Rôm 8:10 - Kálar Nzyɛ̌m : Ejwán é Sáá

¹⁰ Krîst damá bě tyeetye ɨ́ bicwiʼ bín, menyʉ́l mɨ́n, mé dína ó mimúu ɨ́ lɔ̌b mé syóm. Sâ gwár, misísǐm mín, mí tiʼe, ebě, Nzyɛ̌m, nyɨ́ dwe bɨ́n nkam ɨ́ míh mé.

Kálara Zyɛ̌m Edwán é mpʉ̌n

¹⁰ Dam be ó, Krɨst, nye ó lé enyin cyecye é bɨtiʼ bin, monyʉl mɨn, mé dina ó mɨmuu é lɔb mɨsyem bɨn bé a sa ɛ. Sa gwar, mɨsisim min, mi tiʼe, ebe, Zyɛm, nyi láa ó, bɨn bé ó ocɨcyel o bʉr é mih me.

Rôm 8:10 ပူးပေါင်းရင်းမြစ်များ

Éfɛsɔs 3:17

Mě jɨʼlá ntémé e né ó, Krîst nʉ́aa odiá wé tʉ́ŋlʉ̌ milémé mín ɨ́ nzɨ̌ búʼó yɨ́n. Mě jɨʼlá e né ntémé ó, bɨ̌n kpɛ́laa páʼ nyɨ́n, bɨ̌n nkʉ̂ tyɛ̂b ɨ́ búʼó gá yɨ́ná ɨ́ lyahwó. Bɨ̌n tyɛ́bɨɨ tɨ̂ʼ mekʉ̌ sí ɨ́ sɨ́ŋ.

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

Yʉanes 17:23

Mɛm ɨ́ bé; gua ɨ́ mɛm. Nó ó bé ngá dǐ njɨ sâ gwár yɨ́. Nó ó bʉ̂r ó sí bɨ́bɛ̂h ngá gʉ́a mbɨ̂mbɨá ó, go ó b'á lómo me yɨ́. Bé ógʉ́a ntémé ó, go lɨ́ ekpɛl bé mpʉ gó dí ekpɛl mé mʉr tɨ̂ʼ yɨ́.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Rôm 8:11

Nó ntémé, Sísǐm mé Nzyɛ̌m, mʉr á pɛh Yésʉs, dwih nyé lɨ́ odwe nyá, dí ɨ́ bɨ̌n nó, go ó, Nzyɛ̌m ópɛh ményʉ́l mɨ́n, maá me dí elaǎ mpʉ̌ ngúl mpáá má. Nye ódwe mé twiʼ ó e nzɨ̌ Sísǐm wé dí ɨ́ menyʉ́l mɨ́n maá wɨ́.

Filipi 1:23

Me ó lʉ̂ ɨ́ nzamá páʼ ménzɨ̌ mebá maá. Ɨ́ wɨ̂ʼ pâʼ, me lɨ́ egwɨ̂m émɔa ɨ́ bʉ̂b, tó gbala kwá mé Krîst. Sâ yaá ó dí ɨ́ buú mbɨa.

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

1 Korɛnt 15:45

Ebě, yê cɛmá: Mʉr esôʼ, Ádam, á be lɨ́ etiʼe. Ádam á suʼla ka nze nyá nyɨɛ, nye ó Sísǐm dí etiʼ bʉ̂r wɨ́.

Mɨngwiha 14:13

Me nzě jóʼo twíí lɨ́ eduho ɨ́ jʉ́o kʉ́. Nye e me ó: «Cɛmáa: “Táare ɨ́ jɔʼ yɨ̂, mʉ̂r á pa dyɛ̂ʼwo e Yésʉs nyá, sí dwe nó, lɛ́ɛ́, nye óswɨɨ métyɛʼ me mpóm.”» Sísǐm mé Nzyɛ̌m lɛ́ɛ́ ó: «Yé ó nó. Bé páa kǎ gbalǎ syɛ́ɛ́. Sá bé á sɨséa ɨ́ jɔʼ bé á títíʼe yɨ́, nyɔm tɨ̂ʼ, wé ónyɨ̂n ɨ́ gúmó bé dí edi yɨ́.»

Yʉanes 15:5

«Me ó dí etín é raisin. Bɨ̌n bɨɛ bé ó milɔ́ɔ́ mí tɨ̂. Mʉr dí ɨ́ mpúhlá e me nyá ó dí egúmo mpúmó menkû menkû, ebě, mé bé abe tɨ̂ʼ nó, bɨ̌n bé abe e nkul esâ yʉ́ʉ́ mpǎŋ sɔ̂ʼ.

Yʉanes 14:23

Yésʉs nzě yala e né ó: «Mʉr dí ekpɛl mé nyá, óbaʼle mílɛ́ʼlá mé á dwe bɨ̌n mí. Sɔ́ŋ wǎm ókpɛl nyê. Nó ó, bɨ̌h e Sɔ́ŋ wǎm, bé ónze kwá nyé le ekomlo ódiá wɨ́h tɨ̂.

Ebrœ̂ 12:23

Bɨ̌n mû ó bǎʼ e gwɨ́hlá médwéʼé mé bwán mé Nzyɛ̌m. Míé mɔ́ɔ́, mé ó micɛmá ɨ́ jʉ́o kʉ́. Bɨ̌n bé á si sîhle bǎʼ e Nzyɛ̌m Tîʼ milɔ̌b, mʉr ngá pahle bʉ̂r bɨ́bɛ̂h nyá. Bɨ̌n bé á si pyâl gúmó ótîtyěl o bʉ̂r dí yɨ́. Bé mû ó lɨ́ etíʼe mbɨ̂mbɨá, ntinɨ̂ e ntinɨ̂.

Ebrœ̂ 9:27

Sâ Nzyɛ̌m á komo lɨ́ esú é mʉ̂r nyɨnyɛ̂h yɨ́, yé ó, nye dwêʼ jɔʼ gwár. Píe tɨ̂, mʉr waá ótô kwá mé Nzyɛ̌m, ó nye tôʼ pahlɔɔ.

1 Tesalonika 4:16

Ebě, Tî Yésʉs mʉr tɨ̂ʼ ósulo. Njwɨ́ɨ beéngeles, nye ólwib e twíí jwɨ́ɨ. Sébé mé Nzyɛ̌m ólwib. Odwe bé á boo pûhla e Yésʉs-Krîst bá, bé ónyɛɛ́ pah.

2 Korɛnt 13:5

Bɨ̌n bʉr o tɨ̂, sáʼ gá pyal ményʉ́l mɨ́n. Bɨ̌n a dwɛ́ʼ nkʉ̂ bɨ̌n dína lɨ́ edyɛ̂ʼwo e Nzyɛ̌m. Bɨ̌n bʉr o tɨ̂, sáŋáá égʉ́a gá nkʉ̂ bɨ̌n bé lɨ́ entaa mébʉ́blá. Bɨ̌n bé apǎ gwá gʉ́a ɨ́ páʼ wɨ́n ó, Yésʉs-Krîst ó dí ɨ́ bɨ̌n ɛ̌? Yé bé abe nó wá, lɛ́ɛ́, bɨ̌n bé ó obûʼla o míkóo ó tɨ̂ʼ yɨ́.

2 Korɛnt 4:11

Bɨ̌h damá be míkublakúbla, bɨ̌h bê ɨ́ jɔʼ yɨ́yɛ̂h ó, ɨ́ ka sóo, ɨ́ lɔ̌b búʼó dí edumo e Yésʉs yɨ́, lɨ́ esú ó, twiʼ yé, yé nyɨ́nɨɨ ɨ́ menyʉ́l mɨ́h, maá me dí elaǎ mpʉ̌ ngúl mpáá má.

Rôm 5:21

Jwɨʼ gwár mpʉ̌ syóm, wé á njwɨ́ɨbʉr, ntɔ̂ʼ jʉ̂ bé yɨ́, jwɨʼ gwár yaá ntémé ó mpam mé Nzyɛ̌m dí ejwɨ́ɨ mɨ́ná gá yɨ́. Nye lɨ́ edwe mɨ́ná gá nkam ɨ́ míh mé Nzyɛ̌m, le ekɛl mɨ́ná gá twǐʼ njʉ̌m dǐ ɨ́ lɔ̌b Yésʉs-Krîst, Tî gá wɨ́ná.

Rôm 5:12

Nó ó, syóm, wé á nze ɨ́ sí yɨ̂ʼ ó, tɨ̂ ɨ́ mʉr ngwár. Syóm waá nzě dulo éswie ɨ́ bʉr. Eswie laá ntɔ̂ʼ mɛ̂r bʉ̂r bɨ́bɛ̂h, ebě, bʉr bɨ́bɛ̂h, bé á si sâ misyóm.

Yʉanes 6:56

Mʉr dí ede bípúnó byâm ndu e metié mâm nyá, nyě tiʼé ó, ɨ́ mpúhlá e me; mɛm ntémé ɨ́ mpúhlá e né.

Yʉanes 4:14

Sâ gwár, mʉr nyɨnyɛ̂h óde médíbé mé ódwe nyé má, nye ákǎ jóʼǒ dwéh médíbé, ebě, medíbé mé ódwe nyé má, mé óliŋa énó ɨ́ nyʉ̂l nyé, gúmó twǐʼ njʉ̌m dǐ óduduho yɨ́.»

Yʉanes 6:54

Mʉr nyɨnyɛ̂h dí ede bípúnó byâm ndu e metié mâm nyá, óbǐ twǐʼ njʉ̌m dǐ. Me ópɛh nyé lɨ́ eswie, pɛh nyé ɨ́ móhó ésúʼlá é sí yɨ̂.