Rôm 8:36 - Kálar Nzyɛ̌m : Ejwán é Sáá

³⁶ Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Ɨ́ lɔ̌b mé Nzyɛ̌m ó bɨ́h bé lɨ́ ejʉ́ŋɔɔ ɨ́ dʉ́ó lɨ́lɛ̂h yɨ́. Ɨ́ míh mé bʉ̂r, bɨ̌h bé ó mpʉ bínteme múo tó tíʼɔɔ bí.»

Kálara Zyɛ̌m Edwán é mpʉ̌n

³⁶ (Yé ó mpʉ yé ndɨ tila é Kalara Zyɛm ɨ. Yé ó tila ó: «Ebe, é lɔb go, gwɔɔ Zyɛm, bɨh bé é dobo lɨlɛh ó, odwè. É mih mo bʉr, bɨh bé ó mpʉ bɨtab jala le eto tiʼɔ ɛ.»)

Rôm 8:36 ပူးပေါင်းရင်းမြစ်များ

1 Korɛnt 15:30

Ódwe bé apah nó, á bɨ̌h bʉr o dí ekam édidi ɨ́ ka sóo bá, bé nzoó kam nó lɨ́ ewala lɨ́lɛ̂h ɨ́ yé?

1 Korɛnt 4:9

Ebě, mbeá wâm, wé ó, Nzyɛ̌m á si tyêl bɨ̌h, bʉr o mílʉ́mlʉ́ bé, ɨ́ tyé bʉ̂r o jálá le ebuú pyaŋɔɔ, baá bé ókpɛl éjʉ̂ téme bʉr bá. Bɨ̌h mû ó, sí tyélɔɔ ɨ́ míh mé bʉ̂r mpʉ bʉ̂r o jálá le esiŋlɔɔ bá, táare e bʉr ó sí yɨ̂, kumo e beéngeles.

Mɨlʉmlʉ 8:32

Náǎ yé ó, pêh Mékaná mé Nzyɛ̌m nyé á lɨláa yɨ́, yé á lɛ́ɛ ó: “Nye á di ó mpʉ̌ nteme mû lɨ́ etó tíʼɔɔ twíí yɨ́. Nye á be ó mpʉ mâ nteme dídí ɨ́ puuu ɨ́ jɔʼ bé dí ecɨa nyé myě yɨ́ nyá. Nye á bé abɛ́ɛ̌ num.

Mɨlʉmlʉ 20:24

Mɛm bee yɨ́ɛ ó, twiʼ yâm, yé abe mé dimé sɔ̂ʼ. Nyɔm wâm, wê njɨ ó, me swímɨɨ ɨ́ duo bíjʉ́ʉ́, tó pyâl lɨ́ odumo, le eswâhlě syɛ́ɛ́ Tî Yésʉs á líʼe me e yǎ yɨ́: yé ó, etúnǒ Mbɨambɨa Lɔ́ɔ́ mé Nzyɛ̌m.

Yʉanes 16:2

Bé óso bɨ́n ɨ́ mempáh mínjɨʼla mɔ́ɔ́. Yé ópyâl ntémé jɔʼ bʉ̂r, bé ójʉ̂ bɨ́n, lɨ́ ejwɨʼ ó, bé séá ó Nzyɛ̌m syɛ́ɛ́ yɨ́.

1 Korɛnt 15:31

Bɨ́ɔɔ́ bâm! Okɛ́l bâm! Yê tyeetye ó, mě pǎm le eswie ó, dʉ́ó lɨ́lɛ̂h. Yê tyeetye ntémé ó, me lɨ́ enkʉ́na ɨ́ lɔ̌b wɨ́n ɨ́ mpǒm mé Tî gá wɨ́ná, Yésʉs-Krîst.

2 Korɛnt 1:9

Bɨ̌h bé á bee ó, go ó, bɨ̌h á ka dweŋɔɔ ó, mebě me jálá le eswie má. Yé á syɛ́ɛlɨ nó ó, bɨ̌h gwáʼaa ekǎ dyɛ̂ʼwo e bɨ̌h bʉr o tɨ̂ʼ lɨ́ esú ó, bɨ̌h dyɛ̂ʼwaa e Nzyɛ̌m, mʉr dí epɛh ódwe nyá.

2 Korɛnt 6:9

ɨ́ jɔʼ bé dí eláa bɨ́h ɨ́ sɔ́má bʉ̂r o dí agʉ́ŋɔɔ, bɨ̌h bɨɛ yɨ́ɛ bʉr o dí egʉ́ŋɔɔ bá yɨ́, ɨ́ jɔʼ bé dí eláa ó, bɨ̌h bé ó mimúu, bɨ̌h bɨɛ yɨ́ɛ bʉr o dí ɨ́ twiʼ bá yɨ́, ɨ́ jɔʼ bɨ́h dí edweŋɔɔ bíntɨ́ʼá, bɨ̌h bɨɛ yɨ́ɛ ajʉ́ŋɔɔ yɨ́,

2 Korɛnt 11:23

Nzê bé ó osyɛ̂l o mésâ mé Krîst ɛ̌? (Mě kʉ́ lwib ó, mpʉ̌ gʉʼlʉgʉ́!) Mɛm ó b'á sahle. Ɨ́ páʼ bísyɛ́ɛ́, mɛm ó b'á sahle. Ɨ́ páʼ égbáŋɔɔ ɨ́ mbʉʼ, mɛm ó b'á sahle. Ɨ́ páʼ mébíʼé, yé abe e tólɔ́ɔ. Ɨ́ páʼ méswie, me á si jʉ́ŋɔɔ nzɔʼ nzɔʼ.

Filipi 3:10

Sá mé dí egwɨ̂m yɨ́, yé ó, me gwâ gʉ́ǎ Krîst. Mě gwɨ́m ntémé ó, Nzyɛ̌m séaa ɨ́ me mpʉ nyé á séa e nkul lɨ́ epɛ̌h Yésʉs-Krîst yɨ́. Me síaa e mitúú mímpwár Krîst á bi mí. Eswie lâm nkʉ̂ nwɨɨla ntémé e laá lé.