Yʉanes 1:17 - Kálar Nzyɛ̌m : Ejwán é Sáá

¹⁷ Nzyɛ̌m á tyêl mɨná gá metié ndu e l'egbâ mémpéné ó, cɨɨ ɨ́ nzɨ̌ mé Moyɨ̂z. Nó ó, mpam nyé le otyeetye bíɛ, byé á nze ɨ́ mɨná gá ó, cɨɨ ɨ́ nzɨ̌ mé Yésʉs-Krîst.

Kálara Zyɛ̌m Edwán é mpʉ̌n

¹⁷ Zyɛm a si tiile bɨna ga motie, cwɨɨ é Moyiz. No ó, ncwɨncwɨa we e l'ocyecye byɛɛ, byé a ze é bɨna ga ó, dumo e Yesʉs-Krɨst.

Yʉanes 1:17 ပူးပေါင်းရင်းမြစ်များ

Rôm 6:14

Ebě, syóm, wé ajala le ekǎ jwɨ́ɨ bɨ́n, ebě, bɨ̌n bé akǎ be bʉ̂r o dí ɨ́ mpila métié tʉ́ŋlʉ̌ bá. Ɨ́ báánâ, bɨ̌n mû ó baá Nzyɛ̌m mû sí lɛ̂ʼle mpâm bá.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Ebrœ̂ 9:22

Metié mé Nzyɛ̌m, mé lɛ́ɛ́ ó, bé púbaa bɛ̌m bě sá yɨ́yɛ̂h e metié mé ótír. Jɔʼ métié me tɨ̂ʼ dína apǎ swɨɨ sí yɨ́, Nzyɛ̌m, nyé abe lɨ́ epɛʼ mʉ̂r bibaa bí ébébe nyé á niʼe nye bí.

Yʉanes 8:32

Jɔʼ bɨ́n ngá gʉ́a ótyeetye yɨ́, otyeetye waá, wé ódil bɨ́n ɨ́ tyé ónzyɛh o bʉ̂r.»

Yʉanes 7:19

Ntʉ̌ Moyɨ̂z á tyêl bɨ̌n metié ɛ́? Sâ gwár, abe e mʉr dí ebaʼle métié maá. Bɨ̌n bé lɨ́ esáa éjʉ̂ mé ɨ́ yé?»

Mɨlʉmlʉ 28:23

Bê nzě tyêl móhó, bé e boo nɔ́ɔ́, bé á be ó, bé óbɔma wɨ́. Jɔ̌ʼ móhó waá, wé á pyâl yɨ́, bé ntɔ̂ʼ nze e bʉr ɨ́ buo buo, nzě kœb nyé ɨ́ gúmó nyé á didi yɨ́. Táare ɨ́ mɛ́n, tó pyâl ɨ́ bíí kʉ̌ʼ, Pɔ̂l nzě túnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le esáa ó, nye dúlaa bê, ó bé bûʼlaa lɛ́ʼlá dí edumo e Yésʉs wɨ́. Nye á nʉnʉa milɛ́ʼlá myaá ó, ɨ́ metié mé Moyɨ̂z le mekaná mé ógwíha o mílɔ̌b.

Galásia 3:17

Sá mé mû lɨ́ ejɨ̌ lɛ́ɛ yɨ́ ó yɨ̂: Nzyɛ̌m á si boo tyêl saá le Abraham. Píe mimbû minter minâ e mekám mélɛ̂l, nye nzě tyêl óYúden metié. Metié maá, mé á bé agwá gbɛ́ɛ sáá nyaá, nkʉ̂ dímle ménkɛ̌ʼ nyé á dwe Abraham tɨ̂ʼ má.

Mɨlʉmlʉ 7:38

Nye ó b'á be, bé e kúl bʉ̂r o b'Ɨ́zraɛ̂l, ɨ́ jɔʼ bé á syɛŋa ɨ́ lʉá yɨ́. Nye á be ó, bé e bimpám gá bíná ndu e éngeles á lwib e bé lɨ́ ecwɨ́ʼ é Sináyɨ̂ nyá. Moyɨ̂z ó b'á nyɛɛ bi mingwíhá mílɔ̌b mé Nzyɛ̌m ɨ́ nzɨ̌ mé éngeles, kǎ kala mɨ́ná gá myǎ. Milɔ̌b myaá ó dí edwě twiʼ.

Yʉanes 5:45

Sâ gwár, ajwɨʼ gá ó, me ópur bɨ́n ɨ́ míh mé Dâ. Moyɨ̂z, mʉr bɨ́n á pa dyɛ̂ʼwo e né nyá ó ngá pur bɨ́n.

2 Korɛnt 1:20

Ebě, menkɛ̌ʼ mɨ́mɛ̂h Nzyɛ̌m á kɛʼ má, mé jaá dira ó, njɨ ɨ́ nzɨ̌ mé Yésʉs. Sɨ́ǎ yaá ntémé ó mɨ́ná dí elɛ́ɛ gá ó «Amɛn!» yɨ́. (Nó yé lɛ́ʼlé ó: yé díʼee nó.) Mɨná dwé gá Nzyɛ̌m kûm ó tɨ̂, ɨ́ minjɨʼla myaá.

Yʉanes 9:29

Bɨ̌h bé lɨ́ egʉ́a ó, Nzyɛ̌m á be ó sí lwib e Moyɨ̂z. Sâ gwár, mʉr nyâ, bɨ̌h bé agʉ́ǎ nko nyé á duho yɨ́.»

Yʉanes 18:37

Pilátos, nye e né ó: «Nó ó, go ó njwɨ́ɨbʉr ɨ́?» Yésʉs nzě yala ó: «Yé ó mpʉ gô lɛ́ɛ́ nɨ̌. Me ó Njwɨ́ɨbʉr. Me á byɛ̂l, nze ɨ́ sí yɨ̂ʼ ó, lɨ́ enzě lɛ́ɛ bʉ̂r otyeetye. Mʉr nyɨnyɛ̂h dí egúmo e mʉr dí le otyeetye nyá, jóʼó ó, sá mé dí elɛ́ɛ yɨ́.»