Rôm 9:20 - Kálar Nzyɛ̌m : Ejwán é Sáá

²⁰ Gua mʉr dí edo e Nzyɛ̌m nyá, go nzé? Sá mʉ̂r á me e deʼé yɨ́, nzê yé óbɛ̂ʼ e mel ó: Go á me me mpʉʼ ɨ́ yé? Heʼé!

Kálara Zyɛ̌m Edwán é mpʉ̌n

²⁰ Gwɔɔ mʉr lé edo e Zyɛm ɨ, go ebee ó, go ejala le entɛŋ nye motia, dɔɔ waa yé? Sa mʉr a me e deʼe e, zê yé e nkul ebɛʼ e mel ó: «Ebe yé go a me me mpʉnʉ nɨ» ɛ?

Rôm 9:20 ပူးပေါင်းရင်းမြစ်များ

Mataos 20:15

Nzê yé ambɨa ó, me sâʼ e bisá byâm ɨ́ mpʉ mé kpɛ̂l yɨ́ ɛ́? Go lɨ́ ebene mé ɨ́ lɔ̌b mpâm nyǎm ɨ́ yé?”

1 Timotɛ 6:5

Bisyɛ́ɛla byaá, byé duduho ó, lɨ́ ekpaa lé laá. Nyě sɨ́sá bísyɛ́ɛla byaá ó, bé e bʉr o dí e bibol mípahlá, baá o dí agʉ́a ótyeetye bá. Nyě jaá gʉ́a ó, njɨ edwě Nzyɛ̌m kûm, lé ó gúú mbi nzɨ́ esáa bímɔnɨ́.

1 Korɛnt 1:20

Nó ó, twóó nyɨɛ ókǎ lɛ́ɛ nyá? Cɛma mekaná nyɨɛ ókǎ lɛ́ɛ nyá? Mʉr edo ɨ́ mpóʼo sí yɨ̂ʼ ókǎ lɛ́ɛ nyá? Sá bʉ̂r ó sí yɨ̂ʼ jɨ́jébé ó, «ocwóó» yɨ́, Nzyɛ̌m jébé yɨ́ɛ ó, «ogʉ̌»!

Jacques 2:20

Go sá mʉ̂r yɨ̂! Nzê yê tyeetye ó, go lɨ́ edǐ gʉ́a ó, mʉ̂r bûʼlá Nzyɛ̌m, asâ yɨ́ɛ bisyɛ́ɛla bimpâ nó, nyé abá dirǎ nyɔm ɨ́ lɔ̌b syɛ́ɛla yé yaá ɛ́?

Títos 2:9

Bitúʼǎ, byé ɨ́ jala le edi ɨ́ jwɨ́ɨ́ ósɔ́ŋ bɔ́ɔ́ ó, ɨ́ bijɔʼ bíbyɛ̂h. Byé sáŋaa menzɨ̌ ó, ojwɨ́ɨ́ bɔ́ɔ́, bé béyɨɨ bisyɛ́ɛla byɔ́ɔ́ mbɨ̂mbɨá. Byé ayɨ́ do e bê.

Rôm 2:1

Nó ó, gua, mʉr dí edwe bʉ̂r mebě nyá, gó abe e nkul ekar ɨ́ míh mé Nzyɛ̌m. Jɔʼ gó dwé bʉ̂r mebě yɨ́, num gô, wé lɨ́ edwe ntémé go mʉr tɨ̂ʼ mebě, ebě, gua yɨ́ɛ tîʼ milɔ̌b, gǒ jaá sâ ntémé ó, njɨ bisyɛ́ɛla bimpwár byaá.

1 Korɛnt 7:16

Mbûʼla mʉmá, gǒ gʉ́á nyá? Jáŋá go óbe ó e nkul etiʼ njʉ́mǒ. Yé abe nó? Mbûʼla mʉrʉ̂m, gua ntémé, gǒ gʉ́á nyá? Jáŋá go óbe ó e nkul etiʼ myɛ́lô.

Lʉkas 12:14

Yésʉs, nye e né ó: «Mɨ́ɔɔ́, nzé á tyêl me tîʼ milɔ̌b ɨ́ milɔ̌b mín ɛ̌? Nzé á lɛ́ɛ ó, me kábaa bilíʼé bín?»

Rôm 2:3

Gua mʉr dí edwe bʉ́ʉ́ bʉ̂r mebě ɨ́ bisyɛ́ɛla bé dí esâ bí nyá, go ntémé jaá sâ ó njɨ bisyɛ́ɛla bimpwár byaá. Gǒ bee nyá? Nzê go ókɨ̂ŋ tíʼá mílɔ̌b mé Nzyɛ̌m?

Rôm 9:21

Mel mempɨ̌, nyě e nkul esâ sá nyé kpɛ̂l yɨ́ e deʼé lé. Nye óbɛ̌m pɛ̂ʼ búʼ déʼé bipéh bíbá, nʉa wɨ̂ʼ pâʼ, sâ mpǎŋ daala e tɨ̂ʼ le ojɔɔ́; nʉa gúú pâʼ nɛ́ɛ: sâ yʉ́ʉ́ sá daala yé óbibiŋɔɔ dʉ́ó lɨ́lɛ̂h yɨ́.

Rôm 9:22

Nzyɛ̌m á sâ syɛ́ɛla yaá ó, nye lɛ̂ʼlaa bʉr nkpaa nyé le nkul nyé. Sá tɨ̂ʼ ó bɨ́n dí ebee nyé lɨ́ ebuú sâ bíhwó ɨ́ nkǒ páʼ bʉ̂r o jálá le ejaʼra e nkpaa nyé bá yɨ́. Nye lɨ́ ekʉ́ dûhwo baá nyé bónó édímle bá. Nyé sí kpɛl ó, nyě ntɨ́ʼ ó bʉr, dû mpʉ nkpáa nyé dí yɨ́ nɛ́ɛ: gua, gó e wáǎ lɔ̌b tɨ̂?

Rôm 14:4

Gua, go nzé, gó dí edwe syɛ̂l mesâ nye onkán mebě nɨ̌? Nyé sí sâ ébébe nó, njwɨ́ɨ wé ó jálá le elɛ̂ʼle nyé lǎ. Nyé sí sâ émbɨa nó, njwɨ́ɨ wé ntémé ó jálá le elɛ̂ʼle nyé lǎ. Nye átwe yɨ́ɛ twêʼ, ebě, Tî Yésʉs, nyě e nkul esúʼo nyé lɨ́ esú ó, nye ayɨ́ twe.

2 Timotɛ 2:20

Ɨ́ ntwǎŋ mbɛ̌r, yé e bisʉ́á mimbi mimbi. Ntʉ bíbyɛ̂h dí misɛ́á ɨ́ gʉ̂l, nkʉ̂ ɨ́ nkóhó mɔnɨ́. Bisʉ́á bínɨ̌, byé e nyɔm ɨ́ jɔʼ bísyɛ́ɛ́ bí dúu mû lɨ́ esáŋɔɔ yɨ́. Byúú bísʉ́á bíɛ, byé ó mikpɛʼá ɨ́ bilɨ́. Byúú ntémé, mimeá e deʼé. Bíhaá bísʉ́á, byé biŋɔɔ ó, njɨ ɨ́ bisyɛ́ɛ́ bi dí ɨ́ buú pyéhɔɔ bí.