Rôm 8:5 - Kálar Nzyɛ̌m : Ejwán é Sáá

⁵ Baá dí edû njɨ njwɨr myâ gá wɨ́ná bá, sá dí epálwo bé ɨ́ miléme yɨ́, yê ɨ́ jɔʼ yɨ́yɛ̂h ó, njɨ sâ njwɨr wɔ́ɔ́ dí egwɨ̂m yɨ́. Baá dí edû métwɨ́ɨ́ mé Sísǐm mé Nzyɛ̌m bá, sá dí epálwo bé ɨ́ miléme yɨ́, yé ó sá Sísǐm waá dí ekpɛl yɨ́.

Kálara Zyɛ̌m Edwán é mpʉ̌n

⁵ Baa lé edu njɨ bɨgwɨma bɨ nyʉl bɨpuno e, sa ndɨ epebre be é mɨleme e, yé é jɔʼ yiyɛh ó njɨ bɨgwɨma bɨ nyʉl bɨpuno wɔɔ. Baa lé edu motɨɨ mo Mbɨambɨa Sisim ɨ, sa lé epebre be é mɨleme e, yé ó sa Sisim waa lé ekpɛl ɨ.

Rôm 8:5 ပူးပေါင်းရင်းမြစ်များ

1 Korɛnt 2:14

Mʉr dí tʉ̂toʼó, abe e Sísǐm mé Nzyɛ̌m nyá, nyé abe e nkul ebi ótyeetye dí eduho e Sísǐm waá wɨ́. Wê nye ó ogʉ̌. Nyé abe e nkul egʉ́a wê, ebě, mʉ̌r jaá gʉ́a wé ó, njɨ ɨ́ lɔ̌b nkûl Sísǐm mé Nzyɛ̌m dí e nye nyɨ́.

Yʉanes 3:6

Sá dí ebyɛ̂l mbyɛ́lá bípúno yɨ́, yé ó bipúno. Yaá dí ebyɛ̂l e nzɨ̌ Sísǐm mé Nzyɛ̌m yɨ́, yé ó sísǐm.

Rôm 8:9

Bɨ̌n bɨɛ, bé abe tʉ́ŋlʉ̌ bʉr o dí edû njwɨr myâ gá wɨ́ná bá. Bɨ̌n bɨɛ dú ó, Sísǐm mé Nzyɛ̌m, ebě, Sísǐm waá, wé ó, ɨ́ bɨ̌n. Mʉ̂r óbe, abe e Sísǐm mé Krîst waá ɨ́ nyʉ̂l nyé nó, go ó, mʉr waá, nyé abe mʉ̂r mé Krîst ó tɨ̂ʼ yɨ́.

Markus 8:33

Yésʉs nyɨɛ nzě dwira, dwɛ̂ʼ nko ómpʉ́n bé, bé á be yɨ́, nzě dwě Pétrus mebě. Nye e né ó: «Sátan, duhaa mé náǎ. Mipahlá myô, myé abe myaá mé Nzyɛ̌m. Myé ó myaá mi bʉ̂r ó sí yɨ̂.»

2 Korɛnt 10:3

Yê tyeetye ó, mɨná tiʼe gá ó, ɨ́ nyʉ̂l bipúno. Sâ gwár, dɔm mɨ́ná dí elwímla gá lɨ́, mɨná bé abe lɨ́ elwímla gá lé e nkul bipúno nyaá.

2 Pyɛr 2:10

Nye ódwe bíntɨ́ʼá, ntaa sʉ́ŋa ó, bʉr o dí elóŋlǒ njwɨr myâ gá wɨ́ná bá, bɨ́ɛ ntémé lɨ́ epyêh bʉ̂r o dí e jwɨ́ɨ bá. Bé jaá mɨmɛɛla ó, njɨ e bé bʉr o tɨ̂, le bijwɨʼ mílémé myɔ́ɔ́. Bibɨ́bla bí ólɛ̂ʼla mê lɛ́ɛ́ bɨ́n bî, byé ajóʼo bʉ́á lɨ́ epya mísísǐm mí édúrʉ́ʉ́ mi dí e jwɨ́ɨ mí.

Éfɛsɔs 5:9

Mě lɛ́ɛ́ nó ó, ebě, bʉr o dí ɨ́ myɛ́n bá bɨɛ, bé lɨ́ egúmo mímbi mi mpúmó mímyɛ̂h: membɨa, otîtyěl, le otyeetye.

1 Korɛnt 15:48

Bʉr o dí egúmo e sí yɨ̂ʼ bá, bé nwɨɨla ó e mʉr á meŋɔɔ e bibwǎh nyá. Tó kœb ó, bʉr o dí egúmo e jʉ́o bá, bé nwɨɨla ó e waá á duho ɨ́ jʉ́o kʉ́ nyá.

Galásia 5:17

Ebě, njwɨr myâ gá wɨ́ná, wé jaá gwɨgwɨ̂m ó, njɨ bisyɛ́ɛlǎ Sísǐm mé Nzyɛ̌m dí ebene bí. Sísǐm mé Nzyɛ̌m wɨ́ɛ, wé jaá kpɛl ó, njɨ byaá njwɨr myâ gá wɨ́ná dí ebene bí. Bigwɨ́má mé Nzyɛ̌m le byaá bí njwɨr myâ gá wɨ́ná, byé lɨ́ elwímla páʼ nyɔ́ɔ́. Tɨ̂ʼ ó bɨ́n dí abe e nkul esâ syɛ́ɛla dí epɨ̂palwo bɨ́n ɨ́ miléme yɨ́.