Rôm 8:11 - Kálar Nzyɛ̌m : Ejwán é Sáá

¹¹ Nó ntémé, Sísǐm mé Nzyɛ̌m, mʉr á pɛh Yésʉs, dwih nyé lɨ́ odwe nyá, dí ɨ́ bɨ̌n nó, go ó, Nzyɛ̌m ópɛh ményʉ́l mɨ́n, maá me dí elaǎ mpʉ̌ ngúl mpáá má. Nye ódwe mé twiʼ ó e nzɨ̌ Sísǐm wé dí ɨ́ menyʉ́l mɨ́n maá wɨ́.

Kálara Zyɛ̌m Edwán é mpʉ̌n

¹¹ No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Rôm 8:11 ပူးပေါင်းရင်းမြစ်များ

2 Korɛnt 4:14

Ebě, bɨ̌h bé lɨ́ ekʉ́ gʉ́a ó, waá á pɛh Tî Yésʉs, dwih nyé lɨ́ odwe nyá, nye ntémé ópɛh mɨ́ná gá le onɔ́ɔ́. Nyé otyêl mɨ́ná gá ɨ́ míh mé, ɨ́ gúmó Yésʉs dí yɨ́.

2 Korɛnt 4:11

Bɨ̌h damá be míkublakúbla, bɨ̌h bê ɨ́ jɔʼ yɨ́yɛ̂h ó, ɨ́ ka sóo, ɨ́ lɔ̌b búʼó dí edumo e Yésʉs yɨ́, lɨ́ esú ó, twiʼ yé, yé nyɨ́nɨɨ ɨ́ menyʉ́l mɨ́h, maá me dí elaǎ mpʉ̌ ngúl mpáá má.

Rôm 8:9

Bɨ̌n bɨɛ, bé abe tʉ́ŋlʉ̌ bʉr o dí edû njwɨr myâ gá wɨ́ná bá. Bɨ̌n bɨɛ dú ó, Sísǐm mé Nzyɛ̌m, ebě, Sísǐm waá, wé ó, ɨ́ bɨ̌n. Mʉ̂r óbe, abe e Sísǐm mé Krîst waá ɨ́ nyʉ̂l nyé nó, go ó, mʉr waá, nyé abe mʉ̂r mé Krîst ó tɨ̂ʼ yɨ́.

1 Korɛnt 6:14

Nzyɛ̌m, mʉr á pɛh Tî Yésʉs, dwih nyé lɨ́ odwe nyá, ópɛh ntémé mɨná gâ, dwih lɨ́ odwe, e nkul nyé.

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

Filipi 3:21

Nye ódwir bísá ményʉ́l gá mɨ́ná mâ. Menyʉ́l gá mɨ́ná, mé ókǎ nwɨɨla e nyʉ̂l nyé, dí e kûm nyɨ́. Nyě e nkul egbâ bísá bíbyɛ̂h ɨ́ jwɨ́ɨ́ yé. Nó ntémé ó nyé dí e nkul edwe mɨ́ná gá menyʉ̂l maá yɨ́.

Yʉanes 5:21

Ebě, jwɨʼ gwár mpʉ Sɔ́ŋ dí epɛh ódwe, báʼǎ dwe bé twiʼ yɨ́, nó ntémé ó Mwân ódwe baá nyé kpɛ̂l bá twiʼ.

Mɨlʉmlʉ 2:24

Nzyɛ̌m nzě pɛh nyê, pɛʼ nyé ɨ́ mekpaa mé éswie, ebě, eswie, lé á bé agwá mɛ̂r nyé kɔ́m kɔm.

Éfɛsɔs 2:5

Mɨná bé á si gbah gá metié mé Nzyɛ̌m, ntɔ̂ʼ dwe lɨ́ ejala e syóm waá. Damá jóʼo nó, nye á si bana tiʼ mɨná gá ɨ́ lɔ̌b mpúhlá gá nyɨ́ná e Krîst. (Bɨ̌n bé á bi twiʼ ó e nzɨ̌ ncwɨ́ncwɨ́ǎ Nzyɛ̌m á lɛ̂ʼle bɨ̌n nyɨ́.)

Mɨngwiha 11:11

Nó ɨ́ jɔʼ mélú mélɛ̂l e pêh maá, mé á be, mé mû sí laa yɨ́, Nzyɛ̌m á si gúmlo ngúl twiʼ wé ɨ́ sɔ́má bʉ̂r obá baá. Ngúl wé nzě nî bé ɨ́ menyʉ̂l, bé ntɔ̂ʼ pah, tyɛ̂b mítîtyěl. Bʉr bɨ́bɛ̂h o b'á bee bé bá, bé ntɔ̂ʼ buú jóʼo bʉ́á.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Yʉanes 14:17

Nye ó dí Sísǐm Ótyeetye. Bʉr ó sí yɨ̂, bé abe e nkul enʉa nyê, ebě, bé abe e nkul ebee nyê, nkʉ̂ gʉ́a nyê. Sâ gwár, bɨ̌n bɨɛ bé lɨ́ egʉ́a nyê, ebě, bɨ̌n le onɔ́ɔ́ ó mû. Nye ntémé, nye ó dí ɨ́ sɔ́má yɨ́n.

Mɨngwiha 1:18

Me ó waá dí kublakúbla nyá. Me á si dwe. Paá bee gâ: me mû ó, ɨ́ twǐʼ njʉ̌m dǐ! Me ó dí le osab o dí edib kwár odwe bá.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

1 Korɛnt 15:16

Yé bé odwe, bé ákóʼó pɛhɔɔ nó, lɛ́ɛ́, Krîst á bé apah ntémé.

Rôm 6:12

Mpʉ yé dí nó yɨ́, ayɨ́ kǎ kam gá ó, syóm, wé báʼa jwɨ́ɨ bɨ́n. Wé ayɨ́ kǎ nʉǎ jwɨ́ɨ ɨ́ nkǒ páʼ ményʉ́l mɨ́n, maá me dí edwe má. Ayɨ́ kǎ bîr gá ó, syóm, wé ntáŋaa bɨ̌n ɨ́ nkul, ó bɨ̌n sâʼ wé mejóʼo, nkʉ̂ dû bíbɨ́bla bígwɨ́má byé.

Ebrœ̂ 13:20

Me lɨ́ ejɨʼla e Nzyɛ̌m, mʉr dí egbâ mɨ́ná gá mepyɛbla ɨ́ miléme, waá á pɛh «Mbɔʼlʉ bintemě nɨ́nɨ́ɨ́», Tî gá wɨ́ná Yésʉs nyá. Ɨ́ tɨ̂ʼ, Nzyɛ̌m á sâ ó, saá ngá dǐ njʉ̌m dǐ e njʉ̌m dǐ nyɨ́, ɨ́ nzɨ̌ metié mé.

2 Korɛnt 5:4

Ebě, mɨná gá bɨɛ, bʉr o dína lɨ́ eswab ɨ́ bisaʼ bîʼ tʉ́ŋlʉ̌ bá, mɨná bé lɨ́ ekʉ́ jóno gâ. Yé aduho yɨ́ɛ e gwɨ́má épɛʼ nyʉ̂l bipúno nyɨ̂. Yê njɨ ó, mɨná bé lɨ́ ekpɛl éswam gá nyʉ̂l dwân. Nó ó, sá dí e nkul edwe yɨ́, twiʼ, yé ókʉ́ mine yé ɨ́ wʉlʉm.

Rôm 8:1

Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

Rôm 8:12

Bɨ́ɔɔ́ bâm! Okɛ́l bâm! Yé bé nó wá, go ó, mɨná gá bé e mpʉ́lá nɨ́nɨ́ɨ́. Sâ gwár, nyé abe mpʉ́lá ɨ́ nkǒ páʼ njwɨr myâ gá wɨ́ná. Nó ó, yé ajɨ ó, mɨná dúʼoo gá njwɨr myâ waá.

Rôm 16:3

Sohaa gá me Prǐska, bé e njʉ̂m wé Akílas, bʉr o bɨ́h le onɔ́ɔ́ dí eséǎ syɛ́ɛ́ mé Yésʉs-Krîst bá!

Rôm 16:7

Me lɨ́ esoho ntémé mimbyɛ́l myâm, Androníkus, bé e Yʉniâs. Bɨ̌h le onɔ́ɔ́ ó b'á be ɨ́ mbʉʼ. Bé ó b'á nyɛɛ dyɛ̂ʼwo e Krîst e me. Ɨ́ sɔ́má bʉ̂r o mílʉ́mlʉ́ bé, bé ó bʉr o jálá le ebuú sêʼlɔɔ bá.

Rôm 16:9

Me lɨ́ esohǒ Úrbanos, dí mʉr bɨ́h e né dí eséǎ syɛ́ɛ́ gwár ɨ́ mpúhlá nyɨ́h e Yésʉs-Krîst nyá. Me lɨ́ esoho ntémé só kpɛ̌l wǎm Stákus.

Rôm 16:10

Me lɨ́ esohǒ Ápelɛs. Nye á si sia e mitúú ɨ́ mpúhlá nyɔ́ɔ́ e Krîst. Nó ntémé ó mɨ́ná dí ekʉ́ gʉ́a gá tyeetye ó, nyě e búʼó yɨ́. Me lɨ́ esoho ntémé bʉr ó mbɛ̌r bʉ̂r mé Arîstobul.

Galásia 6:8

Mʉr dí edû njwɨr myâ gá wɨ́ná nyá, óbi éswie duho ɨ́ bisyɛ́ɛla bi tɨ̂. Tó kœb ó, waá dí edû sá Sísǐm mé Nzyɛ̌m dí ekpɛl yɨ́ nyá, óbǐ twǐʼ njʉ̌m dǐ. Sísǐm mé Nzyɛ̌m ó dí entɨh nyé twiʼ yaá.