Yʉanes 1:14 - Kálar Nzyɛ̌m : Ejwán é Sáá

¹⁴ Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Kálara Zyɛ̌m Edwán é mpʉ̌n

¹⁴ Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Yʉanes 1:14 ပူးပေါင်းရင်းမြစ်များ

1 Yʉanes 4:9

Mpʉ̌ Nzyɛ̌m á lɛ̂ʼle kpɛ̌l yé ɨ́ sɔ́má gá yɨ́ná yɨ́ ó yɨ̂: nye á si ntɨh mɨná gá Etíʼé é Mwân lé ɨ́ sí yɨ̂, ó mɨná nkʉ̂ bi gá twiʼ ɨ́ nzɨ̌ nyé.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Yʉanes 1:1

Nzyɛ̌m dína apǎ kuho kʉ́ e sí, mʉr á be e díe ó, “Lwǐb” nyá, á boo be ó tɨ̂. Lwǐb, bé e Nzyɛ̌m ó b'á be. Lwǐb á be ó Nzyɛ̌m.

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

Ebrœ̂ 1:3

Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Kolosi 1:19

Nyě tyɛ́b bísá bíbyɛ̂h esôʼ ó, ebě, Nzyɛ̌m á bee embɨa ɨ́ páʼ wé ó, nyě dǐ ntinɨ̂ e ntinɨ̂ ó, ɨ́ nye.

1 Korɛnt 15:47

Ádam esôʼ á meŋɔɔ ó e bibwǎh. Ádam mbá á duho ó, ɨ́ jʉ́o kʉ́.

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

1 Yʉanes 4:14

Mɨná bɨ́ bee gá sá mɨ́ná tʉ́tó gá le eboʼlo yɨ́. Mboʼlá gá wɨ́ná, wé ó wɨ̂: Dâ Nzyɛ̌m á ntɨh Mwân wé ó, nye díʼee Tiʼbʉr ɨ́ sí yɨ̂ʼ yɨ́yɛ̂h.

Kolosi 2:9

Ebě, Nzyɛ̌m di ntinɨ̂ e ntinɨ̂ ó, ɨ́ nyʉ̂l mé Krîst.

2 Yʉanes 1:7

Ebě, bibɨ́bla bí ólɛ̂ʼla, byé mû ó sí buo ɨ́ sí yɨ́yɛ̂h, lɨ́ etô le edímle bʉ̂r. Byé akpɛl ékam ó, Yésʉs-Krîst á nze ɨ́ sí yɨ̂ʼ ó e nyʉ̂l mʉr mpâ. Mʉr kɛ́lá búʼó gá yɨ́ná nyá, nye ó ndímla bʉr le ntɨ̂m e mbɨn mé Yésʉs-Krîst.

Mɨngwiha 21:3

Me nzě jóʼo twíí á duho ɨ́ mecwɨ́ɨ́ mé jwɨ́ɨ nyɨ́. Nye á lwib kʉ́kʉ́ ó: «Bɛɛngɛ́ɛ! Nzyɛ̌m, nyɨ́ komlo ódiá wé páʼ bʉ̂r e bʉr. Nye ódi ó ɨ́ bê. Bé óbe ó bʉr o Mpóʼo nyé. Nzyɛ̌m mʉr tɨ̂ʼ ódi páʼ nyɔ́ɔ́.

Ebrœ̂ 5:5

Jwɨʼ gwár e gwár yaá ntémé e Krîst. Nye á bé agbân dǐ njwɨ́ɨ opara, nkʉ̂ sáa kûm dí tɨ̂ʼ nyɨ́. Nye á si tyélɔɔ ɨ́ dǐ yaá. Mʉr á tyêl nye nyá, á lɛ́ɛ ó: «Go ó mwân wǎm. Mɨ́ byâ gó mûh.»

Ebrœ̂ 10:5

Ɨ́ tɨ̂, ɨ́ jɔ̌ʼ Krîst á be, nye mû kúno enî ɨ́ sí yɨ̂ʼ yɨ́, nye á lɛ́ɛ e Nzyɛ̌m ó: «Gó agwɨ̂m ó, bé díʼɨɨ go otír, nkʉ̂ dwe gó yʉ́ʉ́ sɔ̂ʼ dí etáa mébyaʼ yɨ́. Go á komlo nyʉ̂l nyǎm ó, nye búraa e mpɨŋ bʉr.

Yʉanes 11:40

Yésʉs, nye e né ó: «Nzê me bé alɛ́ɛ e go ó, gó ódyêʼ koo e me nó, go óbee kûm mé Nzyɛ̌m ɛ̌?»

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

Yʉanes 2:11

Lɨ́haá ó dí esimá lé ésôʼ Yésʉs á nyɛɛ sâ lɨ́, nye ɨ́ Kanâ, ɨ́ sí Galilê. Nye á lɛ̂ʼle nó ó, kûm nyé. Ompʉ́n bé ntɔ̂ʼ báʼǎ buú dyɛ̂ʼwo e né.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Ebrœ̂ 1:5

Kâr éngeles ngwár Nzyɛ̌m dí ɨ́ pǎ lɛ́ɛ e né ó: Go ó mwân wǎm. Mɨ́ byâ gó mûh! Nye ntémé, nyé apǎ lɛ́ɛ, dumo e nyʉ́ʉ́ éngeles ó: Me óbe ó sɔ́ŋ lɨ́ esú lé. Nyɨɛ óbe ó mwân lɨ́ esú lâm.

Yʉanes 14:9

Yésʉs nzě yala e né ó: «Á bea mɨ́ná bé á dwih di gâ! Nó ó, Philippe, go dína ó, apǎ gʉ́a mê? Mʉr mû sí bee mé nyá, nyɨ́ bee ntémé Sɔ́ŋ wǎm. Á gǒ kǎ lɛ́ɛ ó: “Lɛ́ʼláá bɨ́h Sɔ́ŋ gǒ” ɨ́ yé?

Lʉkas 9:32

Pétrus, bé le osó bé, bé á nyɛɛ be ó ɨ́ jô ɨ́ súgúgú. Píe tɨ̂, bê nzě jɨma, nzě bee méntyɛnwa mé Yésʉs ndu e maá me bʉ̂r obá bé le onɔ́ɔ́, bé á be bá.

Yʉanes 17:22

Kûm gó á dwe me nyɨ́, mɛm, mɨ́ dwe bé nyǎ. Me á sâ nó ó, bé nkʉ̂ di sâ gwár mpʉ mɨ́ná dí sâ gwár yɨ́.

Yʉanes 3:18

Mʉr dí edyɛ̂ʼwo e Mwân mé Nzyɛ̌m nyá, nyé akǎ be e mebyaʼ. Mʉr dí adyɛ̂ʼwo e né nyá nyɨɛ ó dí e mebyaʼ, ebě, nyé apǎ dyɛ̂ʼwo le Etíʼé é Mwân mé Nzyɛ̌m.

Lʉkas 2:11

Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!

Ebrœ̂ 2:11

Yésʉs, mʉr dí epubo bʉ̂r nyá, bé e bʉr nyé dí epubo bá, bé e boo nɔ́ɔ́ bɨ́bɛ̂h, bé mû ó bʉr o b'á duhǒ gúmo gwár bá. Sá tɨ̂ʼ ó Yésʉs dí ajóʼo sôn lɨ́ ejébe bé «bɨ́ɔɔ́ bâm» yɨ́.

2 Korɛnt 12:9

Nó nyé á ka yala e me ó: «Ncwɨ́ncwɨ́a mé dí elɛ̂ʼle gó nyɨ́, nyɨ́ jala e go, ebě, nkul nyǎm kʉ́ nyɨnyɨ̂n ntinɨ̂ e ntinɨ̂ ó, ɨ́ jɔʼ nyé gbáŋɔ́ɔ́ ɨ́ mʉr dí ɨ́ tyɛʼ nyá yɨ́.» Nó mé ókpɛl énkʉ́na ɨ́ lɔ̌b étyɛʼ lâm ɨ́ mbi ngá sahle wɨ́ yɨ́. Nó ntémé ó nkûl mé Krîst ódi ɨ́ me yɨ́.

Mataos 1:16

Yákɔb byâ Yóseb, njʉ̂m mé Maria. Maria ó b'á byâ Yésʉs, bé dí ejébě “Krîst”. Díe laá, lé páʼlɔ́ɔ́ ó, Mʉ̌r Nzyɛ̌m á lœm múló mé jwɨ́ɨ nyá.

Kolosi 2:3

Ocwóó le ngwɨ́á wɨ́wɛ̂h, bɨ̌n bé ɨ́ jala le esáa byé ó ɨ́ Krîst tʉ́ŋlʉ̌. Byé ó Nzyɛ̌m á sol ɨ́ nye bí.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Rôm 9:5

Bé ó dí mpóʼo mé Abraham, le Isaac ti e Yóseb. Krîst mʉr tɨ̂ʼ á byɛ̂l mʉr ó, ɨ́ kúl bʉ̂r yɔ́ɔ́. Kûm díʼee e Nzyɛ̌m, njwɨ́ɨ sá yɨ́yɛ̂h, njʉ̌m dǐ e njʉ̌m dǐ. Amɛn.

Lʉkas 2:7

Nye ntɔ̂ʼ byâ mâ mʉrʉ̂m, mwân medwéʼe wé. Nye nzě díble nyé ɨ́ kán, dyêʼ nyé ɨ́ gúmó bítab byé á dɨde mede mɔ́ɔ́ yɨ́, ebě, yé á bé akǎ be e já ɨ́ mbɛ̌r ójwóo.

Mɨlʉmlʉ 13:33

nye mû ó sí dwe mɨ́ná gá yǎ, mɨná bwá bé ónta bɔ́ɔ́, ebě, nyɨ́ pɛ̌h Yésʉs. Yé ó mpʉ yé dí cɛmá ɨ́ Sâm mbá yɨ́. Yê cɛmá ó: “Go ó mwân wǎm. Mɨ́ byâ gó mûh.”

Yʉanes 8:32

Jɔʼ bɨ́n ngá gʉ́a ótyeetye yɨ́, otyeetye waá, wé ódil bɨ́n ɨ́ tyé ónzyɛh o bʉ̂r.»

Yʉanes 17:24

«Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

Yʉanes 18:37

Pilátos, nye e né ó: «Nó ó, go ó njwɨ́ɨbʉr ɨ́?» Yésʉs nzě yala ó: «Yé ó mpʉ gô lɛ́ɛ́ nɨ̌. Me ó Njwɨ́ɨbʉr. Me á byɛ̂l, nze ɨ́ sí yɨ̂ʼ ó, lɨ́ enzě lɛ́ɛ bʉ̂r otyeetye. Mʉr nyɨnyɛ̂h dí egúmo e mʉr dí le otyeetye nyá, jóʼó ó, sá mé dí elɛ́ɛ yɨ́.»

Mɨngwiha 19:13

Nye á bubwâr ó, kán wé á pa dubɔɔ ɨ́ metié wɨ́. Bé lɨ́ ejébe nyé díe ó, «Lwǐb mé Nzyɛ̌m.»