Rôm 7:9 - Kálar Nzyɛ̌m : Ejwán é Sáá

⁹ Ɨ́ mimbú mí píhe, jɔʼ mé á be apǎ gʉ́a métié maá yɨ́, me á be lɨ́ etiʼe. Tó kœb ó, le mé á gʉ́a metié maá, le métié maá ntɔ̂ʼ á jɨm syóm ɨ́ jô,

Kálara Zyɛ̌m Edwán é mpʉ̌n

⁹ Molu pihe, é jɔʼ me a baapa gʉa motie maa ɛ, me nteme a be ó lé etiʼe. To kœb ó, jɨh tɨʼ me a kʉ gʉa motie maa, mé ntɔʼ jɨm Syem é dwo, me ntɔʼ dwè.

Rôm 7:9 ပူးပေါင်းရင်းမြစ်များ

Galásia 3:10

Ebě, mʉ̂r sí bûʼla ó, Nzyɛ̌m ódwe nyé nkam ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, nyě e meswomlʉ, ebě, yê cɛmá ó: Mʉr nyɨnyɛ̂h dí abaʼle métié Mékaná mé Nzyɛ̌m mɨ́mɛ̂h nyá, nyě e meswomlʉ.

Rôm 8:7

Baá mílémé myɔ́ɔ́ dí edû njɨ njwɨr myâ bá, bé lɨ́ elwímla e Nzyɛ̌m, asâ métié mé mejóʼo. Milémé myɔ́ɔ́ abá be e nkul esâ métié maá mejóʼo.

Galásia 2:19

Ɨ́ páʼ métié maá, me ó múu tɨ̂. Metié maá, mé ó b'á jʉ̂ me, ó twiʼ yâm, yé jaá di, njɨ lɨ́ esú lé éséǎ Nzyɛ̌m syɛ́ɛ́. Ɨ́ jɔʼ bé á jʉ̂ Yésʉs-Krîst lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ yɨ́, me ntémé á si bomlɔɔ tɨ̂, bɨ̌h e nɔ́ɔ́.

Rôm 10:5

Moyɨ̂z á si cɛma, dumo e nzɨ̌ ebi nkâm ɨ́ mbaʼlá métié ó: «Waá nyɨnyɛ̂h dí ebaʼle métié nyá, óbǐ twiʼ ó, ɨ́ metié maá.»

Rôm 7:11

Jɔʼ mé á jɨ̂ʼ metié maá yɨ́, syóm, wé á si bee nzɨ̌ ɨ́ me. Wê nzě kʉ́a mé ó, me sâʼ misyóm. Nó ó syóm, wé á ka jʉ̂ me e nzɨ̌ metié yɨ́.

Rôm 7:6

Ɨ́ mimbú mí píhe, mɨná bé á be gá ó, ɨ́ mpila métié. Nó ó, ɨ́ báánâ, mɨná mû ó, sí dwe gá ɨ́ nkǒ páʼ métié maá. Mɨná bɨ́ duho gá ɨ́ mpila métié mé á nyɛɛ mɨmɛ̂r mɨná gá lɨ́ okómó wɔ́ɔ́ má. Yé á syɛ́ɛ nó ó, mɨná nkʉ̂ séa gá Nzyɛ̌m syɛ́ɛ́ ɨ́ nzɨ̌ dwân, nyaá Sísǐm mé Nzyɛ̌m mû sí kar mɨ́ná gá nyɨ́. Mɨná bé akǎ dû gá nzɨ̌ myâ, nyaá mícɛmá myé, myé á nyɛɛ tɨtɨ́e nyɨ́.

Rôm 7:4

Bɨ́ɔɔ́ bâm! Okɛ́l bâm! Bɨ̌n ntémé, bé ó nó. Bɨ̌n bé á si dwe, ntɔ̂ʼ duho ɨ́ mpila métié. Yé á syɛ́ɛ nó ó, ɨ́ jɔʼ bɨ́n á pûhla e Krîst, le ɨ́ jɔʼ nyé á dwe ɨ́ páʼ bípúno yɨ́. Bɨ̌n bé á dwe ó, bɨ̌n nkʉ̂ gúmo e Krîst, mʉ̌r Nzyɛ̌m á pɛh, dwih lɨ́ odwe ó, mɨná nkʉ̂ gúmo gá mpumó lɨ́ esú mé Nzyɛ̌m nyá.

Lʉkas 18:21

Mʉ̌r nɨ̌ nzě lɛ́ɛ e né ó: «Mɨ́ baʼle métié ménɨ̌ mɨ́mɛ̂h, táare lɨ́ ontwǒm, kumo mûh.»

Lʉkas 15:29

Nó ó tʉ́l á nze lɛ́ɛ e sɔ́ŋ wé ó: “Paá bee: mɨ́ sâ gó bisyɛ́ɛ́ mimbû ɨ́ buo buo. Me dína ó, apǎ pyêh lɔ́ɔ́ gô. Damá jóʼo nó, gó apǎ dwe mé mâ tab, ó bɨ̌h le osó bâm sóhaa.

Mataos 19:20

Nó ó loʼo yaá á nze yala e né ó: «Mɨ́ baʼle métié ménɨ̌ mɨ́mɛ̂h. Á yé yɨ́ɛ dí ekǎ lîʼ ó, me sâʼ ɛ̌?»

Rôm 7:8

Sâ gwár, le métié, mé á lɛ̂ʼle me ó: «Syóm ó wɨ̂,» le ntɔ̂ʼ syóm waá, wé á bee nzɨ̌ ego mê. Me ntɔ̂ʼ táare égwɨ̂m bísá byé onkán, mimbi mímyɛ̂h. Yé bé metié abe nó, lɛ́ɛ́, syóm, wé ó sá mû sí dwe yɨ́.

Rôm 7:10

me ntɔ̂ʼ dwe. Nzyɛ̌m á tyêl bʉr metié ó, bé nkʉ̂ tiʼe lɨ́ ebaʼle mê. Tó kœb ó, mé á nze ka jʉ̂ mɛm ó jʉ́ʼóo.