Rôm 8:29 - Kálar Nzyɛ̌m : Ejwán é Sáá

²⁹ Ebě, baá Nzyɛ̌m á boo gʉ́a bá, nye á twâr bé ó, bé díʼee mpʉ Mwân wé. Bé ódǐ mpʉ Mwân mé Nzyɛ̌m nó, Mwân waá, nye ósûʼla ó, medwéʼé mé Mwân, le ontwóm ɨ́ buo buo.

Kálara Zyɛ̌m Edwán é mpʉ̌n

²⁹ Ebe, baa Zyɛm a bɛa gʉa ɛ, nye a bɛa tiile é leme ó, bé ódɨ kœʼ ebò e cyen mpʉ mo Mwan we. ǃBé si nʉa dweʼle tiʼ mo Mwan we nɛʼɛ, Mwan waa ófuʼla mwa modweʼe, e l'oncyom e l'okɛl é buobuo.

Rôm 8:29 ပူးပေါင်းရင်းမြစ်များ

Éfɛsɔs 1:11

Mɨná bɨ́ pûhla gá e Yésʉs-Krîst ɨ́ twárá Nzyɛ̌m á twâr mɨná gá yɨ́. Nye á boo twâr mɨná gâ ó, kʉ́ e sí dína apǎ bě kuhá. Yé á be ó mpʉ nyé á boo jwɨʼ yɨ́, nyɨɛ mʉr dí egbâ nkûl ɨ́ sá yɨ́yɛ̂h, le esâ ó, bijwɨʼ le mitíʼá mí lémé wé, byé lwɨ́ŋlɨɨ nyá.

2 Timotɛ 1:9

Nye á si tíʼ mɨná, ntɔ̂ʼ jébe mɨ́ná ó, mɨná díʼee bʉr o dí egúmo e né bá. Nye á bé ajébe mɨ́ná ɨ́ lɔ̌b bísyɛ́ɛla bimpâ bíná. Nye á jébe mɨná gá ó, ɨ́ lɔ̌b bíjwɨʼ byé nye mʉr tɨ̂, le mpam nyé á be e né, nyaá nyé á be ó, nye ólɛ̂ʼle mɨ́ná nyɨ́. Nye á boo cwɨ́a e mɨná ó, kʉ́ e sí apǎ bě kuhá. Jɔʼ yaá ó nyé á nyɛɛ cwɨ́a e mɨná ɨ́ nzɨ̌ mé Yésʉs-Krîst yɨ́.

1 Pyɛr 1:20

Nzyɛ̌m Sɔ́ŋ á si boo gʉ́a, kʉ́ e sí, byé l'apǎ bě kuhá ó, Krîst ólóŋlǒ syɛ́ɛ́ yaá. Nye nzě kǎ lɛ̂ʼle mɨ́ná gá nyǎ ɨ́ melú mé épíhe mâʼ lɨ́ esú lɨ́n.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

2 Timotɛ 2:19

Damá jóʼo nó, nkǎn Nzyɛ̌m á tyêl nyɨ́, nye dína ó, lɨ́ etyɛ̂b ɨ́ sɨŋ. Mekǎn nyé á cɛma, dumo e nkan nyaá má ó mâ: Nzyɛ̌m, nye lɨ́ egʉ́ǎ baá o dí egúmo e né bá. Mʉ́ʉ́ mé tɨ̂, mé ó: Mʉr dí ekɛn díé mé Tî gá wɨ́ná nyá, nye ɨ́ jala le esyɛ̂hle ébébe!

1 Korɛnt 2:7

Bɨ̌h lɛ́ʼlé ó, ocwóó mé Nzyɛ̌m dí solá wɨ́. Wé ó sá Nzyɛ̌m á sol bʉr yɨ́. Nye dína apǎ kuho kʉ́ e sí, nye á boo tíʼe ɨ́ lémé wé ó, nyě dwé mɨ́ná gá ó ocwóó waá, ti e kûm tɨ̂.

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.

1 Korɛnt 15:49

Mpʉ mɨ́ná bé á nyɛɛ nwɨɨla gá e mʉr á sáŋɔɔ e bibwǎh nyá yɨ́, jwɨʼ gwár yaá ntémé ó, mɨ́ná ngá nwɨɨla gá e mʉr á duho ɨ́ jʉ́o kʉ́ nyá yɨ́.

Rôm 9:23

Nzyɛ̌m á kpɛl ntémé ó, bʉr gʉ́ŋaa ó, nyě e kûm nɨ́nɨ́ɨ́. Nye ókab mɨ́ná gá kûm nyaá, mɨná gá, bʉr o nyé á kpɛl ecwɨ́a e bé bá, ebě, mɨná gá bé ó baá nyé á boo komlo ó, nye ókab bé kûm nyaá bá.

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

2 Korɛnt 3:18

Nó ó, kán mpʉ́ʉ waá, wɨ́ pʉʼa ɨ́ mpǒm gá nyɨ́ná. Sá tɨ̂ʼ ó mɨ́ná mû lɨ́ ekʉ́ bee gá kûm mé Tî Yésʉs ɨ́ sɔ́ɔ́ɔ́ yɨ́, mentyɛnwa me tɨ̂ʼ lɨ́ ekʉ́ pân ntémé, duho ɨ́ mɨná gâ. Mɨná mû ó lɨ́ edwirɔɔ gá lɨ́ esú ó, mɨná nkʉ̂ gʉ́a lɛ̂ʼle bʉ̂r kûm nyé. Dâ ó dí edwir mɨ́ná gá nó, nyɨɛ mʉr pǎ dí Sísǐm nyá.

Rôm 11:2

Nzyɛ̌m á bé amyǎh kúl bʉ̂r nyé á boo lɛ́ɛ ó, yé ó bʉr bé yɨ́. Nzê bɨ̌n bé agʉ́ǎ mpʉ bé á cɛma ɨ́ Mekaná mé Nzyɛ̌m, dumo le Elie yɨ́? Elie á be ó sí pur bʉ̂r o b'Ɨ́zraɛ̂l ɨ́ míh mé Nzyɛ̌m. Nye á lɛ́ɛ ó:

Yʉanes 17:16

Bé aduhǒ sí yɨ̂ʼ mpʉ mɛ̂m ntémé dí aduho tɨ̂ʼ yɨ́.

Filipi 3:21

Nye ódwir bísá ményʉ́l gá mɨ́ná mâ. Menyʉ́l gá mɨ́ná, mé ókǎ nwɨɨla e nyʉ̂l nyé, dí e kûm nyɨ́. Nyě e nkul egbâ bísá bíbyɛ̂h ɨ́ jwɨ́ɨ́ yé. Nó ntémé ó nyé dí e nkul edwe mɨ́ná gá menyʉ̂l maá yɨ́.

Éfɛsɔs 4:24

Bé á lɛ̂ʼle bɨ̌n ntémé ó, eswam nyʉ̂l dwân Nzyɛ̌m á komlo bɨ̌n nyɨ́. Bɨ̌n bé osûʼla bʉ̂r odwân ɨ́ twǐʼ Nzyɛ̌m mʉr tɨ̂ʼ á komlo lɨ́ esú lɨ́n yɨ́. Bɨ̌n bé otyɛ̂b le otîtyěl ompâ ɨ́ míh mé Nzyɛ̌m le edi bʉ̂r bé lɨ́ otyeetye.

Mataos 12:50

Waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá ó dí mɨ́ɔɔ́ wǎm, kɛ́lâm le nyɔ̌ŋ wǎm.»

Yʉanes 17:26

Me á si lɛ̂ʼle bé mpʉ gó dí yɨ́. Me ntémé óbáʼǎ lɛ̂ʼle bê. Nó ó kpɛ̌l gó dí ekpɛl mé yɨ́, yé óntaa kwá nyɔ́ɔ́ yɨ́, ebě, mɛm mʉr tɨ̂, me óbɨbe ó, ɨ́ bê.»

Rôm 13:14

Diʼee gá ɨ́ mpúhlá le Tî Yésʉs-Krîst. Bwáráá gá nye mpʉ̌ kán. Atoŋlo gá mpʉ bɨ́n dí e nkul elóŋlo bísyɛ́ɛla bí njwɨr myâ wɨ́ná yɨ́.

Mataos 7:23

Nó me óyala e bé ó: “Ajóʼo! Mé agʉ́a bɨ́n. Pʉʼaa gá me ɨ́ mîh, bɨ̌n baányâ-ebébe bâ!”»

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Yʉanes 17:19

Me lɨ́ etímle gó twiʼ yâm yɨ́yɛ̂h ó, bé nkʉ̂ be bʉ̂r bô, lɨ́ otyeetye tʉ́ŋlʉ̌.

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Mataos 28:10

Nó ó Yésʉs á lɛ́ɛ e bʉbá baá ó: «Akpɛ́ɛ gâ. Tó lɛ́ɛ gá bɨ́ɔɔ́ bâm ó, bé tôʼ bóno ɨ́ sí Galilê, ebě, gʉ̂ʼ ó bé ngá bee mé yɨ́.»

1 Korɛnt 8:3

Mʉr kpɛ́l Nzyɛ̌m nyá nyɨɛ ó dí waá Nzyɛ̌m dí egʉ́a nyá.

Kolosi 3:10

Bɨ̌n bɨ́ bwâr métum medwân. Bɨ̌n mû ó medwán mé bʉ̂r ó Nzyɛ̌m Kwihbʉr. Nye lɨ́ etô le eliŋ bɨ́n medwán, abe e léné mpʉ nyé mʉr tɨ̂. Nyě sá nó ó, bɨ̌n gwâ gʉ́a nyé mbɨ̂mbɨá.