Títos 3:2 - Kálar Nzyɛ̌m : Ejwán é Sáá

² Bé sá asâ nyʉ́ʉ́ mʉ̂r mesyɛ́ɛla. Bé ayɨ́ di báányâ-bitɔm. Bé díʼee e lémé mpâm, ɨ́ tyɛ̌ʼ njwɨr ɨ́ nkǒ páʼ bʉ̂r bɨ́bɛ̂h.

Kálara Zyɛ̌m Edwán é mpʉ̌n

² Bé beʼ l'afœʼ nuu mʉr. Bé l'ayi sa bɨtom. Bé diʼe é tala njwɨr. Bé tala njwɨr e bʉr bɨbɛh.

Títos 3:2 ပူးပေါင်းရင်းမြစ်များ

Éfɛsɔs 4:31

Akǎ sâ gá otié. Pɛʼɛɛ gá ebúʼ, le nkpaa ɨ́ miléme. Syɛ́hláá gá megô ndu e melwɨ́ɨ. Pɛʼɛɛ gá ebébe é léme ɨ́ milémé mín.

Éfɛsɔs 4:2

Jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, le bʉr o bíhwó. Júdúhwáá gá páʼ nyɨ́n ɨ́ lɔ̌b kpɛ̌l bɨ́n dí e yé yɨ́.

1 Timotɛ 3:3

abě nyʉnyóʼ, abe mʉ̂r esweha. Nye ɨ́ jala le ebe ó e lémé mpâm, abe ányâ-bitɔm, abe e nzɔ́ɔ́ bísâ.

1 Pyɛr 3:10

Ebě, yê cɛmá ó: «Mʉr nyɨnyɛ̂h dí egwɨ̂m étíʼě mbɨ̂mbɨá le egwɨ̂m ébee mélú mé émbɨa nyá, nyě sá alɛ́ɛ̌ sá dí ɨ́ bébe yɨ́. Nye gwáʼaa elɛ́ɛ bísá míkóo.

1 Pyɛr 3:8

Lʉ́ ékǎn ɨ́ mekaná mâʼ lɨ́ esú é bɨ́n óbɛ̂h, wé ó: diʼee gá e mbǐ pahlá ngwár. Jóʼáá gá mebúʼ mémpwár. Kpɛlaa gá páʼ nyɨ́n kpɛ̌l dí páʼ bɨ́ɔɔ́ e bɨ́ɔɔ́ yɨ́. Lɛ́ʼláá gá kpɛ̌l dí eduho ɨ́ lémé tʉ́ŋlʉ̌ yɨ́. Jɔrɨɨ gá menyʉ́l mɨ́n páʼ nyɨ́n.

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

Mataos 11:29

Níʼéé gá ɨ́ jwɨ́ɨ́ yâm. Bɨ̌n a jóʼló métwɨ́ɨ́ mâm, ebě, me ɨ́ talǎ njwɨr le embɨa é léme. Bɨ̌n nkʉ̂ bi égbalá.

1 Pyɛr 2:1

Myahaa gá bé bisyɛ́ɛla bîʼ bíbyɛ̂h: ebébe é léme, mimbi mímyɛ̂h, bilwǐb míkóo, mimbi mímyɛ̂h, bilwǐb bíbá bíbá, nzwíí ti e mesyɛ́ɛla mimbi mímyɛ̂h.

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Galásia 6:10

Ɨ́ mpʉ yé dí nó yɨ́, mɨ́ná bí gá epʉ́la e tɨ̂ʼ nó, mɨná gbâʼ gá nkul ó, mɨná cwɨ́aa gá e bʉr bɨ́bɛ̂h. Sâ gwár, kʉ́ buú cwɨ́a gá e bʉr ó Mbɛ̌r-Nzyɛ̌m gá wɨ́ná, dí bʉr ó búʼó gwár bá.

Galásia 6:1

Bɨ́ɔɔ́ bâm! Okɛ́l bâm! Bɨ́n óbee mʉ̂r lɨ́ esâ syóm nó, bɨ̌n bʉr o dí e Sísǐm mé Nzyɛ̌m ɨ́ miléme bá, kɛmɨɨ gá nye ó, nye pʉ́ʼaa ɨ́ nzɨ̌ nyaá. Sâ gwár, tɨ́áá gá nye e mekǎn ɨ́ tala tala. Mʉr nyɨnyɛ̂h ɨ́ sɔ́má yɨ́n, nye dwɛ́ʼɛɛ ntémé mpʉ nyé mʉr tɨ̂ʼ dí yɨ́, ebě, nye ntémé ámû duma ɨ́ mebʉ́blá.

1 Timotɛ 3:11

Bʉbá bɔ́ɔ́ ntémé, bé ɨ́ jala le edwe ményʉ́l mɔ́ɔ́ medile, abe lɨ́ eswêʼ míé mé bʉ́ʉ́ bʉ̂r. Bé ajala le ede ményoʼ, sahle. Bé ɨ́ jala le ebe ó, bʉr o bé ébûʼlɔɔ ɨ́ mipáʼ mímyɛ̂h.

1 Tesalonika 2:7

Sâ gwár, bɨ̌h bé á be kwá nyɨ́n ó e minjwɨr ɨ́ tala tala, nwɨɨla e ábyɛɛ́ dí etirwo e bwân nyá.

Filipi 4:5

Mě kpɛl ó, bɨ̌n lɛ̂ʼlaa bʉr bɨ́bɛ̂h mpʉ bɨ́n dí e lémé mpâm yɨ́. Sáʼ gá nó, ebě, Dâ, nye mû ó kúno enze.

1 Korɛnt 9:19

Damá jóʼǒ mpʉ mé dí nzyɛh, agúmo e nyʉ́ʉ́ mʉ̂r yɨ́, me á si bana dwir me mʉr tɨ̂ʼ túʼǎ, lɨ́ esú lé éséa mʉ̂r nyɨnyɛ̂h syɛ́ɛ́, ɨ́ nyɔm édulo bʉ̂r ɨ́ buo buo.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.

2 Korɛnt 10:1

Nó ó, mɛm mʉr tɨ̂, Pɔ̂l, me lɨ́ ejɨʼla e bɨ̌n ɨ́ metala le mpam mé Krîst,... Mɛm, mʉr bɨ́n dí epǎ lɛ́ɛ ó: «Nye ɨ́ jɔr nyʉ̂l ɨ́ jɔʼ mɨ́ná gá le onɔ́ɔ́ dí gúmo gwár yɨ́», waá bɨ́n dí epǎ lɛ́ɛ ntémé ó: «Nyě e lémé ébɨ̌h e mɨná gá ɨ́ jɔʼ mɨ́ná gá le onɔ́ɔ́ dí e ncɛrá yɨ́» nyá.

Mɨlʉmlʉ 23:5

Nó ó Pɔ̂l á yala e bé ó: «Bɨ́ɔɔ́ bâm, me bé agʉ́a ó, yé ó njwɨ́ɨ opara. Yé bé me bé ɨ́ gʉ́a nó, mpa me bé alwib nó, ebě, yê cɛmá ó: “Gǒ sá alwib e njwɨ́ɨ gǒ ɨ́ bébe bébe.”»

Yʉ̂d 1:10

Bʉr baá bɨ́ɛ ntuhlo ó, sá yɨ́yɛ̂h bé dí agʉ́a yɨ́. Yaá bé dí egʉ́a yɨ́ yɨ́ɛ, yé lɨ́ edímle bê. Sá ngwɨ́á yɔ́ɔ́ yaá, yé antaǎ bím ótír ó dwǐʼ dí egʉ́a bísɔ̂ʼ yɨ́.

Yʉ̂d 1:8

Damá jóʼo nó, bʉr o dí edumo e lɔ̌b wɨ̂ʼ bá, bé ó nó: pɨʼ milémé myɔ́ɔ́, nyé ajɨma ɨ́ jô. Bé lɨ́ elœʼ ményʉ́l mɔ́ɔ́, le epyêh jwɨ́ɨ́ mé Nzyɛ̌m le entuhlo bééngeles dí e kûm bá.

2 Pyɛr 2:10

Nye ódwe bíntɨ́ʼá, ntaa sʉ́ŋa ó, bʉr o dí elóŋlǒ njwɨr myâ gá wɨ́ná bá, bɨ́ɛ ntémé lɨ́ epyêh bʉ̂r o dí e jwɨ́ɨ bá. Bé jaá mɨmɛɛla ó, njɨ e bé bʉr o tɨ̂, le bijwɨʼ mílémé myɔ́ɔ́. Bibɨ́bla bí ólɛ̂ʼla mê lɛ́ɛ́ bɨ́n bî, byé ajóʼo bʉ́á lɨ́ epya mísísǐm mí édúrʉ́ʉ́ mi dí e jwɨ́ɨ mí.

1 Pyɛr 4:4

Ohááden ónɨ̌, bé mû ó lɨ́ ekʉ́ kâm lɨ́ ebeě mpʉ bɨ́n dí, akǎ lɔ̂ʼwa lɨ́ esâ bísyɛ́ɛla bí ébébě mpʉ bɨ́n le onɔ́ɔ́, bé á nyɛɛ sɨsâ yɨ́. Bé mû ó lɨ́ elwɨ́ɨ bɨ́n tɨ̂.

1 Korɛnt 6:10

mindíblʉ̌, bʉr o bígwɨ́má, minyʉnyóʼ, bʉr o mélwɨ́ɨ, baá dí edɛn bímɔnɨ́ byé onkán bá: bʉr baá, bé álîʼ e nkɔb nyɔ́ɔ́ ɨ́ Mpóʼo mé Nzyɛ̌m.