Títos 2:1 - Kálar Nzyɛ̌m : Ejwán é Sáá

¹ Gua, lɨ́lɛ́ʼláá sá yɨ́yɛ̂h dí ejala e lɛ́ʼlá mpâ mɨ́ná dí edwe gá wɨ́ yɨ́.

Kálara Zyɛ̌m Edwán é mpʉ̌n

¹ Gwɔɔ, dɨʼe dwe bʉr sikʉlʉ é sa yiyɛh lé ejala e mpaŋ sikʉlʉ bɨna lé ejwɨʼ ga ɛ.

Títos 2:1 ပူးပေါင်းရင်းမြစ်များ

2 Timotɛ 1:13

Gwá baʼle mílɛ́ʼlá mímpâ gó á jóʼo me lɨ́ edwe mí. Myé díʼee go mveʼle, sá gó ótô le ekala bʉ́ʉ́ bʉ̂r yɨ́. Lɨlɛ́ʼláá ɨ́ mbi waá, e búʼó, ti e kpɛ̌l mpʉ mɨ́ná dí ebi byé ɨ́ mpúhlá nyɨ́ná e Yésʉs-Krîst yɨ́.

1 Timotɛ 6:3

Tî gá wɨ́ná Yésʉs-Krîst á si kʉ líʼe mɨná gá e lɛ́ʼlá mpâ mɨ́ná dí edû wɨ́, bé le olɛ̂ʼla dí edwáawǒ Nzyɛ̌m bá. Mʉ̂r bé akam mílɛ́ʼlá mínɨ̌, kǎ tó dwe yɨ́ɛ milɛ́ʼlá míswîh nó, lɛ́ɛ́, nyɨ́haá nkɛ́ɛ́ ó nyʉ̂l.

Títos 1:9

Nye díʼee lará e lɔ́ɔ́ búʼó yɨ́ná, waá bé dí eboó lɛ̂ʼle wɨ́. Nó ó nyé óbe e nkul egwá tɨ́e bʉ́ʉ́ bʉ̂r yɨ́. Lɛ́ʼlá mpâ mɨ́ná dí edwe gá wɨ́, wé ólɛ̂ʼle bʉ̂r o dí epére mékǎn e mɨná bá bigwǐh byɔ́ɔ́.

Títos 3:8

Lwǐb nɨ̌, yé ó yaá jálá le ebúʼlɔɔ yɨ́. Mě kpɛl ó, go nkʉ̂ gʉ́a dwe bʉ̂r milɛ́ʼlá mínɨ̌. Ɨ́ gúmo yaá ó bʉ̂r o b'á dyɛ̂ʼwo e Nzyɛ̌m bá, bé ósɨsâ bísyɛ́ɛla bimpâ yɨ́. Bisyɛ́ɛla byaá, byé e nyɔm ɨ́ nkǒ páʼ bʉ̂r bɨ́bɛ̂h.

1 Timotɛ 1:10

bʉr o dí elœʼ ményʉ́l mɔ́ɔ́ ɨ́ nzɨ̌ bijoó bá, otɛba o bʉ́rʉ̂m, obɛ́ma o bʉ̂r, baányâ-bibɛr, le oboʼlo o bíbɛr. Nzyɛ̌m á tyêl metié ntémé ó, lɨ́ ekamle bísyɛ́ɛla bíbyɛ̂h bi dí ajala e lɛ́ʼlá mpâ mɨ́ná bé á dweŋɔɔ gá wɨ́ bí.

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.