Rôm 8:34 - Kálar Nzyɛ̌m : Ejwán é Sáá

³⁴ Nzé óláa mɨ́ná gá bibaa bí ébébe, le edwe mɨ́ná gá bintɨ́ʼá? Abe e mʉr! Yésʉs-Krîst á si dwe, búra e mɨná gâ. Yé abě njɨ nó. Nye á si pah, duho lɨ́ odwe, tó di ɨ́ mecwɨ́ɨ́, ɨ́ mbó éjʉ́m mé Nzyɛ̌m Sɔ́ŋ. Nye ó mʉr nkɔ̌m, waá dí ekamle e mɨná gá nyá.

Kálara Zyɛ̌m Edwán é mpʉ̌n

³⁴ Zé óláa mɨpɛha mɨ bʉr be bɨbaa bɨ ebebe, le ekab be bɨntɨʼa bɨ tɨ? Abe e mʉr! Yesʉs-Krɨst a si dwè, jala e bɨna ga. Yé abe njɨ no. Nye a si pàh, to é dia taʼa, é mbo ejʉm mo Zyɛm Sɔŋ. Nye mu nteme ó mʉr ndɨ esa mɨnjwɨʼla é l'efu ga lɨna ɛ.

Rôm 8:34 ပူးပေါင်းရင်းမြစ်များ

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

Rôm 8:27

Nzyɛ̌m Sɔ́ŋ, nye lɨ́ egʉ́a sá Sísǐm mé Nzyɛ̌m dí egwɨ̂m yɨ́. Nye ó mʉr dí ebeě sá dí ɨ́ milémé gá míná yɨ́ nyá. Sísǐm mé Nzyɛ̌m jɨʼlá e né ó, ɨ́ medilá mé óbûʼla ɨ́ mimbi mi dí ejala e né mí.

1 Pyɛr 3:22

Yésʉs waá á si bɨ́nɔɔ ɨ́ jʉ́o kʉ́. Nye mû ó lɨ́ mbó éjʉ́m mé Nzyɛ̌m Sɔ́ŋ, gúmó nyé dí ejwɨ́ɨ bééngeles, le misísǐm mi dí e jwɨ́ɨ le myaá mi dí e nkul mí yɨ́. Byé á si gbáŋɔɔ ɨ́ jwɨ́ɨ́ yé.

Ebrœ̂ 9:24

Ebě, Krîst á bé anî mbɛ̌r kán bʉ̂r, bé á sumo Nzyɛ̌m wɨ́, waá dí enwɨɨla e mpǎŋ mpáh Nzyɛ̌m wɨ́. Mbɛ̌r waá, wé ó njɨ mveʼle, lɨ́ enwɨɨla e mpáh mpâ. Nye á nî ó, ɨ́ jʉ́o kʉ́. Nye mû ó lɨ́ etyɛ̂b ɨ́ jʉ́o kʉ́ ɨ́ míh mé Nzyɛ̌m lɨ́ elwib ɨ́ nkɔ̌m gá nyɨ́ná.

Rôm 8:1

Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

Markus 16:19

[Jɔ̌ʼ Tî Yésʉs á sil elwib e bé nó yɨ́, Nzyɛ̌m nzě nʉa nyé, tô e né ɨ́ jʉ́o kʉ́, tó dil nyé ɨ́ mbó éjʉ́m wé.

Kolosi 3:1

Yé bé yê tyeetye ó, bɨ̌n e Krîst, bé á be ó sí duho lɨ́ eswie, báʼǎ bǐ twiʼ nó, sáŋáá gá bé ebi bísâ bi dí ɨ́ jʉ́o kʉ́ bí. Byé ó, ɨ́ gúmó Krîst dí ɨ́ mbó éjʉ́m mé Nzyɛ̌m yɨ́.

Mɨngwiha 1:18

Me ó waá dí kublakúbla nyá. Me á si dwe. Paá bee gâ: me mû ó, ɨ́ twǐʼ njʉ̌m dǐ! Me ó dí le osab o dí edib kwár odwe bá.

Rôm 14:9

Ebě, Krîst á si dwe, nzě pah, ó nye díʼee Njwɨ́ɨ ɨ́ páʼ bʉ̂r o dí ɨ́ twiʼ bá, ndu e baá o mû sí dwe bá.

Rôm 4:25

Yésʉs waá, bʉr, bé á si bɛ́ma nye. Nye nzě búra e misyóm gá míná. Píe tɨ̂, Nzyɛ̌m nzě pɛh nyé ó, nye dwêʼ mɨná gá nkam ɨ́ nzɨ̌ nyé.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Ebrœ̂ 1:3

Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.

Rôm 14:13

Ɨ́ mpʉ yé dí nó yɨ́, mɨná gwáʼaa gá edweela mébě páʼ gá nyɨ́ná. Gbáʼ gá nkul. Ayɨ́ sâ gá sá dí e nkul esâ ó, mɨ́ɔɔ́ wɨ́n bɨ́mɨɨ ebɔ̌ʼ yɨ́.

Yʉanes 16:23

«Jɔ̌ʼ móhó waá, wé ópyâl yɨ́, bɨ̌n bé ákǎ dî mé tíá ɨ́ gúú lɔ̌b e gúú. Mě lɛ́ɛ́ bɨ́n lɨ́ otyeetye ó, Sɔ́ŋ wǎm ódwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, le epɨr e díé lâm yɨ́.

Yʉanes 14:19

Yɨ́ lîʼ bá tîtííǎ: sí yɨ̂, yé ákǎ bee mê. Sâ gwár, bɨ̌n bɨɛ óbee mê. Ɨ́ mpʉ mé dí kublakúbla yɨ́, nó yé lɛ́ʼlé ntémé ó, bɨ̌n bé ótiʼe ó tɨ̂ʼ yɨ́.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Mɨlʉmlʉ 2:24

Nzyɛ̌m nzě pɛh nyê, pɛʼ nyé ɨ́ mekpaa mé éswie, ebě, eswie, lé á bé agwá mɛ̂r nyé kɔ́m kɔm.