lɛ́ɛ ó: “Yʉánɛs á dudu bʉr ó e medíbé. Bɨ̌n bɨɛ, bé ókǎ duŋɔɔ ó e Sísǐm mé Nzyɛ̌m.”

Yʉanes 17:25

Sɔ́ŋ Otîtyěl, bʉr ó sí yɨ̂, bé agʉ́a gô. Mɛm ó dí egʉ́a gô, ti e bʉr o mû sí gʉ́a ó, go ó b'á ntɨh me bá.

Yʉanes 17:3

Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

Yʉanes 16:3

Bé ósɨsâ nó ó, ebě, bé á bé agʉ́a, damá be Sɔ́ŋ wǎm, damá be mê.

Mataos 3:6

bé ntɔ̂ʼ gwîh mísyóm myɔ́ɔ́, Yʉánɛs nzě du bé ɨ́ díbé Yɔrdên.

Mɨlʉmlʉ 19:4

Nó ó, Pɔ̂l á lɛ́ɛ e bé ó: «Yʉánɛs á dudu ó, baá bé á túmo mikoo e misyóm myɔ́ɔ́, le edwira mílémé bá. Nye á lɨlɛ́ɛ e bʉr o b'Ɨ́zraɛ̂l ó, bé dyɛ̂ʼwaa e mʉr dí enze nyé píe koo nyá. Nó yé ó Yésʉs.»