Títos 2:2 - Kálar Nzyɛ̌m : Ejwán é Sáá

² Lɛ́yɨ́ɨ́ ótɔ́má ó bʉ̂r ó Mbɛ̌r-Nzyɛ̌m ó: bé ajala le ede ményoʼ, puro. Bé dwêʼ menyʉ́l mɔ́ɔ́ medile, le etíʼě mpʉ bʉ̂r o dí epahle bá jálá le esâ yɨ́. Sá bé dí ebúʼla yɨ́, yé díʼee mpʉ mɨ́ná dí elɛ̂ʼle gá yɨ́. Bé díʼee bʉr o dí ecwɨ́a e bʉ́ʉ́ bʉ̂r bá. Bé dûhwaa ntémé mitúú.

Kálara Zyɛ̌m Edwán é mpʉ̌n

² Lɛŋɨ otamabʉr o Mbɛr-Zyɛm ó, bé ajala le efwaʼ monwoʼ. Bé diʼe e modile, lé ekœʼ ebò e cyen é mpaŋ pɨʼ. Bé beʼ baa lé ejyɛʼ taa buʼo yɔɔ boo Zyɛm, du mpʉ mpaŋ sikʉlʉ bɨna lé ejwɨʼ ga ɛ, ndɨ ɨ. Bé diʼe bʉr o ndɨ ecwɨa e bʉʉ bʉr ɨ, e baa ndɨ é bihbe e.

Títos 2:2 ပူးပေါင်းရင်းမြစ်များ

Galásia 5:23

embɨa é njwɨr le emâr é léme. Abe le etié dí emɛ̂r mʉ̂r dí esâ bísyɛ́ɛla bínɨ̌ nyá.

1 Pyɛr 4:7

Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

1 Timotɛ 3:11

Bʉbá bɔ́ɔ́ ntémé, bé ɨ́ jala le edwe ményʉ́l mɔ́ɔ́ medile, abe lɨ́ eswêʼ míé mé bʉ́ʉ́ bʉ̂r. Bé ajala le ede ményoʼ, sahle. Bé ɨ́ jala le ebe ó, bʉr o bé ébûʼlɔɔ ɨ́ mipáʼ mímyɛ̂h.

1 Pyɛr 5:8

Máráá gá miléme. Diʼee gá ɨ́ doho. Ntɨ̂m e mbɨn wɨ́n, sɔ́ŋ meleme, nye lɨ́ elie bɨ́n ɨ́ mipáʼ mímyɛ̂h mpʉ̌ ngbampɨɨ dí emwóolo wɨ́. Nyě sáá ó, ede mʉ̂r.

Títos 1:13

Mʉr tɨ̂ʼ á kʉ boʼlo ó otyeetye. Nó ntémé ó mé dí elɛ́ɛ e go ó, lɛ́ʼláá bé bigwǐh byɔ́ɔ́ e lémé ébɨ̌h. Gó ósɨ̂sa nó wá, bé obǐ mpǎŋ lɛ́ʼlá mɨ́ná dí eboó dwe gá wɨ́.

1 Timotɛ 3:2

Nó yé jɨ ó, waá dí epála bʉ́ʉ́ nyá, díʼee mʉr dí, abe e nkul edweŋɔɔ mébě nyá. Nye díʼee njʉ̂m mʉmá ngwár. Nyé ajala le ebe mʉ̂r dí ede ményoʼ, puro nyá. Nye dwêʼ nyʉ̂l nyé medile. Nye díʼee mʉr dí e dúu nyá. Nye díʼee mʉr dí enʉa ójwóo, waá dí egʉ́a édwe bʉ̂r milɛ́ʼlá nyá,

1 Tesalonika 5:8

Sâ gwár, mɨná gá bé ó bʉr ó móhó. Mɨná bé ɨ́ jala le emâr gá miléme. Mɨná dyɛ̂ʼwaa gá e Nzyɛ̌m, le ekpɛl bʉ̂r. Búʼó ndu e kpɛ̌l, byé bâʼlaa mɨná gá mpʉ mímbór bínkóho mi dí ebaʼle nyʉ̂l nkɔ́ɔ́ mí. Mpûʼla, nye lónaa bɨ̌n ɨ́ miléme lɨ́ ebónǒ twǐʼ njʉ̌m dǐ. Mpûʼla nyaá, nye óbánǎ baʼle mɨ́ná gá mpʉ̌ búró bínkóho dí ebaʼlě lʉ́ nkɔ́ɔ́ yɨ́.

Rôm 12:3

Nzyɛ̌m á si lɛ̂ʼle me mpam nyé. Ɨ́ mpam nyaá ó mé dí elɛ́ɛ e mʉr nyɨnyɛ̂h dí ɨ́ sɔ́má yɨ́n nyá ó: mʉ̌r sá abuú láa nyé mʉr tɨ̂. Nye sêʼlaa nye mʉr tɨ̂ʼ, antaa sʉ́ŋa. Mʉr nyɨnyɛ̂h, nye pâhlaa nye mʉr tɨ̂, nye nkʉ̂ gʉ́ǎ mbi mʉ̂r nyé dí wɨ́, lɨ́ edû mbǐ búʼó Nzyɛ̌m á gbâ nye ɨ́ léme wɨ́.

1 Pyɛr 1:13

Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

1 Korɛnt 15:34

Yé jala ó, bɨ̌n bírɨɨ lɔ̌b ógʉ̌ wɨ́n. Bɨ̌n a gwáʼ ésâ mísyóm. Bʉ́ʉ́ bʉ̂r ó sɔ́má yɨ́n, bé agʉ́ǎ Nzyɛ̌m. Mě lɛ́ɛ́ mpʉ́nʉ̌ ó, lɨ́ egbâ bɨ́n sôn ɨ́ nyʉ̂l.

2 Pyɛr 1:6

Ɨ́ ngwɨ́á, bɨ̌n e kɛ́l émâr é léme. Lɨ́ emâr é léme, bíhwó. Lɨ́ bíhwó, kʉ̌ tyen mpâ.

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

Títos 1:8

Nyě mbɨa ó, di mʉ̂r dí egʉ́a énʉa ójwóo nyá. Lémé wé, wé dúʼoo sɔ̂ʼ njɨ embɨa. Nye dwêʼ nyʉ̂l nyé medile. Nye díʼee tîtyěl, e léme ɨ́ sɔ́ɔ́ɔ́ ɨ́ mîh mé Nzyɛ̌m. Nye gʉ́ŋaa emâr léme.

1 Timotɛ 3:4

Tyɛ̂b esôʼ Mbɛ̌r-Nzyɛ̌m mbɨa ó, di mʉ̂r dí egwá jwɨ́ɨ̌ mbɛ̌r bʉ̂r wé nyá. Bwán bé, bé ɨ́ jala le esâ nyé mejóʼo, lɨ́ elɛ̂ʼlě mpʉ bé jálá le edwe ményʉ̂l medile yɨ́.

1 Timotɛ 1:5

Ɨ́ metwɨ́ɨ́ ménɨ̌, ndumló tɨ̂, wé ó, mɨná kpɛ́laa gâ. Kpɛ̌l yaá, yé dúhaa ɨ́ miléme mi dí ɨ́ sɔ́ɔ́ɔ́ mí, le ɨ́ mipahlá míléme mi dí ɨ́ pyɛɛɛ mí. Kpɛ̌l yaá dúhaa ntémé ɨ́ mpǎŋ búʼó yɨ́ná dí abě mbáʼrá e mikóo yɨ́.

1 Tesalonika 5:6

Ɨ́ mpʉ yé dí nó yɨ́, bɨ̌n bé ajala le ejâ bíjô mpʉ bʉ́ʉ́ bʉ̂r dí esâ yɨ́. Nó ó, diʼee gá ɨ́ mpʉ̂n. Máráá gá miléme.

Filipi 4:8

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó nɛ́ɛ: pahlaa gá bisá bímpâ ndu e byaá bi dí e medile bí. Pahlaa gá bisâ bi dí tyeetye bí. Pahlaa gá bidimé bísɔ̂ʼ, le byaá bi dí tîtyěl bí. Pahlaa gá bisâ bi dí ɨ́ púpúpú le ebuú kpɛlɔɔ bí. Pahlaa gá milɔ̌b bʉ̂r dí egúmlo mí.

2 Korɛnt 5:13

Yé bé bɨ̌h bé lɨ́ ekáa ógʉ̌ nó, bɨ̌h káá ó, lɨ́ esú mé Nzyɛ̌m. Bɨ́h páhlé mílɔ̌b mpʉ mípɨpɨ́ʼ nɛ́ɛ: bɨ̌h sá nó ó, lɨ́ esú lɨ́n.

1 Korɛnt 9:25

Bʉr o dí etó sâ bísá bí nkûl bá, bé nyɛɛ́ dil ményʉ́l mɔ́ɔ́ ó, ɨ́ byúú bíti. Bé lɨ́ esâ nó lɨ́ esú ó, bé ntáŋaa, bǐ káráá dí elaǎ mpʉ̌ ngúl mpáá yɨ́. Nó ó, mɨná bɨɛ̌ sáá gá ó, mɨná bíʼee gá káráá ngá dǐ njʉ̌m dǐ e njʉ̌m dǐ yɨ́.

Mɨlʉmlʉ 24:25

Pɔ̂l nzě nyɛl édwe nyé milɛ́ʼlá ɨ́ mpʉ mʉ̂r jálá le etiʼe lɨ́ otîtyěl le emâr léme yɨ́, le mpʉ̌ Nzyɛ̌m ngá tíʼe mílɔ̌b yɨ́. Félix ntɔ̂ʼ bil bʉ́á. Nye e né ó: «Paá nyɛɛ́ swîʼ! Jɔʼ mé óbi épʉ́la yɨ́, mé obáʼǎ jébe gô.»

Lʉkas 8:35

Bʉr nzě dua ɨ́ mekwár mɔ́ɔ́, lɨ́ enzě beɔɔ̌ sâ syɛ́ɛ́ yɨ́. Jɔʼ bé á pyâl gúmó Yésʉs á be yɨ́, bé kǎ kœb ó, mʉr á dwihɔɔ meleme nyá, nye mû ndîndǐl le mikán ɨ́ nyʉ̂l, le pɨʼ nyé nyɨnyɛ̂h. Nye á be ó bǎʼ e mekʉ̌ mé Yésʉs. Bʉr o b'á nze bá, kʉ́ nzě kámɔɔ nyê.

Markus 5:15

Jɔʼ bé á pyâl gúmó Yésʉs á be yɨ́, bê nzě bee mʉ̂r méleme mé á nzɨnzamra nyá, nyɨɛ ndîndǐl ɨ́ kpa, le mikán mímpâ ɨ́ nyʉ̂l, le pɨʼ nyé nyɨnyɛ̂h. Bʉr o b'á nze bá, kʉ́ nzě kámɔɔ nyê.

1 Timotɛ 3:8

Jwɨʼ gwár e gwár yaá ntémé ó le odiâkɔn. Bé ɨ́ jala le edwe ményʉ́l mɔ́ɔ́ medile. Bé ayɨ́ di le ocábcab. Bé ajala le elɔ̂ʼwa ɨ́ menyoʼ, nkʉ̂ sáa bímɔnɨ́ byɔ́ɔ́ ɨ́ menzɨ̌ me dí onzyɛ́h ónzyɛ́h má.

1 Timotɛ 1:2

Mě cɛma mékaná mâʼ ó, gua Timotɛ̂, mʉr dí mpaŋ mwân wǎm ɨ́ búʼó nyá. Metyɛʼ me mpóm, le njɨ́ʼá nkóó le mepyɛbla, byé díʼee e go, duho e Nzyɛ̌m Sɔ́ŋ gá wɨ́ná, bé e Tî gá wɨ́ná Yésʉs-Krîst.

1 Timotɛ 1:10

bʉr o dí elœʼ ményʉ́l mɔ́ɔ́ ɨ́ nzɨ̌ bijoó bá, otɛba o bʉ́rʉ̂m, obɛ́ma o bʉ̂r, baányâ-bibɛr, le oboʼlo o bíbɛr. Nzyɛ̌m á tyêl metié ntémé ó, lɨ́ ekamle bísyɛ́ɛla bíbyɛ̂h bi dí ajala e lɛ́ʼlá mpâ mɨ́ná bé á dweŋɔɔ gá wɨ́ bí.

1 Timotɛ 1:14

Sá tɨ̂ʼ ó Dâ á sʉ me metyɛʼ me mpóm ɨ́ nkalá nkalá yɨ́. Nye á si gbâ me ntémé búʼó ti e kpɛ̌l ɨ́ léme, ɨ́ nzɨ̌ mé Yésʉs-Krîst.

1 Timotɛ 5:1

Antuhlo tɔ́má mʉr ɨ́ lɔ̌b syɛ́ɛla ébébe yé. Go ɨ́ jala le etɨ́e nyé yɨ́ɛ ó mpʉ sʉ́ŋ. Tɨ́áá duo yô, biloʼo, mpʉ bɨ́ɔɔ́ bô.

Filemɔŋ 1:9

Damá jóʼo nó, mě dǐ, alwib e go mpʉ́nʉ̌ ó, ebe mé dí ekpɛl gô. Mě jɨʼlá e go ó, jɨʼláa. Me ó dí elwib e go, mɛm Pɔ̂l, dí tɔ́má mʉr e go nyá. Mě báánâʼ ɨ́ mbʉʼ ó, tɨ̂ ɨ́ búʼó dí edumo e Yésʉs-Krîst yɨ́.