Títos 3:7 - Kálar Nzyɛ̌m : Ejwán é Sáá

⁷ Nye á si tíʼ mɨná, sâ ó, mɨná bíʼee gá nkam ɨ́ míh mé ɨ́ nzɨ̌ mpam nyé. Mɨná bé ódi gá ntémé ɨ́ baá nyé á dwe twǐʼ njʉ̌m dǐ, jala e nkɔb líʼe nyɔ́ɔ́ bá. Mpûʼla, nye mɨná gá ɨ́ miléme ó, mɨná bé óbi gá nkɔb nyaá.

Kálara Zyɛ̌m Edwán é mpʉ̌n

⁷ Nye a dwe bɨna tiʼ molu mo mpoʼ mɨmɛh ó, bɨna pʉʼa ga é nkar, sɔba é feerɨ ebe ncwɨncwɨa we. Bɨna ga mu ó baa nye a kɛʼ tiʼ molu mo mpoʼ mɨmɛh ɛ. Nkɛʼ waa ó lé esa ó, mɨleme ga mina, myé loŋla e mbɛla.

Títos 3:7 ပူးပေါင်းရင်းမြစ်များ

Rôm 8:17

Yé bé mɨná gá mû ó bwân mé Nzyɛ̌m nó, go ó, mɨná gá ntémé bé ó bʉr o ngá bi ménkɔb kwá mé Nzyɛ̌m bá. Yé óbe ɨ́ páʼ gá wɨ́ná ó, jwɨʼ gwár e gwár e mpʉ̌ Krîst, mɨ́ɔɔ́ gá wɨ́ná, ngá bi mé ménkɔb yɨ́. Mɨ́ná gá le onɔ́ɔ́, bé ósia e mitúú mímpwár, lɨ́ esú ó, mɨná bíʼee gá kûm mpwár nó, mɨná bé ónʉa gá membɨa maá, jala e nkɔb líʼe gá nyɨ́ná.

Rôm 3:24

Nzyɛ̌m dwé bé nkam ɨ́ míh mé ó, ɨ́ mpam nyé, mʉr ajánǎ sɔ̂ʼ. Nyě dwé bé nkam nyaá ó, ebě, Yésʉs-Krîst á si táa góo, le edwih bé ɨ́ mpila ébébe, pɛʼ bé ɨ́ fá.

Títos 2:11

Nó ó, Nzyɛ̌m, nyɨ́ lɛ̂ʼle ɨ́ ponó ó, mpam nyé, nye ó lɨ́ esú lé étíʼ bʉ̂r bɨ́bɛ̂h.

1 Korɛnt 6:11

Nó ntémé ó, bʉ́ʉ́ bʉ̂r ó sɔ́má yɨ́n, bé á be yɨ́! Sâ gwár, bɨ̌n bé á si sohlɔɔ, pubɔɔ, le edweŋɔɔ nkâm ɨ́ míh mé Nzyɛ̌m ɨ́ díé mé Tî Yésʉs-Krîst, cɨɨ e nzɨ̌ Sísǐm mé Nzyɛ̌m gá wɨ́ná.

Títos 1:2

Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

Jacques 2:5

Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

Galásia 2:16

Sâ gwár, mɨná bé lɨ́ egʉ́a gá ó, mʉr, nyé abi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mʉ̌r bi nkâm ó, ɨ́ lɔ̌b búʼó, lɨ́ edyêʼ koo e Yésʉs-Krîst. Mɨná bɨ́ dyɛ̂ʼwo ntémé e Yésʉs-Krîst. Búʼó gá yɨ́ná yaá, yé aduho ɨ́ mbaʼlá metié. Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié.

Rôm 11:6

Nye á twâr bé ó, ɨ́ mpam nyé. Nye á bé atwâr bé ɨ́ lɔ̌b bísyɛ́ɛla bimpâ byɔ́ɔ́. Yé bé nye á twâr bé ó, ɨ́ lɔ̌b bísyɛ́ɛla byaá nó, lɛ́ɛ́, mpam á bé akǎ be mpâm.

Galásia 3:29

Yé bé bɨ̌n bé lɨ́ egúmo e Krîst nó, lɛ́ɛ́, bɨ̌n ntémé bé ó bwá bé ónta mé Abraham. Bɨ̌n ntémé bé ó bʉr o ngá bi ménkɔb ɨ́ mbɨambɨa bisá Nzyɛ̌m á kɛʼ Abraham bí bá.

Rôm 4:16

Nzyɛ̌m á kɛʼ Abraham, bé le onta bé, sí yɨ̂ʼ ó, ɨ́ lɔ̌b búʼó Abraham á bûʼla nye yɨ́. Nkɛ̌ʼ nyaá, nye bé ó, ntinɨ̂ e ntinɨ̂ njʉ̌m dǐ e njʉ̌m dǐ. Yé á syɛ́ɛ nó ó, Nzyɛ̌m nkʉ̂ dwe bé nyǎ edwɛ́na. Nyě kɛ̌m ó, onta mé Abraham bɨ́bɛ̂h. Yé abe ó, nye á jaa dwe nkɛ̌ʼ nyaá ó, njɨ bʉr o dí ebaʼle métié bá. Nye á kɛʼ ntémé ó, bʉr o dí edyêʼ koo e né, baá o dí enwɨɨla le Abraham ɨ́ nkǒ páʼ búʼó bá. Ebě, Abraham, nye ó sɔ́ŋ gá wɨ́ná, mɨná gá óbɛ̂h. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó:

Rôm 3:28

Ebě, mbeá wɨ́h, wé ó, mʉ̌r Nzyɛ̌m dwé nkâm nyá, nye ó njɨ waá dí e búʼó nyá. Nyé abi nkâm ɨ́ lɔ̌b mbaʼlá métié.

1 Pyɛr 3:7

Ɨ́ jwɨʼ gwár yaá, bɨ̌n bɨɛ ojʉ̂m, diʼee gá mbɨ̂mbɨá, bɨ̌n e bʉbá bɨ́n. Bɨ̌n e gʉ́á ó, le mʉmá, le mʉrʉ̂m, mʉmá ó dí ɨ́ tyɛʼ, laa mʉ́rʉ̂m. Dwéʼ gá bé dúu, ebě, bɨ́ɛ ntémé óbi émbɨǎ Nzyɛ̌m á kɛʼ baá nyé á tíʼ bá lɨ́. Lé ó dí nkɔb líʼe nyɔ́ɔ́. Bɨ́n óbe, atíʼe nó wá, yé óbɛ̌m kɔbla bɨ́n ɨ́ jɔʼ bɨ́n dí ejɨʼla e Nzyɛ̌m yɨ́.

Ebrœ̂ 11:9

Ɨ́ lɔ̌b búʼó yé ó nyé á tíʼe ɨ́ sí Nzyɛ̌m á kɛʼ nye yɨ́, damá jóʼo ó, nye á tíʼe tɨ̂ʼ ó mpʉ njwóo. Nye á didi tɨ̂ʼ ó, ɨ́ mbɛ̌r kán. Isaac, bé e Yákɔb, bʉr o bé e boo nɔ́ɔ́ bé á kɛʼɔɔ sí yaá bá, bé á di ntémé ó, ɨ́ mbi mímbɛ̌r myé á be ɨ́ nwɨɨla e wɨ́haá mí. Bɨ́bɛ̂h, bé á si bóno ebi mémbɨǎ Nzyɛ̌m á kɛʼ Abraham má. Mé ó b'á be nkɔb líʼe nyɔ́ɔ́.

Ebrœ̂ 11:7

Ɨ́ lɔ̌b búʼó, Nóe á si jóʼo Nzyɛ̌m jɔʼ nyé á cɨ̂l nye ɨ́ lɔ̌b sá yé á be ó, yé ósyɛ́ɛ yɨ́. Nye dína apǎ bee yé e dîh, nye nzě gbâ lwǐb mé Nzyɛ̌m yaá ɨ́ dúu, ntɔ̂ʼ kpaʼ byɛ̂l, dû mpʉ̌ Nzyɛ̌m á tɨ́e ó, nye sâʼ yɨ́. Nye nzě nî tɨ̂, bé e mbɛ̌r bʉ̂r wé, bɨ́bɛ̂h ntɔ̂ʼ tíʼe. Ɨ́ lɔ̌b búʼó yé ó nyé á lɛ̂ʼle ó, syɛ́ɛla bʉ́ʉ́ bʉ̂r, bé á sâ yɨ́, yé á be ɨ́ bébe yɨ́. Bɨ́ɛ bé á bé adyɛ̂ʼwo e Nzyɛ̌m. Nye á bi nkam ó, tâŋ nkɔb nyé, ɨ́ lɔ̌b búʼó yé.

Ebrœ̂ 6:17

Nzyɛ̌m á tíʼe ɨ́ lémé wé ó, nyě sá ó bʉr gʉ́ŋaa lɨ́ otyeetye ó, nye ábîr mbɨambɨa nkɛ̌ʼ nyé. Nó yaá ó nyé á ntaa minkâl ɨ́ jɔʼ nyé á kɛʼ bʉr membɨa mé yɨ́. Minkál myé myaá ó b'á lɨl nkɛ̌ʼ nyé. Bʉr o jálá le ebi nkɛ́ʼ nyaá bá, bé ogʉ́ǎ tyeetye ó, bé ókʉ́ bi nyê.

Galásia 4:7

Gúmo yaá, gó akǎ bě túʼǎ. Go mû ó mwân wé. Yé bé go mû ó mwân wé nó, lɛ́ɛ́, Nzyɛ̌m, nyɨ́ kɛʼ gó bilíʼe.

Rôm 4:4

Mɨná bé lɨ́ egʉ́a gá ó, lóbila, yé óséǎ syɛ́ɛ́ nó, sá mása wé ódwe nyé píe syɛ́ɛ́ yaá yɨ́, yé abe dâh. Yê nye ó myɛ́na. Nyě jánɔ́ɔ́ ó mpʉ́lá.

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Markus 10:17

Mpʉ nyé á be, nye mû lɨ́ eja nzɨ́ yɨ́, nyʉ́ʉ́ mʉ̂r nzě swǐm kám, bɨʼ mébóó sí ɨ́ mpǒm nyé, ntɔ̂ʼ dî e né ó: «Mbɨambɨa lɛ̂ʼla, me sâʼ wáǎ mbǐ sɔ̂ʼ dí ó, me nʉ́aa twǐʼ njʉ̌m dǐ, jala e nkɔb líʼe nyǎm?»

2 Tesalonika 2:16

Nó ó, Tî gá wɨ́ná Yésʉs-Krîst mʉr tɨ̂, ti e Nzyɛ̌m Sɔ́ŋ gá wɨ́ná, waá á lɛ̂ʼle mɨ́ná gá kpɛ̌l nyá, waá dí egbâ mɨ́ná gá nkul ɨ́ miléme, nyaá dí asíesie nyɨ́, waá dí elɛ̂ʼle mɨ́ná gá mpam, le egbâ mɨ́ná gá mpûʼla ɨ́ miléme nyá, nye gbâʼ bɨ̌n nkul ɨ́ miléme. Nye gbâʼ bɨ̌n pîm ɨ́ búʼó. Nye tyɛ́bɨɨ bɨ̌n ɨ́ miléme, ó bɨ̌n sâʼ bisyɛ́ɛla bimpâ, le elɛ́ɛ mílɔ́ɔ́ mímpâ, mimbi mímyɛ̂h.

Ebrœ̂ 1:14

Beéngeles bɨ́ɛ, bê onzé? Bɨ́bɛ̂h, bé ó misísǐm mi dí eséǎ Nzyɛ̌m syɛ́ɛ́ mí. Nyě lómló mɨ́ná gá bǎ ntémé ó, bé ntáa súʼo bʉ̂r o ngá bǐ twǐʼ njʉ̌m dǐ, jala e nkɔb líʼe nyɔ́ɔ́ bá.