Rôm 8:7 - Kálar Nzyɛ̌m : Ejwán é Sáá

⁷ Baá mílémé myɔ́ɔ́ dí edû njɨ njwɨr myâ bá, bé lɨ́ elwímla e Nzyɛ̌m, asâ métié mé mejóʼo. Milémé myɔ́ɔ́ abá be e nkul esâ métié maá mejóʼo.

Kálara Zyɛ̌m Edwán é mpʉ̌n

⁷ Baa ndɨ edu njɨ bɨgwɨma bɨ nyʉl bɨpuno e, bé ó bʉr o dɔm mo Zyɛm. Bé agum ka du motie Zyɛm a tiile bʉr ɨ. Bé ákwoʼ mɛʼle du me.

Rôm 8:7 ပူးပေါင်းရင်းမြစ်များ

1 Korɛnt 2:14

Mʉr dí tʉ̂toʼó, abe e Sísǐm mé Nzyɛ̌m nyá, nyé abe e nkul ebi ótyeetye dí eduho e Sísǐm waá wɨ́. Wê nye ó ogʉ̌. Nyé abe e nkul egʉ́a wê, ebě, mʉ̌r jaá gʉ́a wé ó, njɨ ɨ́ lɔ̌b nkûl Sísǐm mé Nzyɛ̌m dí e nye nyɨ́.

Jacques 4:4

Bɨ̌n odûl bé ónzyɛ̌m oswîh, nzê bɨ̌n bé agʉ́a ó, jɔʼ bɨ́n tíá ésó e sí yɨ̂ʼ yɨ́, bɨ̌n kǎ lɛ̂ʼlě Nzyɛ̌m náǎ ó, bɨ̌n bɨ́ dwira e né, le edi óntɨ̂m le obɨn bé ɛ́?

Rôm 7:22

Lémé wâm wɨ́wɛ̂h, me lɨ́ ekʉ́ jóʼo bísʉhʉ lɨ́ epɨpahle métié mé Nzyɛ̌m.

Ebrœ̂ 8:10

Ebě, Dâ Nzyɛ̌m lɛ́ɛ́ ó: «Píe melû maá, saá mé ngá tyêl páʼ nyɨ́h e kúl bʉ̂r o b'Ɨ́zraɛ̂l nyɨ́, nye óbe ó, mbi wɨ̂: Me ólíʼe métié mâm ɨ́ lʉ́ wɔ́ɔ́. Me ócɛma bé mǎ ɨ́ miléme. Me óbe ó Nzyɛ̌m wɔ́ɔ́. Bɨ́ɛ, bé óbe ó bʉr bâm.

2 Timotɛ 3:4

Bé óbɛ́ma bʉ̂r ó njoo yɔ́ɔ́. Bé ósâ bísyɛ́ɛla bíbyɛ̂h ó, apǎ nyɛɛ́ pahle. Bé óbuú nkɛ́ɛ ményʉ́l mɔ́ɔ́. Bé ójaá kpɛl ó, njɨ bisyɛ́ɛla ményʉ́l mɔ́ɔ́ dí ebuú gwɨ̂m bí, akpɛlɔɔ̌ Nzyɛ̌m.

Kolosi 1:21

Ɨ́ mimbú mí píhe, bɨ̌n bé á be ó e ncɛrá e Nzyɛ̌m. Táare e mbi écwólwo bɨ́n á be e lé lɨ́, kumǒ kumáa e bisyɛ́ɛla bí ébébe bɨ́n á sɨsâ bí, bɨ̌n bé á jaa bɨbe ó, njɨ ontɨ̂m le obɨn mé Nzyɛ̌m.

Rôm 8:4

Nye á sia e bintɨ́ʼá ɨ́ nyʉ̂l nyé ó, nye nkʉ̂ lóŋlo ótîtyěl o bísyɛ́ɛla bíbyɛ̂h Nzyɛ̌m á boo lɛ́ɛ ó, bʉr sâʼ bí. Mɨná bi gá mepwaʼ bísyɛ́ɛla byé byaá ó, ebe mɨ́ná dí edû gá kʉ̌ tyěn Sísǐm mé Nzyɛ̌m dí etɨ́e wɨ́. Mɨná bé akǎ dû gá njwɨr myâ gá wɨ́ná.

Rôm 5:10

Jɔʼ mɨ́ná bé á be gá ontɨ̂m le obɨn mé Nzyɛ̌m yɨ́, Mwân mé Nzyɛ̌m á si dwe lɨ́ esú gá lɨ́ná, lɨ́ esâ sáá páʼ gá nyɨ́ná e Nzyɛ̌m Sɔ́ŋ. Krîst pǎ nyɛɛ́ cwɨ́a le ontɨ̂m le obɨn bé, á dwɛʼra e mɨná gâ, bʉr o sáá nyaá! Nzyɛ̌m ókʉ́ tiʼ mɨ́ná gá e nzɨ̌ twiʼ mé Yésʉs-Krîst, Mwân wé.

Rôm 1:28

Bʉr baá, bé á bé abee ó, yé jala ɨ́ páʼ wɔ́ɔ́ ó, bé kámaa Nzyɛ̌m. Nó ó Nzyɛ̌m á nzoo ka bîr bé ó, bé díʼee e pɨʼ ontúl óntúl yɨ́. Nyě bír bé ó, bé sâʼ bisyɛ́ɛla bí ésɔ́m bi dí ajala e bé bí.

Yʉanes 7:7

Bʉr ó sí yɨ̂, bé abe e nkul enwim bɨ́n. Bé nwím ó mɛm, ebe mé dí egwîh ó, bisyɛ́ɛla bé dí esâ bí, byé ɨ́ bébe.

Rôm 3:31

Ɨ́ jɔʼ bɨ́h túnó búʼó gá yɨ́ná yɨ́, nzê bɨ̌h bé lɨ́ egbɛ́ɛ métié ɛ̌? Heʼé, yé abá be nó! Bɨ̌h lɨl métié maá ó, lɨlɨ́ɨ.

Rôm 1:30

Bé lɨ́ eswêʼ míé mé bʉ́ʉ́ bʉ̂r. Bé ó ontɨ̂m le obɨn mé Nzyɛ̌m. Bé lɨ́ edîʼ mpêl. Bé lɨ́ esâ énkɛ́ɛ e nyʉ̂l le jáálé. Bé jaá sɨsáa ó, njɨ mepɨʼ mé ékûhlo mʉ́ʉ́ mébébe meswîh. Bé ajóʼo ósɔ́ŋ le onyɔ̌ŋ bɔ́ɔ́.

Mataos 12:34

Bɨ̌n bwá ó méjwɨ̂l bâ! Bɨ̌n bé e nkul elɛ́ɛ bísá bímpâ nyá? Ebě, bɨ̌n bé ɨ́ bébe. Sá mʉ̂r dí e yé lwɨ́ŋlá ɨ́ léme yɨ́, yé ó num wé dí epyêl kʉ̌l.

2 Pyɛr 2:14

Míh mɔ́ɔ́, mé jaá sáa ó, njɨ bʉbá bé sâʼ medyɛ̂n e bé bá. Bé abá gbala lɨ́ esâ syóm. Bé sɨ́sáá ó, bʉr o dí ɨ́ tyɛʼ bá, bé bílɨɨ ɨ́ bilám byɔ́ɔ́. Bé jaá gbâ lémé ɨ́ dwííí ó, njɨ lɨ́ ejɨ̂ʼ édû bígwɨ́má ményʉ́l mɔ́ɔ́. Nzyɛ̌m, nyɨ́ syɛm bê.

Mataos 5:19

Mʉ̂r ógbah étié, le elɛ̂ʼle bʉ̂r ó, bé sâʼ nó wá, nye óbe ó mpʉ mʉ̂r dí aláŋɔɔ ɨ́ nkɔb sɔ́má bʉ̂r o Mpóʼo mé Dâ Nzyɛ̌m, damá jóʼo ó, etié laá, lé á be ɨ́ buú twâʼwo. Tó kœb ó, mʉr nyɨnyɛ̂h óbaʼle métié maá, le elɛ̂ʼle bʉ́ʉ́ bʉ̂r esâ nó nyá, ódi mʉ̂r nɨ́nɨ́ɨ́ ɨ́ Mpóʼo mé Dâ.

1 Korɛnt 9:21

Yé ó jwɨʼ gwár ɨ́ jɔʼ mé dí e bʉr o b'á be apǎ tyélɔɔ métié bá yɨ́. Mě tiʼé e bé ó mpʉ mʉ̂r á be apǎ tyélɔɔ metié nyá. Mě sá nó ó, me nkʉ̂ dulo baá o dí abe e metié bá. (Lɨ́ otyeetye, mé adwih nyʉ̂l nyǎm ɨ́ mpila métié mé Nzyɛ̌m, ebě, me lɨ́ ebaʼle métié Krîst á tyêl mɨná gá má.)

Kolosi 2:18

Mpʉ bɨ́n di ajɔr ményʉ̂l ɨ́ míh bééngeles, nkʉ̂ dwáawo bé yɨ́, mʉ̂r dwé bɨ́n mebě me mpéne, duho tɨ̂ʼ nó, anʉa gá lwǐb yé, gbâ ɨ́ nkɔb. Bisá bé dí ebee lɨ́ esimá bí ó bé dí enʉa, gbâ ɨ́ nkɔb. Mimbi mi bʉ̂r myaá, myé ó lwɨ́ŋlá e nkɛ́á nyʉ̂l. Bé nkɨ́nkɛ́ɛ́ ményʉ́l mɔ́ɔ́ ó, dwêh, ebě, bijwɨʼ byɔ́ɔ́, byé jaá duho ó, njɨ ɨ́ nkul misyóm myɔ́ɔ́ tʉ́ŋlʉ̌.