Títos 1:9 - Kálar Nzyɛ̌m : Ejwán é Sáá

⁹ Nye díʼee lará e lɔ́ɔ́ búʼó yɨ́ná, waá bé dí eboó lɛ̂ʼle wɨ́. Nó ó nyé óbe e nkul egwá tɨ́e bʉ́ʉ́ bʉ̂r yɨ́. Lɛ́ʼlá mpâ mɨ́ná dí edwe gá wɨ́, wé ólɛ̂ʼle bʉ̂r o dí epére mékǎn e mɨná bá bigwǐh byɔ́ɔ́.

Kálara Zyɛ̌m Edwán é mpʉ̌n

⁹ Yé ejala ó, nye mɛrɨ sikʉlʉ bé a taare dwe nye e, é kpɨɨɨa. Lɔɔ waa, wé ó lɔɔ ebuʼla. No ó nye óbe e nkul egʉa dwe bʉʉ bʉr mpaŋ sikʉlʉ bɨna lé ejwɨʼ ga ɛ. Bʉr o ndɨ etɨ mɨlɛa ga mina ɛ, nye óbula dwe be mobe.

Títos 1:9 ပူးပေါင်းရင်းမြစ်များ

2 Tesalonika 2:15

Ebe nó, bɨ́ɔɔ́ bâm, tyɛ́bɨ́ɨ́ gá mekʉ̌ sí ɨ́ sɨ́ŋ. Búʼláá gá milɛ́ʼlá bɨ́h á dwe bɨ̌n mí, damá be ɨ́ minum, nkʉ̂ ɨ́ mekaná bɨ́h á cɛma má.

2 Timotɛ 1:13

Gwá baʼle mílɛ́ʼlá mímpâ gó á jóʼo me lɨ́ edwe mí. Myé díʼee go mveʼle, sá gó ótô le ekala bʉ́ʉ́ bʉ̂r yɨ́. Lɨlɛ́ʼláá ɨ́ mbi waá, e búʼó, ti e kpɛ̌l mpʉ mɨ́ná dí ebi byé ɨ́ mpúhlá nyɨ́ná e Yésʉs-Krîst yɨ́.

1 Timotɛ 6:3

Tî gá wɨ́ná Yésʉs-Krîst á si kʉ líʼe mɨná gá e lɛ́ʼlá mpâ mɨ́ná dí edû wɨ́, bé le olɛ̂ʼla dí edwáawǒ Nzyɛ̌m bá. Mʉ̂r bé akam mílɛ́ʼlá mínɨ̌, kǎ tó dwe yɨ́ɛ milɛ́ʼlá míswîh nó, lɛ́ɛ́, nyɨ́haá nkɛ́ɛ́ ó nyʉ̂l.

1 Timotɛ 1:10

bʉr o dí elœʼ ményʉ́l mɔ́ɔ́ ɨ́ nzɨ̌ bijoó bá, otɛba o bʉ́rʉ̂m, obɛ́ma o bʉ̂r, baányâ-bibɛr, le oboʼlo o bíbɛr. Nzyɛ̌m á tyêl metié ntémé ó, lɨ́ ekamle bísyɛ́ɛla bíbyɛ̂h bi dí ajala e lɛ́ʼlá mpâ mɨ́ná bé á dweŋɔɔ gá wɨ́ bí.

Mɨngwiha 3:3

Ebe nó, símsáá gá milɛ́ʼlá bɨ́n á jóʼo ɨ́ mimbú mí píhe mí. Símsáá gá ntémé mpʉ bɨ́n á nyɛɛ nʉa myé yɨ́. Túmáá gá mikoo e mebébe mɨ́n. Bɨ̌n e dwírá míléme, le ebaʼle mílɛ́ʼlá myaá. Bɨ́n bé yɨ́ɛ ajɨmajɨma nɛ́ɛ: gʉ́ŋáá gá ó, me ónze ɨ́ sɔ́má yɨ́n. Sâ gwár, bɨ̌n bé ágʉ́ǎ jɔʼ mé ónze yɨ́. Me ónze ó, metwɨrâ, mpʉ̌ ndíblʉ̌.

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.

Títos 2:1

Gua, lɨ́lɛ́ʼláá sá yɨ́yɛ̂h dí ejala e lɛ́ʼlá mpâ mɨ́ná dí edwe gá wɨ́ yɨ́.

Títos 1:11

Diblaa bé minum. Bé lɨ́ egbah mímbɛ̌r mi bʉ̂r mintinɨ̂, le edwe mílɛ́ʼlá mbi dí ajala wɨ́. Bé sá nó ó, lɨ́ esú lé ébi bímɔnɨ́ ɨ́ nzɨ̌ lɛ́ʼlá waá. Yé ɨ́ buú sâ sôn lɨ́ ebi bímɔnɨ́ ɨ́ nzɨ̌ nyaá.

2 Timotɛ 4:3

Ebě, jɔʼ, yé lɨ́ enze, jɔʼ bʉ̂r, bé ókâr édûhwǒ lɛ́ʼlá mpâ yɨ́. Bé ójaá jʉjóʼo ó, njɨ milɛ́ʼlá mi dí etíne bé ó, bé tôʼ dóló le elóŋlo bígwɨ́má ményʉ́l mɔ́ɔ́ dí eboó kpɛl ésɨsâ bí mí. Bé ógôhlo éntumo lé ólɛ̂ʼla, lé ójaá dwidwe bé bisá mílɛ́ʼlá byaá lɨ́, lɨ́ esú ó, bé nkʉ̂ gʉ́a soho lɨ́ ejʉjóʼo myé ɨ́ ti ti ti.

1 Tesalonika 5:21

Timlaa gá bisá bíbyɛ̂h. Sá dí ɨ́ mbɨa yɨ́, mɛ́rɨ́ɨ́ gá yé ɨ́ kpɨ́ɨ́ɨ́.

Mɨngwiha 3:11

Me mû ó kúno enze. Mɛ́rɨ́ɨ́ gá sá bɨ́n dí e yé yɨ́ ɨ́ kpɨ́ɨ́ɨ́, ebě, nyʉ́ʉ́ mʉ̂r ámû jaá dɛ̂ʼ bɨ́n káráá mé á gwa dwe bɨ̌n tâŋ myɛ́na yɨ́.

Mɨngwiha 2:25

Mě lɛ́ɛ́ bɨ́n ó, sâ gwár yɨ̂: sá bɨ́n dí e yé yɨ́, baʼlaa gá yê, tó kumo ɨ́ jɔʼ mé óbáʼǎ nze yɨ́.

Yʉ̂d 1:3

Bʉr ó kpɛ̌l bâm, léme, wé á nyɛɛ be me ɨ́ báná báná ó, me tílaa bɨ̌n lɔ̌b swîh: mpʉ̌ twǐʼ njʉ̌m dǐ e njʉ̌m dǐ dí jwɨʼ gwár lɨ́ esú gá lɨ́ná yɨ́. Me nzě kǎ bee ó, me ó lɨ́ bi ó, me tílaa bɨ̌n ó, bɨ̌n lwímlaa dɔm. Lwímláá gá lé, lɨ́ ekamle e búʼó gá yɨ́ná Nzyɛ̌m á boo ntɨh bʉr bé yɨ́.

2 Timotɛ 2:25

Yé jala ó, nye gwâ tɨ́e bʉ̂r o dí edû nyé e megô bá, e njwɨr ɨ́ tala tala. Nyé sá nó wá, Nzyɛ̌m óbɛ̌m dib bé nzɨ̌ ó bé túmaa mikoo e misyóm myɔ́ɔ́, le edwira míléme. Bé ogʉ́a ótyeetye ɨ́ jɔʼ yaá.

2 Timotɛ 2:2

Lɛ́ʼlá wɨ́wɛ̂h gó á jóʼo me lɨ́ edwě buobuo oboʼlo wɨ́, pɛ́hɛ́ɛ́ bʉ̂r o jálá le ebúʼlɔɔ bá, go e lɛ́ɛ́ bé wǎ. Bé bʉr o tɨ̂ʼ ósûʼla ó, bʉr o ngá tô le elɛ́ɛ bʉ́ʉ́ bʉ̂r wǎ bá.

1 Timotɛ 4:9

Lɔ́ɔ́ wɨ̂ʼ, wé ó tyeetye. Wɨ́ɛ ó dí waá bʉ̂r bɨ́bɛ̂h jálá le enʉa, le ekam wɨ́. Wé ó:

1 Timotɛ 1:19

ɨ́ nzɨ̌ búʼó yô le mipahlá mí lémé myô mi dí ɨ́ pyɛɛɛ mí. Bʉ́ʉ́ bʉ̂r bɨ́ɛ, bé á be ó sí kâr éjwɨ́ɨ mílémé myɔ́ɔ́, búʼó yɔ́ɔ́, yé ntɔ̂ʼ ndáma, nwɨɨla e sitíma dí elʉ́ŋa ɨ́ medíbé, dîm yɨ́.

Mɨlʉmlʉ 18:28

Ápolos, bé le oYúden, bé á si pére mekǎn ɨ́ hwɨ́m, nyɨɛ lɨ́ entaǎ lɔ̌b. Nye á si lɛ̂ʼle bʉr mpʉ yé dí cɛmá ɨ́ Mekaná mé Nzyɛ̌m yɨ́ ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá.

1 Korɛnt 14:24

Tó kœb ó, bɨ́n óbɛ̂h gwíh mílɔ̌b mé Nzyɛ̌m nó, hááden nkʉ̂ njéʼe-Nzyɛ̌m, ónî nó, milɛ́á mín mímyɛ̂h myaá, myé ólɛ̂ʼle mʉ̂r waá ɨ́ kpɛŋlɛm ó, nye ó syɛ̂l misyóm. Bɨ̌n bɨ́bɛ̂h, bé ódwe nyé mebě.

2 Timotɛ 3:14

Nó sá gó á jɨ̂ʼ, gʉ́a ntémé ó, yé ó tɨ̂ʼ yɨ́, yé díʼee go simá ɨ́ lémé gô. Sá ajɨha mímbi mi bʉ̂r gó á nʉa milɛ́ʼlá kwá nyɔ́ɔ́ bá.