Rôm 9:4 - Kálar Nzyɛ̌m : Ejwán é Sáá

⁴ Bɨ́ɔɔ́ bâm baá, bé ó nyɛ̂r bwá ó b'Ɨ́zraɛ̂l. Bé ó Nzyɛ̌m á twâr lɨ́ esú lé édi nyé tâŋ bwân. Bé ó b'á nyɛɛ bee kûm nyé. Nye á nyɛɛ tyêl saá ó, páʼ bé e boo nɔ́ɔ́. Bé ó b'á jóʼo metié nyé á tyêl má. Bé ó b'á nyɛɛ lɛ̂ʼlɔɔ mpʉ bʉ̂r jálá le edwě Nzyɛ̌m kûm yɨ́. Bé ó b'á nyɛɛ bi menkɛ̌ʼ mé Nzyɛ̌m.

Kálara Zyɛ̌m Edwán é mpʉ̌n

⁴ Bɨɔ bam, bwa b'Ɨzraɛl, bé ó baa Zyɛm a pɛh ó, bé nkʉʼ cyelɔ é dia bwan o mobœʼa be. Bé ó b'a taare bee kum we. Nye a taare de mpʉn ó e be. Bé ó b'a joʼo motie nye a tiile e. Bé ó b'a taare lɛʼlɔ mpʉ bé lé ejala le edwiibɨ Zyɛm ɨ. Bé ó b'a taare bi monkɛʼ mo Zyɛm.

Rôm 9:4 ပူးပေါင်းရင်းမြစ်များ

Éfɛsɔs 2:12

Símsáá gá ntémé mpʉ bɨ́n á nyɛɛ bɨbě dǐ gwár yɨ́. Bɨ̌n e Krîst, bé á bé apǎ pûhla. Bɨ̌n bé á si pɨ́mɔɔ ɨ́ kúl bʉ̂r o b'Ɨ́zraɛ̂l. Ɨ́ nkǒ páʼ sáá Nzyɛ̌m á sâ nyɨ́, ti e menkɛ̌ʼ mé, bɨ̌n bé á be ó, bʉr o bíkúl bíswîh, abe e bá nkɔ̂b tɨ̂. Ɨ́ jɔʼ yaá yɨ́yɛ̂h, bɨ̌n bé á bé abe e mpûʼla ɨ́ miléme. Ɨ́ sí yɨ́yɛ̂h, bʉr o bíkúl bín, bé á bé agʉ́ǎ Nzyɛ̌m.

Rôm 9:6

Yé bé bɨ́ɔɔ́ bâm, bé mû ó e meswomlʉ nó, yé alɛ́ɛ yɨ́ɛ ó, Nzyɛ̌m á bé adira nkɛ́ʼ nyé. Ntʉ óYúden bɨ́bɛ̂h dí mpǎŋ kúl bʉ̂r o b'Ɨ́zraɛ̂l.

Mɨlʉmlʉ 2:39

Ebě, nkɛ̌ʼ mé Nzyɛ̌m, nye tɨ̂ʼ ó, lɨ́ esú lɨ́n, ndu e bwán bɨ́n, ndu e baá bɨ́bɛ̂h dí lɨ́ ejaa bá, le baá bɨ́bɛ̂h Dâ, dí Nzyɛ̌m gá wɨ́ná nyá, ngá jébe bá.»

Ebrœ̂ 9:1

Saá Nzyɛ̌m á nyɛɛ tyêl páʼ nyɔ́ɔ́ e Moyɨ̂z nyɨ́, á be ó e metié e mempéné mé, mɨ́ɛ lɨ́ ejwɨ́ɨ̌ mbi mʉ̂r jálá le edwě Nzyɛ̌m kûm wɨ́. Nye á be ntémé ó e yʉ́ʉ́ gúmo ɨ́ sí yɨ̂ʼ lɨ́ esú é syɛ́ɛ́ yaá.

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

Yʉanes 1:17

Nzyɛ̌m á tyêl mɨná gá metié ndu e l'egbâ mémpéné ó, cɨɨ ɨ́ nzɨ̌ mé Moyɨ̂z. Nó ó, mpam nyé le otyeetye bíɛ, byé á nze ɨ́ mɨná gá ó, cɨɨ ɨ́ nzɨ̌ mé Yésʉs-Krîst.

Ebrœ̂ 9:10

Nzyɛ̌m á tíʼe ɨ́ lémé wé ó, bʉr, bé ósɨsâ nyé mbǐ yébé nɨ̌ ó, tó pyâl ɨ́ jɔʼ nyé ókǎ tyêl bʉ̂r metié me dí tîtyěl má yɨ́. Metié le mempéné mé ésôʼ, mé á jaa dwɛ̂ʼ ó, njɨ ɨ́ páʼ nyʉ̂l mʉr. Metié maá, mé á jaa tɨ́e mʉr ó, njɨ mimbi méde le menyoʼ myé á jala ó, nye dêʼ mí, le mimbi míndubó myé á jala ó, nye dúŋɔɔ mí.

Ebrœ̂ 9:3

Yé á be ó e gúú kán wé á be lɨ́ ela ébê wɨ́. Wɨ́haá kán ébê, wé ó waá mbá pára dí ebɔma e wé ɨ́ jɔʼ nyé ní ɨ́ mpáh Nzyɛ̌m yɨ́ wɨ́. Nko píhe kán ébê waá, yé á bě e ntɔ́ɔ mbá, nyaá bé á jébe ó «ntɔ́ɔ dí ɨ́ buú buǒ tí nyɨ́.»

Yʉanes 1:47

Jɔ̌ʼ Yésʉs á bee Natanaɛ̂l lɨ́ enzě nko nyé á be yɨ́, nye ó: «Beyɨɨ gá nyɛ̂r Ɨ́zraɛ̂l ɨ́! Nyé abe e mikóo.»

Mataos 21:33

Yésʉs nzě lɛ́ɛ e bé ó: «Jóʼláá gá yʉ́ʉ́ kɨkɛna: yé á be ó e nyʉ́ʉ́ mʉ̂r, kúm pemé. Nye á si lî pemé óraisin, nye nzě sumǒ kôʼ lɨ́ ekɛ̌b pemé yaá ɨ́ nká, pû bɨ́, sâ pǎr, súm émân mpúmó, nzě sumǒ tólóm mbɛ̌r édwéelě pemé yaá tɨ̂, nzě líʼe yé e bilóbila byé, ó byé jɨ́jana nye ɨ́ swɨɨ ékpɛm. Píe tɨ̂, nye nzě ja nzɨ́, tô ɨ́ tyen.

Rôm 3:2

Yé e nyɔm ɨ́ menzɨ̌ mɨ́mɛ̂h. Sá ésôʼ dí e nyɔm yɨ́, yé ó, Nzyɛ̌m á taare edwe mingwíhá mílɔ̌b myé ó, bɨ̌n oYúden.

2 Korɛnt 11:22

Nzê bɨ́ɛ bé ó bʉr o b'Ébrœ̂ ɛ̌? Me ntémé, me ó nye. Nzê bé ó bʉr o b'Ɨ́zraɛ̂l ɛ̌? Me ntémé, me ó nye. Nzê bé ó mpóʼo mé Abraham ɛ̌? Me ntémé, me ó mʉr tɨ̂.

Galásia 3:16

Jwɨʼ gwár e gwár yaá ó Nzyɛ̌m á dwe Abraham bé e nta wé nkɛ̌ʼ yɨ́. Mekaná mé Nzyɛ̌m, mé alɛ́ɛ ó: «onta». Mé kʉ́ jaá lɛ́ɛ ó, njɨ «nta ngwár.» Nta mé Abraham waá ó dí Yésʉs-Krîst.

Ebrœ̂ 9:5

Yé á be ntémé ó e mbúrá mpɔ́ra sáá, súm bé á mi-myɛʼ metié mé á lɨleʼe kpaa mé Nzyɛ̌m yɨ́. Ɨ́ mbúrá waá kʉ́, yé á be ó, le okerʉ̂b obá. Mempabaá mɔ́ɔ́, mé á be ó mɨsyɛ́má, lé esâ dúʼwó ɨ́ nkǒ páʼ mbúrá. Bé ó w'á be lé elɛ̂ʼle ó, Nzyɛ̌m, nye ó tɨ̂ʼ sûm yaá. Mé abe le epʉ́la ɨ́ báánâʼ ó, me lɛ́yɨɨ bisâ byaá bíbyɛ̂h.

Ebrœ̂ 9:6

Jɔʼ bé á sil ekomlo bisâ byaá bíbyɛ̂h, le ekomo byé ɨ́ bijá byɔ́ɔ́ yɨ́, opara bɨ́ɛ nzě táare éninî ɨ́ ntɔ́ɔ esôʼ ɨ́ ti ti ti, lɨ́ etô le elóŋlǒ syɛ́ɛ́ yɔ́ɔ́.