Rôm 8:16 - Kálar Nzyɛ̌m : Ejwán é Sáá

¹⁶ Sísǐm wé, wé mʉr tɨ̂, wé lɨ́ eboʼlo ɨ́ milémé gá míná tʉ́ŋlʉ̌ ó, mɨná gá kʉ́ bě tyeetye ó bwán mé Nzyɛ̌m.

Kálara Zyɛ̌m Edwán é mpʉ̌n

¹⁶ Sisim we, wé mʉr tɨ, wé eboʼlo é mɨleme ga mina tʉŋlʉ ó, bɨna ga bé ó bwan mo Zyɛm cyecye.

Rôm 8:16 ပူးပေါင်းရင်းမြစ်များ

1 Yʉanes 4:13

Mɨná bé lɨ́ egʉ́a gá ó, mɨná tíʼe gá ó, ɨ́ mpúhlá e Nzyɛ̌m, nyɨɛ ntémé ɨ́ mpúhlá e mɨná gá ó, mbi wɨ̂: nye á si ntɨh mɨná gá Sísǐm wé.

2 Korɛnt 1:22

Nye ntémé, nyɨ́ gbâ sitâm yé ɨ́ mɨná gâ. Nye á nyɛɛ ntɨh mɨná gá Sísǐm wé, dil wé ɨ́ milémé gá míná ó, mpʉ̌ jwɨʼ dí elɛ̂ʼlě mbɨambɨa metʉ́m nyé dí ekomo mɨ́ná gá má yɨ́.

2 Korɛnt 5:5

Nó ó, mʉr á sâ ó, mɨná díʼee gá nó nyá, nye ó Nzyɛ̌m. Nye ó b'á ntɨh mɨná gá Sísǐm mpʉ̌ jwɨʼ.

Éfɛsɔs 1:13

Bɨ̌n ntémé, táare ɨ́ jɔʼ bɨ́n á túnɔɔ lɔ́ɔ dí tyeetye wɨ́ yɨ́, bɨ̌n nzě táare ébûʼla wê, kumǒ kumáa mûh, gʉ́a ntémé ó, wé ó Mbɨambɨa Lɔ́ɔ dí etiʼ bɨ́n wɨ́. Le bɨ́n á bûʼla Mbɨambɨa Lɔ́ɔ waá, lě Nzyɛ̌m ntɔ̂ʼ á ntɨh bɨ̌n Sísǐm wé nyé á boo kɛʼ wɨ́. Sísǐm wé waá ó dí dweʼle kwá nyɨ́n, sá dí elɛ̂ʼle ó, bɨ̌n bé ó bʉr bé, ánta nye yɨ́.

Rôm 8:26

Sísǐm mé Nzyɛ̌m, wɨ́ nzě kɛm mɨ́ná gá ɨ́ nkǒ páʼ étyɛʼ e nyʉ̂l gá lɨ́ná. Ɨ́ nkǒ páʼ mé Nzyɛ̌m, mɨná gá bé ɨ́ tyɛʼ, agʉ́ǎ mpʉ mɨ́ná jálá le ejɨʼla gá yɨ́. Sísǐm mé Nzyɛ̌m mʉr tɨ̂, nyě jɨjɨʼlá e Nzyɛ̌m ó, ɨ́ medilá gá mɨ́ná. Nye lɨ́ ejɨʼla e lémé wé wɨ́wɛ̂h, mpʉ̌ sá lɛ́ɛ́, nye lɨ́ ejóno. Abe le ekǎn egwár e dí e nkul epâʼlǎ sá nyé dí elɛ́ɛ yɨ́.

Éfɛsɔs 4:30

Mʉr agbâ gá Sísǐm mé Nzyɛ̌m ebúʼ ɨ́ léme. Sísǐm waá, wé ó mpʉ̌ jwɨʼ nyé á gbâ ɨ́ bɨ̌n yɨ́. Nzyɛ̌m á gbâ bɨ̌n jwɨʼ yaá ó, bɨ̌n nkʉ̂ gʉ́a tɨ̂ʼ ó, nye ótáǎ góo, le edwih bɨ́n ɨ́ mpila ébébe, pɛʼ bɨ́n ɨ́ fá.

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

Rôm 8:23

Yé abě njɨ nó. Nzyɛ̌m mû ó sí ntɨh mɨ́ná gá Sísǐm wé. Mɨná bé á nyɛɛ bi gá ó, etʉ́m laá. Damá jóʼo nó, milémé gá míná dína ó lɨ́ etíme. Yé ó nó, tó kumo ó, dʉ́ó Nzyɛ̌m ósîl étyêl mɨ́ná gá ɨ́ tyé bwán bé yɨ́. Dʉ́o laá ó nyé ngá dwih ményʉ́l gá mɨ́ná ɨ́ mpila ébébe yɨ́.

1 Yʉanes 5:10

Mʉr dí edyɛ̂ʼwo e Mwân mé Nzyɛ̌m nyá ó dí ejóʼǒ mboʼlá waá ɨ́ lémé wé tʉ́ŋlʉ̌. Mʉr dí abûʼlǎ Nzyɛ̌m nyá, nyɨ́ swêʼ Nzyɛ̌m Sɔ́ŋ ó, nye ó mʉr bibɛr, ebě, nyé akam ébûʼlǎ mboʼlá Nzyɛ̌m á boʼlo, dumo e Mwân wé wɨ́.

Mataos 5:9

Metyɛʼ me mpóm, mé díʼee e bʉr o dí egbâ mépyɛbla páʼ bʉ̂r e bʉr bá, ebě, bé ójwɨr bé ó “bwán mé Nzyɛ̌m”.

Lʉkas 20:36

Ebě, bé ákǎ báʼǎ dwe. Bé óbe ó mpʉ bééngeles. Bé ó bwán mé Nzyɛ̌m, ebě, bɨ́ boó pah.

Yʉanes 1:12

Damá jóʼo nó, bím bʉ̂r o b'á nʉa nye, dyɛ̂ʼwɔɔ ntémé e né bá, bé ó nyé á dwe nkul etyélɔɔ bwán mé Nzyɛ̌m.

Mɨlʉmlʉ 5:32

Le bɨ̌h nyɨɛ, le Sísǐm mé Nzyɛ̌m ntémé ó dí oboʼlo o tɨ̂. Sísǐm waá ó Nzyɛ̌m dí edwe bʉ̂r o dí esâ Yésʉs mejóʼo bá.»

Rôm 8:14

Baá bɨ́bɛ̂h dí edû nzɨ́ Sísǐm mé Nzyɛ̌m dí etɨ́e nyɨ́ bá, bé ó dí bwán mé Nzyɛ̌m.

Rôm 8:19

Ebě, bisá bíbyɛ̂h Nzyɛ̌m á komlo bí, byé lɨ́ egwɨ̂m ébee bwán Nzyɛ̌m ngá lɛ̂ʼle byé ɨ́ ponó bá.

Rôm 9:8

Tó kœb ó, ɨ́ bím bwân Abraham á byâ bá, bɨ́bɛ̂h, bé abe bwán mé Nzyɛ̌m. Nzyɛ̌m á lɛ́ɛ ó, bwán ómpâ bé, bé ó baá bé á byɛ̂l mpʉ̌ Nzyɛ̌m á kɛʼ Abraham yɨ́.

Rôm 9:26

Damá jóʼǒ mpʉ mé á lɛ́ɛ bé ó: Ntʉ bɨ́n dí bʉr bâm! yɨ́, tɨ̂ʼ ɨ́ gúmo gwár e gwár yaá, mɛm Nzyɛ̌m, me ókǎ gbân bé le ejwɨr bé ó: Bwán mé Nzyɛ̌m dí kublakúbla nyá.

2 Korɛnt 6:18

Dâ, dí Nzyɛ̌m nkul nyɨnyɛ̂h nyá, nye lɨ́ ebáʼǎ lɛ́ɛ ó: Me óbe ó sɔ́ŋ wɨ́n; bɨ̌n bé óbe mé ó, bwân, bwá ó bʉbá le bwá ó bʉrʉ̂m.

Galásia 3:26

Bɨ̌n bɨ́bɛ̂h mû ó bwán mé Nzyɛ̌m, ebě, bɨ̌n bé á si dyɛ̂ʼwo e Yésʉs-Krîst.

Galásia 4:6

Nzyɛ̌m á ntɨh mɨná gá Sísǐm Mwân wé ó, ebe bɨ́n dí nye bwân. Nye mû ó sí nî ɨ́ milémé gá míná. Nye ó dí etitíne mɨ́ná gá ó, mɨná jɨ̂ʼlaa gá e Nzyɛ̌m, le elɛ́ɛ ó: «Abba, Dâ!»

1 Yʉanes 3:1

Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

1 Yʉanes 3:10

Ebě, bé gʉ́gʉ́á mbɔ́ʼ páʼ bwán mé Nzyɛ̌m, bé e baá mé sɔ́ŋ meleme ó, mbi wɨ̂: mʉr nyɨnyɛ̂h dí asâ syɛ́ɛla dí tîtyěl yɨ́ nyá, nkʉ̂ waá dí akpɛl mɨ́ɔɔ́ wé nyá, nyé abe mwân mé Nzyɛ̌m.

Mɨngwiha 21:7

Waá óntaa, búla le onkɔ́ɔ́ nyá, ónʉa médíbé maá, jala e nkɔb líʼe nyé. Me óbe ó Nzyɛ̌m wé. Nye óbe mé ó mwân.