Rôm 8:19 - Kálar Nzyɛ̌m : Ejwán é Sáá

¹⁹ Ebě, bisá bíbyɛ̂h Nzyɛ̌m á komlo bí, byé lɨ́ egwɨ̂m ébee bwán Nzyɛ̌m ngá lɛ̂ʼle byé ɨ́ ponó bá.

Kálara Zyɛ̌m Edwán é mpʉ̌n

¹⁹ Ebe, mɨcyea bɨsa bibyɛh, byé egwɨm bee dobo Zyɛm ólɛʼle bye bwan be é pono e.

Rôm 8:19 ပူးပေါင်းရင်းမြစ်များ

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

Rôm 8:23

Yé abě njɨ nó. Nzyɛ̌m mû ó sí ntɨh mɨ́ná gá Sísǐm wé. Mɨná bé á nyɛɛ bi gá ó, etʉ́m laá. Damá jóʼo nó, milémé gá míná dína ó lɨ́ etíme. Yé ó nó, tó kumo ó, dʉ́ó Nzyɛ̌m ósîl étyêl mɨ́ná gá ɨ́ tyé bwán bé yɨ́. Dʉ́o laá ó nyé ngá dwih ményʉ́l gá mɨ́ná ɨ́ mpila ébébe yɨ́.

Filipi 1:20

Mě e mpûʼla ɨ́ léme ó, me ákóʼó sɔ́ma bá ɨ́ yʉ́ʉ́ syɛ́ɛla yâm e yʉ́ʉ́. Me ntémé, mě e mpûʼla ó, me ótô le edû kʉ̌ tyen mpâ ɨ́ hwɨ́m, abáawǒ sɔ̂ʼ mpʉ mé á boo sɨsâ yɨ́, lɨ́ esú ó, bʉr tôʼ dóló le egúmlǒ Krîst. Mě damá tiʼe, nkʉ̂ ntémé dwe, bé ótô le egúmlǒ Krîst ɨ́ lɔ̌b wâm.

Mɨlʉmlʉ 3:21

Báánâ, nye ɨ́ jala le edi ɨ́ jʉ́o kʉ́, ɨ́ di di di, tó pyâl ɨ́ jɔ̌ʼ Nzyɛ̌m óbáʼǎ tyêl bísá bíbyɛ̂h ɨ́ bityé byɔ́ɔ́ mpʉ nyé á boo kɛʼ, duho myâ yɨ́. Nye á kɛʼ nó ó, cɨɨ e nzɨ̌ ogwíha o mílɔ̌b bé, baá dí egúmo e né bá.

Mataos 5:9

Metyɛʼ me mpóm, mé díʼee e bʉr o dí egbâ mépyɛbla páʼ bʉ̂r e bʉr bá, ebě, bé ójwɨr bé ó “bwán mé Nzyɛ̌m”.

Yʉanes 1:12

Damá jóʼo nó, bím bʉ̂r o b'á nʉa nye, dyɛ̂ʼwɔɔ ntémé e né bá, bé ó nyé á dwe nkul etyélɔɔ bwán mé Nzyɛ̌m.

Rôm 8:14

Baá bɨ́bɛ̂h dí edû nzɨ́ Sísǐm mé Nzyɛ̌m dí etɨ́e nyɨ́ bá, bé ó dí bwán mé Nzyɛ̌m.

Rôm 8:16

Sísǐm wé, wé mʉr tɨ̂, wé lɨ́ eboʼlo ɨ́ milémé gá míná tʉ́ŋlʉ̌ ó, mɨná gá kʉ́ bě tyeetye ó bwán mé Nzyɛ̌m.

Rôm 8:18

Mbeá wâm, wé ó wɨ̂: mitúú mɨ́ná dí esia gá e myé ɨ́ báánâʼ mí, myé ó sá dí dwêh yɨ́. Sá dí ɨ́ bwǎʼ lɔ̌b, laa mítúú myaá yɨ́, yé ó kûm Nzyɛ̌m ngá lɛ̂ʼle mɨ́ná gá nyɨ́.

Rôm 9:26

Damá jóʼǒ mpʉ mé á lɛ́ɛ bé ó: Ntʉ bɨ́n dí bʉr bâm! yɨ́, tɨ̂ʼ ɨ́ gúmo gwár e gwár yaá, mɛm Nzyɛ̌m, me ókǎ gbân bé le ejwɨr bé ó: Bwán mé Nzyɛ̌m dí kublakúbla nyá.

1 Korɛnt 1:7

Tó pyâl ó, sá yɨ́yɛ̂h Nzyɛ̌m dí edwe bʉ̂r bé yɨ́, nyɨ́ dwe bɨ́n ntémé yǎ. Jɔʼ yɨ́yɛ̂h bɨ́n dína lɨ́ ebónǒ nzéá Tî gá wɨ́ná, Yésʉs-Krîst ngá nze wɨ́ yɨ́, bɨ̌n mû ó le mindwéá mé Nzyɛ̌m myaá.

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.

2 Korɛnt 6:18

Dâ, dí Nzyɛ̌m nkul nyɨnyɛ̂h nyá, nye lɨ́ ebáʼǎ lɛ́ɛ ó: Me óbe ó sɔ́ŋ wɨ́n; bɨ̌n bé óbe mé ó, bwân, bwá ó bʉbá le bwá ó bʉrʉ̂m.

Galásia 3:26

Bɨ̌n bɨ́bɛ̂h mû ó bwán mé Nzyɛ̌m, ebě, bɨ̌n bé á si dyɛ̂ʼwo e Yésʉs-Krîst.

Kolosi 3:4

Krîst ó dí edwe mɨ́ná gá mpǎŋ twiʼ. Jɔʼ nyé óbáʼǎ nyɨ̂n bʉ̂r ɨ́ mîh ɨ́ kpɛŋlɛm yɨ́, bɨ̌n le onɔ́ɔ́, bé ónyɨ̂n sɔ́má e kûm nyɨnyɛ̂h.

Ebrœ̂ 12:27

Mpʉ nyé á lɛ́ɛ ó, nye ópɨ̂ʼ byé ɨ́ sʉʼ gwár yɨ́, nó yé lɛ́ʼlé ó, bisá nyé á komlo bí, byé ópɨ̂ʼla; byé odîm. Sá dí ɨ́ píʼi, ɨ́ sɨ́ŋ, apɨ̂ʼla yɨ́, yɨ́haá ó ngá lîʼ.

1 Pyɛr 1:7

Ndyɛ́ʼwá bɨ́n dí edyɛ̂ʼwo e Nzyɛ̌m wɨ́, wê bɨ̌n ó, ɨ́ buo ódimé, laǎ gʉ̂l. Gʉ̂l pǎ nyɛɛ́ gbáŋɔɔ ɨ́ duró lé ólûl, ó yé gwâ nyɨ̂n tyeetye ó, yé ó yaá mpâ, yɨ́ɛ yé ó sá dí ó, yé ódîm yɨ́, á dwɛʼra e búʼó gá yɨ́ná! Yé ógbáŋɔɔ ɨ́ duró, bʉr nkʉ̂ gʉ́a bee ó, yé ó búʼó mpâ. Nó bʉ̂r, bé ógúmlǒ Nzyɛ̌m, le edwe nyé kûm ɨ́ jɔ̌ʼ Yésʉs-Krîst óbáʼǎ nze yɨ́.

1 Pyɛr 1:13

Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

1 Yʉanes 3:1

Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

Mɨngwiha 21:7

Waá óntaa, búla le onkɔ́ɔ́ nyá, ónʉa médíbé maá, jala e nkɔb líʼe nyé. Me óbe ó Nzyɛ̌m wé. Nye óbe mé ó mwân.