Títos 1:7 - Kálar Nzyɛ̌m : Ejwán é Sáá

⁷ Yé ó nó: yé jɨ ó, mʉr dí epála bʉ̂r ó Mbɛ̌r-Nzyɛ̌m nyá, díʼee waá dí apǎ dweŋɔɔ mébě nyá, ebě, nye ó syɛ̂l mesá mé Nzyɛ̌m. Nyé ajala le esâ pyêh, nkʉ̂ di ɨ́ ŋmaaa, abě nyʉnyóʼ, nkʉ̂ mʉr esweha, nkʉ̂ waá dí esáa bímɔnɨ́ ɨ́ menzɨ̌ me dí onzyɛ́h ónzyɛ́h má nyá.

Kálara Zyɛ̌m Edwán é mpʉ̌n

⁷ Yé ejala ó, mʉr lé edi é dia mbɔʼlʉ é mbɛr Zyɛm we e, nye diʼe waa ndɨ adweŋɔ mobe e, ebe, mbɔʼlʉ é mbɛr Zyɛm, nye ambɨa, be mʉr pyeh, nkʉ kpɔɔ, nkʉ fufwɔʼ monwoʼ, nkʉ mʉr ndɨ é feha ɛ, nkʉ waa lé esaa bɨsa é mozi ndɨ ozyɛhozyɛh ɛ.

Títos 1:7 ပူးပေါင်းရင်းမြစ်များ

2 Pyɛr 2:10

Nye ódwe bíntɨ́ʼá, ntaa sʉ́ŋa ó, bʉr o dí elóŋlǒ njwɨr myâ gá wɨ́ná bá, bɨ́ɛ ntémé lɨ́ epyêh bʉ̂r o dí e jwɨ́ɨ bá. Bé jaá mɨmɛɛla ó, njɨ e bé bʉr o tɨ̂, le bijwɨʼ mílémé myɔ́ɔ́. Bibɨ́bla bí ólɛ̂ʼla mê lɛ́ɛ́ bɨ́n bî, byé ajóʼo bʉ́á lɨ́ epya mísísǐm mí édúrʉ́ʉ́ mi dí e jwɨ́ɨ mí.

Éfɛsɔs 5:18

Mʉ̌r sá apuro ményoʼ, ebě, mʉr dí elɔ̂ʼwa lɨ́ ede ményoʼ nyá, nyě dímlé ó lʉ́ wé. Diʼee gá lwɨ́ŋlá e Sísǐm mé Nzyɛ̌m.

1 Pyɛr 5:2

Baʼlaa gá daa e bínteme mé Nzyɛ̌m nyé á tímle bɨ̌n lɨ́. Kʉ́ gwá pála gá Mbɛ̌r-Nzyɛ̌m, abe yɨ́ɛ mpʉ̌ sá lɛ́ɛ́, bɨ̌n bé ó lɨ́ bi ó, bɨ̌n séaa syɛ́ɛ́ yaá. Kamaa gá syɛ́ɛ́ mpɔ̂ʼlʉ yɨ́n ɨ́ lɔ̌b gwɨ́má mílémé mín. Séáá gá nó e jwɨʼ ó, bɨ̌n séá ó Nzyɛ̌m syɛ́ɛ́. Mʉ̌r sá abaʼlě Mbɛ̌r-Nzyɛ̌m lɨ́ esú lé élóŋlo bígwɨ́má bímɔnɨ́ ɨ́ menzɨ̌ me dí onzyɛ́h ónzyɛ́h má. Nye sâʼ nó ɨ́ gwɨ́má lémé wé.

1 Pyɛr 4:10

Mpʉ mʉ̂r nyɨnyɛ̂h ɨ́ sɔ́má gá yɨ́ná á bi wé mbǐ ndwéá yɨ́, bɨbaʼlaa gá mindwéá mín myaá lɨ́ esú lé ékɛm bʉ̂r ó sɔ́má yɨ́n oswîh. Sɨ́sáʼ gá nó, ebě, bɨ̌n bé ó osyɛ̂l o mésá mé Nzyɛ̌m dí ɨ́ mbɨǎ njwɨr, baá bé á bi metyɛʼ me mpóm mé Nzyɛ̌m mimbi mimbi bá.

Lʉkas 12:42

Tî Yésʉs ntɔ̂ʼ yala e né ó: «Nzé dí twóó mbɔʼlʉ ekúró dí mʉr ebúʼlɔɔ nyá, waá sɔ́ŋ á tyêl ó, nye díʼee lʉ́ ósyɛ̂l o mésá bé, le ekab bé menkɔb méde mɔ́ɔ́ ɨ́ bijɔʼ bi dí ejala bí nyá?

Títos 2:3

Lɛ́yɨ́ɨ́ mísile mi bʉ́bá jwɨʼ gwár ó, bé dúʼoo mbǐ kʉ̌ tyen dí ejala e mʉr dí edwáawǒ Nzyɛ̌m nyá. Bé sá aswêʼ míé mé bʉ́ʉ́ bʉ̂r. Bé ayɨ́ lɔ̂ʼwa ɨ́ ndéá ményoʼ, nkʉ̂ di bítúʼǎ bi tɨ̂. Bé dwêʼ bʉr mimpaŋ mélɨ́,

Títos 1:5

Ɨ́ mpʉ mé á líʼe go náǎ ɨ́ tíhé Krɛ̂t yɨ́, yé á be ó, go nkʉ̂ swâhlě syɛ́ɛ́ yé á buʼo gʉ̂ʼ yɨ́. Syɛ́ɛ́ yaá, yé á be ó, go pɛ́hɛɛ otyɛ̂b bé ésôʼ ó Mbɛ̌r-Nzyɛ̌m, tyêl bé bínkana e bínkana byɛ̂h, lɨ́ esâ mpʉ mé á líʼe go etié yɨ́.

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Mataos 24:45

«Nzé dí twóó túʼǎ, waá dí mʉr ebúʼlɔɔ, waá sɔ́ŋ wé á tyêl ó, yé díʼee lʉ́ bítúʼǎ byé, le ekab byé mede ɨ́ mepʉ́la me dí ejala má nyá?