Títos 2:7 - Kálar Nzyɛ̌m : Ejwán é Sáá

⁷ Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

Kálara Zyɛ̌m Edwán é mpʉ̌n

⁷ Kœʼœ ebò e cyen empa, lé esa mɨmpaŋ bɨsyɛɛla é buobuo. Sikʉlʉ yo, yé beʼ l'abe mbaʼra e bɨkʉʉŋʉ, ó bʉr beŋɨ go nteme e modile.

Títos 2:7 ပူးပေါင်းရင်းမြစ်များ

1 Pyɛr 5:3

Ayɨ́ jwɨ́ɨ gá e bʉr o b'á tímlɔɔ bɨ̌n bá e cére. Tɨ́áá gá bé kʉ̌ tyen bé jálá le edû wɨ́.

1 Timotɛ 4:12

Anyamlě kam ó, mʉr pyéhee go ɨ́ lɔ̌b gó dína loʼo. Lɨlɛ́ʼláá óbûʼla mveʼle édû. Sáʼ nó e bisyɛ́ɛla bî: lwǐb yô, twiʼ yô, kpɛ̌l yô, búʼó yô, lɨ́ edwe nyʉ̂l nyǒ medile ɨ́ míh mé Nzyɛ̌m.

Filipi 1:10

Sá tɨ̂ʼ ó bɨ́n ngá gʉ́a épɛ̂h bísâ bi dí ɨ́ buú mbɨa bí yɨ́. Ɨ́ jɔʼ Krîst óbáʼǎ nze yɨ́, nye ókœb ó, bɨ̌n mû ó e miléme ɨ́ sɔ́ɔ́ɔ́, abe e mebě.

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

2 Tesalonika 3:9

Bɨ̌h bé e nkul jwɨ́ɨ dí ó, bɨ̌h díraa nyɔm lɨ́ enʉnʉa bísá bín. Bɨ̌h bé á be ó, bɛ̌m sâ nó. Sâ gwár, bɨ̌h bé á si kpɛl elɛ̂ʼle bɨ̌n mveʼle, lɨ́ esú ó, bɨ̌n báŋaa bɨ̌h.

Éfɛsɔs 6:24

Nzyɛ̌m sʉ́ʼoo bʉr bɨ́bɛ̂h o dí ekpɛl Tî gá wɨ́ná Yésʉs-Krîst, kpɛ̌l ápurapúra bá metyɛʼ me mpóm.

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

2 Korɛnt 8:8

Sá mé múo nzě lɛ́ɛ bɨ́n nɨ̌, yé abe bɨ́n bi ó, bɨ̌n sâʼ yê. Mě jaá kpɛl ó, njɨ elɛ̂ʼlě mpʉ̌ kpɛ̌l yɨ́n dí yaá mpâ yɨ́. Mě jwɨʼ yé ó e yaá bʉ́ʉ́ bʉ̂r, bé á be ɨ́ báná báná ó, bé lɛ̂ʼlaa Nzyɛ̌m yɨ́.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

Títos 3:8

Lwǐb nɨ̌, yé ó yaá jálá le ebúʼlɔɔ yɨ́. Mě kpɛl ó, go nkʉ̂ gʉ́a dwe bʉ̂r milɛ́ʼlá mínɨ̌. Ɨ́ gúmo yaá ó bʉ̂r o b'á dyɛ̂ʼwo e Nzyɛ̌m bá, bé ósɨsâ bísyɛ́ɛla bimpâ yɨ́. Bisyɛ́ɛla byaá, byé e nyɔm ɨ́ nkǒ páʼ bʉ̂r bɨ́bɛ̂h.