Rôm 8:24 - Kálar Nzyɛ̌m : Ejwán é Sáá

²⁴ Nzyɛ̌m á tiʼ mɨná gá ó, mɨná díʼee gá e mpûʼla ɨ́ miléme. Mʉ̂r sí bee bísá nyé á nyɛɛ bóno e mpûʼla bí nó, go ó, mpûʼla nyaá, nyé akǎ be, ebě, ɨ́ jɔʼ mʉ̂r mû sí bee yʉ́ʉ́ sɔ̂ʼ yɨ́, wáǎ mbi lémé wé dí e nkul ebáʼǎ lóno ɨ́ mpûʼla ó, nye óbee yé yɨ́?

Kálara Zyɛ̌m Edwán é mpʉ̌n

²⁴ É jɔʼ Zyɛm a dwe bɨna ga tiʼ molu mo mpoʼ mɨmɛh ɛ, é jɔʼ yaa ó nye a loŋlo mɨleme ga mina e mbɛla waa ɛ. ǃƗ mʉr si bee bɨsa nye a taare bono nɛʼɛ, lɛɛ ó, mbɛla waa, wé aka be nye é leme. Wi laa, ebe, é jɔʼ mʉr mu si bee yʉʉ sɔʼɔ ɛ, nye abe e nkul ebâʼle be e mbɛla é leme ó, nye óbee ye.

Rôm 8:24 ပူးပေါင်းရင်းမြစ်များ

Ebrœ̂ 11:1

Búʼó, yé ó sá gó dí ebúʼla ó, yé ósyɛ́ɛ, yɨ́ɛ dína apǎ syɛ́ɛlɨ yɨ́. Búʼó, yé ó sá gó dí egʉ́a ɨ́ léme ó, yé ó tɨ̂, yɨ́ɛ apǎ nyɨ̂n yɨ́.

2 Korɛnt 5:7

Mɨná tyé gá ó, ɨ́ búʼó, abe lɨ́ ebee e mîh.

2 Korɛnt 4:18

Ebě, bɨ̌h bé agbâ míléme ɨ́ bisá bi dí enyɨ̂n bí. Bɨ̌h gbá myé ó, ɨ́ bisá bi dí anyɨ̂n bí, ebě, byaá bi dí enyɨ̂n bí, byé lɨ́ elaǎ mpʉ̌ ngúl mpáá. Tó kœb ó, byaá bi dí anyɨ̂n bí bíɛ ó dí edǐ njʉ̌m dǐ e njʉ̌m dǐ.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

1 Tesalonika 5:8

Sâ gwár, mɨná gá bé ó bʉr ó móhó. Mɨná bé ɨ́ jala le emâr gá miléme. Mɨná dyɛ̂ʼwaa gá e Nzyɛ̌m, le ekpɛl bʉ̂r. Búʼó ndu e kpɛ̌l, byé bâʼlaa mɨná gá mpʉ mímbór bínkóho mi dí ebaʼle nyʉ̂l nkɔ́ɔ́ mí. Mpûʼla, nye lónaa bɨ̌n ɨ́ miléme lɨ́ ebónǒ twǐʼ njʉ̌m dǐ. Mpûʼla nyaá, nye óbánǎ baʼle mɨ́ná gá mpʉ̌ búró bínkóho dí ebaʼlě lʉ́ nkɔ́ɔ́ yɨ́.

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

Rôm 12:12

Diʼee gá e bisʉhʉʉ ɨ́ mpûʼlǎ Nzyɛ̌m á gbâ bɨ̌n ɨ́ miléme nyɨ́. Júhwáá gá mitúú bɨ́n dí esia e myé mí. Tirwaa gá syɛ́ɛ́ mínjɨʼla.

Rôm 5:2

Yésʉs-Krîst ó b'á kar nzɨ̌ lɨ́ esú ó, mɨná kúmaa gá ɨ́ mpam mé Nzyɛ̌m, le etyɛ̂b mékʉ̌ sí ɨ́ sɨ́ŋ ɨ́ lɔ̌b mpûʼla mɨ́ná dí gá e né nyɨ́. Nyɨ́ lɛ̂ʼle mɨ́ná gá mpam mɨ́ná ngá titiʼe gá e tɨ̂ʼ nyɨ́. Mɨná mû ó lɨ́ enkʉ́na gá ɨ́ lɔ̌b mpûʼla dí mɨná gá ɨ́ miléme, nyaá dí elɛ́ɛ ó, mɨná bé óbee gá Nzyɛ̌m ɨ́ diá kûm yé nyɨ́.

Rôm 15:13

Nó ó, Nzyɛ̌m dí egbâ bʉ̂r mpûʼla ɨ́ miléme nyá, nye tyɛ́bɨɨ bɨ̌n ɨ́ miléme, ó bɨ̌n sóhaa ɨ́ jɔʼ yɨ́yɛ̂h. Nye lóŋlaa bɨ̌n mepyɛbla ɨ́ miléme, ɨ́ nkul búʼó yɨ́n. Nó ó mílémé mín ngá lóno ɨ́ mpûʼla e nkul Sísǐm wé yɨ́.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Rôm 15:4

Yé á cɛmɔɔ nó ó, lɨ́ esú lé écɨ̂l mɨ́ná gâ, jwɨʼ gwár e gwár e mpʉ̌ sá yɨ́yɛ̂h, yé á cɛmɔɔ ɨ́ Mekaná mé Nzyɛ̌m yɨ́. Mekaná mé, mé lɨ́ ecɨ̂l mɨ́ná gâ, ó milémé gá míná nkʉ̂ lóno ɨ́ mpûʼla. Myé lʉ́lónó ɨ́ mpûʼla ó, ɨ́ lɔ̌b nkûl mékaná mé dí egbâ mɨ́ná gá ɨ́ miléme nyɨ́, le bíhwó mɨ́ná dí esâ gá nyɨ́.

Galásia 5:5

Bɨ̌h bɨɛ, bé á si dyɛ̂ʼwo e Nzyɛ̌m. Nyɨ́ gbâ bɨ́h mpûʼla ɨ́ miléme ó, nye ódwe bɨ́h nkam. Bɨ̌h bé e mpûʼla nyaá ó e nzɨ̌ Sísǐm mé Nzyɛ̌m.

1 Yʉanes 3:3

Nyé ógbâ nyʉ́ʉ́ mʉ̂r mpûʼla nyaá ɨ́ léme nó, mʉr waá ópubo nyé mʉr tɨ̂, ó nye díʼee mʉr dí tí nyá. Sá tɨ̂ʼ ó nyé óbě mpʉ mé Yésʉs, mʉr dí tí nyá yɨ́.

2 Tesalonika 2:16

Nó ó, Tî gá wɨ́ná Yésʉs-Krîst mʉr tɨ̂, ti e Nzyɛ̌m Sɔ́ŋ gá wɨ́ná, waá á lɛ̂ʼle mɨ́ná gá kpɛ̌l nyá, waá dí egbâ mɨ́ná gá nkul ɨ́ miléme, nyaá dí asíesie nyɨ́, waá dí elɛ̂ʼle mɨ́ná gá mpam, le egbâ mɨ́ná gá mpûʼla ɨ́ miléme nyá, nye gbâʼ bɨ̌n nkul ɨ́ miléme. Nye gbâʼ bɨ̌n pîm ɨ́ búʼó. Nye tyɛ́bɨɨ bɨ̌n ɨ́ miléme, ó bɨ̌n sâʼ bisyɛ́ɛla bimpâ, le elɛ́ɛ mílɔ́ɔ́ mímpâ, mimbi mímyɛ̂h.

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

Kolosi 1:5

Búʼó le kpɛ̌l yɨ́n yaá duho ó, ɨ́ mpûʼla dí bɨ̌n ɨ́ miléme, ó bɨ̌n bé óbǐ sá dí bɨ̌n komá ɨ́ jʉ́o kʉ́ yɨ́. Mbɨambɨa Lɔ́ɔ dí le otyeetye wɨ́, wé ó b'á nyɛɛ lɛ̂ʼle bɨ̌n syɛ́ɛla yaá.

1 Korɛnt 13:13

Nó ó, ɨ́ báánâ, búʼó, mpûʼla ti e kpɛ̌l, byé ó tɨ̂: bisá bílɛ̂l. Ɨ́ bisá bílɛ̂l byaá, yaá dí elaa byaá byúú yɨ́, yé ó kpɛ̌l.

Rôm 4:18

Sá Abraham á be ajala le ebóno ó, yé ópyâl nyé yɨ́, nye á bóno sâ gwár yaá ó e mpûʼla ɨ́ léme. Nye ntɔ̂ʼ sûʼla sɔ́ŋ bikûl ɨ́ buo buo. Nkɛ̌ʼ Nzyɛ̌m á dwe nye nyɨ́, nye ntɔ̂ʼ dira ó: Onta bô, bé óbe ó, ɨ́ buo buo.

Rôm 8:20

Bisá bíbyɛ̂h byaá, byé mû ó ɨ́ tyé dí dwêh yɨ́. Ntʉ byé á gbáa edi nó. Nzyɛ̌m mʉr tɨ̂ʼ ó b'á lɛ́ɛ ó, myé díʼee ɨ́ tyé yaá, tó pyâl ɨ́ tíl mélû yaá.

Títos 3:7

Nye á si tíʼ mɨná, sâ ó, mɨná bíʼee gá nkam ɨ́ míh mé ɨ́ nzɨ̌ mpam nyé. Mɨná bé ódi gá ntémé ɨ́ baá nyé á dwe twǐʼ njʉ̌m dǐ, jala e nkɔb líʼe nyɔ́ɔ́ bá. Mpûʼla, nye mɨná gá ɨ́ miléme ó, mɨná bé óbi gá nkɔb nyaá.