Rôm 9:1 - Kálar Nzyɛ̌m : Ejwán é Sáá

¹ Mě lɛ́ɛ́ ó, otyeetye, abe bíbɛr. Mě lɛ́ɛ́ ó, ɨ́ mpúhlá nyɨ́h e Yésʉs-Krîst. Mipahlá mí lémé wâm, myé lɨ́ ekʉ́ boʼlǒ lɔ́ɔ waá e nzɨ̌ Sísǐm mé Nzyɛ̌m.

Kálara Zyɛ̌m Edwán é mpʉ̌n

¹ Me ekʉ lɛɛ ocyecye é zyɛŋa wih boo Yesʉs-Krɨst. Me alɛɛ mpʉl. Mɨpɛhla mɨ leme wam, myé ekʉ boʼlo lɔɔ waa é zi mo Mbɨambɨa Sisim.

Rôm 9:1 ပူးပေါင်းရင်းမြစ်များ

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

Rôm 1:9

Ɨ́ jɔʼ yɨ́yɛ̂h, me lɨ́ ejɨʼla e né ɨ́ lɔ̌b wɨ́n. Nzyɛ̌m mʉr tɨ̂ʼ boʼlo ó, mě lɛ́ɛ́ ó otyeetye. Nye ó mé dí eboó séǎ syɛ́ɛ́ yé e tiŋé ɨ́ lémé wâm nyá. Mě séá yé ó e nzɨ̌ etúnǒ Mbɨambɨa Lɔ́ɔ dí edumo e Mwân wé wɨ́.

Galásia 1:20

(Sá mé dí ecɛma yɨ̂, yé ó tyeetye. Ɨ́ míh mé Nzyɛ̌m, me lɨ́ ebáʼǎ lɛ́ɛ ó, mé asâ bíbɛr.)

Filipi 1:8

Á dǐ bee mɨ́ná gá mû ó gúmo gwár! Nzyɛ̌m, nye me ó mboʼlo! Me lɨ́ ekpɛl bɨ́n bɨ́bɛ̂h mpʉ̌ Yésʉs-Krîst dí ekpɛl bɨ́n yɨ́.

2 Korɛnt 11:10

Mpʉ ótyeetye mé Krîst dí ɨ́ me yɨ́, mě lɛ́ɛ́ ó, me ótô le enkʉ́na ɨ́ sí Akayɨ̂ ɨ́ lɔ̌b kʉ̌ tyen waá. Abe e mʉr dí e nkul ekamle mé lɨ́ enkʉ́na ɨ́ lɔ̌b waá.

Rôm 8:16

Sísǐm wé, wé mʉr tɨ̂, wé lɨ́ eboʼlo ɨ́ milémé gá míná tʉ́ŋlʉ̌ ó, mɨná gá kʉ́ bě tyeetye ó bwán mé Nzyɛ̌m.

1 Timotɛ 1:5

Ɨ́ metwɨ́ɨ́ ménɨ̌, ndumló tɨ̂, wé ó, mɨná kpɛ́laa gâ. Kpɛ̌l yaá, yé dúhaa ɨ́ miléme mi dí ɨ́ sɔ́ɔ́ɔ́ mí, le ɨ́ mipahlá míléme mi dí ɨ́ pyɛɛɛ mí. Kpɛ̌l yaá dúhaa ntémé ɨ́ mpǎŋ búʼó yɨ́ná dí abě mbáʼrá e mikóo yɨ́.

1 Tesalonika 2:5

Gʉ́ŋáá gá ntémé ó, bɨ̌h bé á bé abe lɨ́ esêʼle bɨ́n. Bɨ̌h bé á bé asâ míkóo ɨ́ nyɔm énʉa bísá bín. Nzyɛ̌m, nye me ó mboʼlo!

2 Korɛnt 12:19

Táare mélú mé épíhe, kumo ɨ́ báánâ, bɨ̌n jaá gbɨ̂gba ɨ́ milʉ́ mín ó: «Pɔ̂l mû ó lɨ́ esâ mínkar ɨ́ míh gá mɨ́ná.» Yé akúnwo bá nó. Mě jaá kar nkâr nyǎm ó, njɨ ɨ́ míh mé Nzyɛ̌m, ɨ́ mpʉ̌ Krîst dí ekpɛl yɨ́. Bʉr ó kpɛ̌l bâm ɛ̌! Bɨ̌h sá bísyɛ́ɛla bínɨ̌ bíbyɛ̂h ó, lɨ́ esâ ó, búʼó yɨ́n, yé gwɨ́aa.

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

1 Timotɛ 5:21

Mě lɛ́ɛ́ gó ɨ́ míh mé Nzyɛ̌m, le Yésʉs-Krîst, bé e mitwárá bééngeles ó, go bâʼlaa metwɨ́ɨ́ mâ. Gǒ sá asâ ménkɔ̌m ɨ́ jɔʼ gó tíʼé lɔ̌b yɨ́. Akʉ́a nyʉ́ʉ́ mʉ̂r ɨ́ nkɔb.

2 Korɛnt 11:31

Waá dí Nzyɛ̌m mé Tî Yésʉs-Krîst, waá dí Sɔ́ŋ wé nyá, nye lɨ́ egʉ́a ó, mé alɛ́ɛ bíbɛr. Nye díʼee e kûm njʉ̌m dǐ e njʉ̌m dǐ.

2 Korɛnt 1:23

Nó ó, mé dí ejébě Nzyɛ̌m, dí mboʼlo wǎm nyá ó: yé bé mě lɛ́ɛ́ ó bibɛr nó, nye dímlaa twiʼ yâm, ebě, sá yé á sâ ó, me ayɨ́ kǎ nze gʉ̂ʼ Kórɨnt yɨ́, yé á be ó gwɨ́má ébɛ̂ʼ bɨ́n túú.

Rôm 2:15

Jɔʼ bé dí esâ nó yɨ́, bé lɛ́ʼlé ó, sá métié dí etɨ́e yɨ́, yé ó cɛmá ɨ́ milémé myɔ́ɔ́. Mipahlá mílémé myɔ́ɔ́, myé lɨ́ eboʼlo ntémé nó. Myé nwáhlé ɨ́ bîʼ bíjɔʼ ó, bé á si jéʼe esâ. Ɨ́ byúú bíjɔʼ, myé lɛ́ʼlé bé ó, bé á si gʉ́a esâ.

Rôm 9:2

Léme, wê me ó, lɨ́ ekpaa ébúʼ. Wé ó nó ɨ́ jɔʼ yɨ́yɛ̂h.