Títos 1:4 - Kálar Nzyɛ̌m : Ejwán é Sáá

⁴ Mě cɛmá ó, gua Títos, dí mpaŋ mwân wǎm ɨ́ búʼó, yaá dí mɨná bɨ́bɛ̂h ɨ́ miléme yɨ́. Metyɛʼ me mpóm le mepyɛbla, mé díʼee e go, duho e Nzyɛ̌m Sɔ́ŋ, bé e Yésʉs-Krîst, Tiʼbʉr gá wɨ́ná.

Kálara Zyɛ̌m Edwán é mpʉ̌n

⁴ Me etile ó, gwɔɔ Tit, ndɨ me mwan é nko paʼ buʼo yina ɛ. Mocyɛʼ mo mpom le motala mo Zyɛm Sɔŋ bé e Yesʉs-Krɨst, Tiʼbʉr ga wina, mé swɨŋɨ é go.

Títos 1:4 ပူးပေါင်းရင်းမြစ်များ

2 Timotɛ 1:2

Mě cɛmá ó, gua mwâ kpɛ̌l wǎm Timotɛ̂. Metyɛʼ me mpóm, le njɨ́ʼá nkóó, le mepyɛbla, byé díʼee e go, duho e Nzyɛ̌m Sɔ́ŋ wɨ́ná, bé e Tî gá wɨ́ná Yésʉs-Krîst.

Yʉ̂d 1:3

Bʉr ó kpɛ̌l bâm, léme, wé á nyɛɛ be me ɨ́ báná báná ó, me tílaa bɨ̌n lɔ̌b swîh: mpʉ̌ twǐʼ njʉ̌m dǐ e njʉ̌m dǐ dí jwɨʼ gwár lɨ́ esú gá lɨ́ná yɨ́. Me nzě kǎ bee ó, me ó lɨ́ bi ó, me tílaa bɨ̌n ó, bɨ̌n lwímlaa dɔm. Lwímláá gá lé, lɨ́ ekamle e búʼó gá yɨ́ná Nzyɛ̌m á boo ntɨh bʉr bé yɨ́.

2 Pyɛr 1:11

Nó ntémé ó Nzyɛ̌m ósúʼo bɨ́n e menzɨ̌ mɨ́mɛ̂h lɨ́ esú ó, bɨ̌n níʼee ɨ́ Mpóʼo mé Tî gá wɨ́ná le Tiʼbʉr gá wɨ́ná Yésʉs-Krîst yɨ́. Mpóʼo nyaá, nye ódi ó njʉ̌m dǐ e njʉ̌m dǐ.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

2 Korɛnt 2:13

Damá jóʼǒ mpʉ mé á be e nkul dí ó, me lɛ́yɨɨ lɔ́ɔ́ wé waá nó yɨ́, lémé wâm, wé á bé abe mé ɨ́ mo ɨ́ puuu, ebě, me á bé akœb mɨ́ɔɔ́ wǎm Títos tɨ̂ʼ ɨ́ Troâs. Sá tɨ̂ʼ ó mé á ka nzoo jána e bé, me ntɔ̂ʼ duhǒ Troâs, tô sí Masedónia yɨ́.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

2 Korɛnt 8:23

Ɨ́ páʼ mé Títos, nye ó mʉr njoo yâm bɨ́h e nɔ́ɔ́ dí eboó séǎ syɛ́ɛ́ nyá. Ɨ́ páʼ bʉ́ʉ́ bʉ̂r obá o bé e boo nɔ́ɔ́ dí enze gʉ̂ʼ bá, bʉr ó Mbɛ̌r-Nzyɛ̌m ó dí elómlo bɨ́n bǎ. Jɔʼ bʉ̂r dí ebeě syɛ́ɛ́ yɔ́ɔ́ yɨ́, bé lɨ́ egúmlǒ Yésʉs-Krîst tɨ̂.

Rôm 1:12

Sá mé dí elɛ́ɛ yɨ́, yé ó, mɨná sâʼ gá menkɔ̌m páʼ gá nyɨ́ná. Búʼó bɨ́n dí ebúʼlǎ Krîst yɨ́, le yaá yâm, byé ó ngá gbâ mɨ́ná gá nkul ɨ́ miléme.

Yʉanes 4:42

Bʉr baá, bê nzě lɛ́ɛ mʉ́má nɨ̌ ó: «Ɨ́ báánâ, bɨ̌h bé akǎ dyɛ̂ʼwo e né njɨ ɨ́ lɔ̌b lɔ́ɔ́ gô lɛ́ɛ́ bɨ́h wɨ́, ebě, bɨ̌h bʉr o tɨ̂, bɨ̌h bɨ́ jóʼǒ lwǐb yé le ekʉ́ gʉ́a ntémé ó, ɨ́ sí yɨ̂ʼ yɨ́yɛ̂h, nye ó dí bánǎ be Tiʼbʉr.»

1 Yʉanes 5:14

Pyálá mɨ́ná ngá pyâl gá ɨ́ mpǒm mé Nzyɛ̌m wɨ́, wé óbe ó, mpûʼla, nyé osí lóŋlo mílémé gá míná. Mɨná bɨ́ gʉ́a gá ó, mɨ́ná jɨ́ʼlá gá e né, le edû mítíʼá mí lémé wé nó, nye ójóʼo mínjɨʼla gá míná myaá mbɨ̂mbɨá.

2 Pyɛr 3:2

Mě gwɨ́m ó, bɨ̌n símsaa lɔ́ɔ́ ógwíha o mílɔ̌b mé Nzyɛ̌m bé á lɛ́ɛ ɨ́ melú mé épíhe wɨ́, ti e metié mé Tî Yésʉs, dí ntémé Tiʼbʉr gá wɨ́ná nyá. Metié maá ó bɨ́n á jóʼo ɨ́ nzɨ̌ bʉr o mílʉ́mlʉ́ bé má.

2 Pyɛr 2:20

Mʉ̂r gʉ́á Tî gá wɨ́ná le Tiʼbʉr gá wɨ́ná Yésʉs-Krîst, le epʉʼa ɨ́ bibol bísyɛ́ɛla bí sí yɨ̂ʼ nó, nyé sí báʼǎ kǎ bîr ó, ebébe laá, lé nʉ́aa nkul ɨ́ twiʼ yé nó, twiʼ yé, yé ókǎ bébe, ntaa sʉ́ŋa, laǎ mpʉ yé á nyɛɛ bébe ɨ́ metááré yɨ́.

Títos 1:3

Nye á ka túno lɔ̌b twiʼ yaá ó, ɨ́ jɔʼ yé á jala le egwíhɔɔ yɨ́. Nzyɛ̌m, Tiʼbʉr gá wɨ́ná á gwîh bʉr lwǐb yé ó, ɨ́ nzɨ̌ nyǎm. Nye á tíʼe ɨ́ léme ó, nyě tyél ó me ɨ́ dǐ lɛ́a lɔ́ɔ wé. Nye á tímle syɛ́ɛ́ yaá ó me.

Kolosi 1:2

bʉr o dí egúmo e Nzyɛ̌m, baá o dí ɨ́ Kolósia bá. Bɨ̌n bé ó bɨ́ɔɔ́ bɨ́h ɨ́ Krîst tʉ́ŋlʉ̌, bʉr o bé ébûʼlɔɔ. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná.

Éfɛsɔs 1:2

Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Galásia 2:3

Damá jóʼo ó mpʉ̌ Títos, mʉr minjoo wǎm, dí mʉr Grɛ̂s yɨ́, bé á bé atíne nyé ó, nye tíʼɔɔ mpʉ́n.

2 Korɛnt 12:18

Me á si jɨʼla e Títos, bé e mɨ́ɔɔ́ wɨ́h ó, bé tôʼ kwá nyɨ́n ɨ́ menɔɔlʉ. Nzê Títos á si nʉa bɨ̌n yʉ́ʉ́ sɔ̂ʼ ɛ̌? Nzê bɨ̌h e nɔ́ɔ́, bé á bé adû kʉ̌ tyen ngwár, e miléme jwɨʼ gwár e gwár ɛ́? Nye á bé adû ébo lâm ɛ̌?

2 Korɛnt 8:16

Nzyǒo e Nzyɛ̌m ɨ́ lɔ̌b syɛ́ɛla yé! Nye á si tyɛ̂b Títos ɨ́ léme ó, léme díʼee nye ɨ́ báná báná ó, nyě kɛ̌m ó bɨ̌n. Bɨ̌h e né, bé ó jwɨʼ gwár ɨ́ pâʼ waá.

2 Korɛnt 8:6

Sá tɨ̂ʼ ó bɨ́h á jɨʼla e Títos ó, nye tôʼ gʉ̂ʼ kwá nyɨ́n, le elóŋlǒ syɛ́ɛ́ nyé á pa nyɛɛ séa yɨ́. Syɛ́ɛ́ yaá, yé ó syɛ́ɛ́ ésîl ésyɛŋ míngúlá mín.

2 Korɛnt 7:6

Tó kœb ó, Nzyɛ̌m, nye lɨ́ ekɛm bʉ̂r o dí ɨ́ twíaaa e metyɛʼ me nyʉ̂l bá. Nye á si gbâ bɨ̌h nkul ɨ́ miléme ɨ́ jɔ̌ʼ Títos á pyâl yɨ́.

2 Korɛnt 4:13

Yê cɛmá ɨ́ Mekaná mé Nzyɛ̌m ó: Me á si bûʼla. Sá tɨ̂ʼ ó mé á lwib yɨ́. Bɨ̌h ntémé bé e búʼó ɨ́ miléme. Sá tɨ̂ʼ ó bɨ́h á lwib yɨ́.

Rôm 1:7

Mě cɛmá ó, bʉr bɨ́bɛ̂h o dí Rôm, baá Nzyɛ̌m á kpɛl, le etwâr ó, bé díʼee mitwárá mí bʉ̂r myé bá. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Lʉkas 2:11

Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!

Galásia 3:26

Bɨ̌n bɨ́bɛ̂h mû ó bwán mé Nzyɛ̌m, ebě, bɨ̌n bé á si dyɛ̂ʼwo e Yésʉs-Krîst.

Galásia 3:28

Sá tɨ̂ʼ ó dí akǎ buú syɛ́ɛlǎ sɔ̂ʼ páʼ óYúden le bwá ó bíkûl yɨ́. Gǒ damá bě túʼǎ, nkʉ̂ ntémé nzyɛh; damá be mʉ́má, nkʉ̂ mʉrʉ̂m, nzyɛ́ɛ́lá ntʉ́ʼ bá tɨ̂, ebě, bɨ̌n bɨ́ pûhla e Yésʉs-Krîst. Bɨ̌n bɨ́bɛ̂h mû kǎ di ó, tâŋ mʉr ngwár.

1 Timotɛ 1:12

Me lɨ́ edwe Tî gá wɨ́ná Yésʉs-Krîst nzyǒo, mʉr á dwe me nkul ɨ́ syɛ́ɛ́ yâm nyá, ebě, nye á láa ó, me ó mʉr ebúʼlɔɔ, nye ntɔ̂ʼ tyêl mé ɨ́ syɛ́ɛ́ yé,

2 Timotɛ 1:1

Yé ó mɛm, Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma gó mekaná mâ. Lʉ́mlʉ́ wâm, wé ó, me lɛ̂ʼlaa twiʼ nyé á kɛʼ mɨná gá yɨ́. Mɨná bé óbi gá twiʼ yaá ó, ɨ́ mpúhlá gá nyɨ́ná e Yésʉs-Krîst.

2 Timotɛ 4:10

Demâs, nyɨ́ pɨʼ mê, ebě, nye lɨ́ ekpɛ̌l sí yɨ̂. Nyɨ́ tô Tesaloníka. Krésaŋ, nyɨ́ tô sí Galásia. Títos, nyɨ́ tô Dalmatía.

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.