Rôm 7:8 - Kálar Nzyɛ̌m : Ejwán é Sáá

⁸ Sâ gwár, le métié, mé á lɛ̂ʼle me ó: «Syóm ó wɨ̂,» le ntɔ̂ʼ syóm waá, wé á bee nzɨ̌ ego mê. Me ntɔ̂ʼ táare égwɨ̂m bísá byé onkán, mimbi mímyɛ̂h. Yé bé metié abe nó, lɛ́ɛ́, syóm, wé ó sá mû sí dwe yɨ́.

Kálara Zyɛ̌m Edwán é mpʉ̌n

⁸ Sa gwar, jɨh tɨʼ motie, mé a nee Syem zi, wé ntɔʼ ze mara me. Me ntɔʼ taare lé egwɨm bɨsa byoonkan, mɨmbi mimyɛh. Ebe, nkʉ motie, mé a be ó be, abe nɛʼɛ, mpa Syem, wé a be ó si bɛa dwè.

Rôm 7:8 ပူးပေါင်းရင်းမြစ်များ

Rôm 7:11

Jɔʼ mé á jɨ̂ʼ metié maá yɨ́, syóm, wé á si bee nzɨ̌ ɨ́ me. Wê nzě kʉ́a mé ó, me sâʼ misyóm. Nó ó syóm, wé á ka jʉ̂ me e nzɨ̌ metié yɨ́.

1 Korɛnt 15:56

Eswiě nʉnʉa nkûl ejʉ̂ bʉ̂r ó e nzɨ̌ syóm. Syóm wɨ́ɛ, wé nʉnʉa nkûl ó, duho ɨ́ metié mé Nzyɛ̌m.

Rôm 4:15

Ebě, metié mé Moyɨ̂z, mé abe e nyɔm waá. Bʉ̂r sí gbah métié maá nó, tyélá Nzyɛ̌m á tyêl bʉr metié wɨ́, ndumló tɨ̂, wé ó njɨ etó kwɨ́ɨ nkpáa mé Nzyɛ̌m. Yé bé metié abe nó, bʉr, bé á gwa gbah mé e nyáa nzɨ́?

Rôm 7:13

Nzê nó, yé lɛ́ɛ́ ó, sá dí ɨ́ buú mbɨa ɨ́ mpʉ métié maá yɨ́, yé á si ntɛŋ eswie ɨ́ me ɛ̌? Heʼé, yé abá be nó. Syóm wé omér, wé ó b'á jaa jʉ̂ me. Syóm waá, wé á si nʉa mpǎŋ mbɨambɨa metié maá, wé ntɔ̂ʼ jʉ̂ mé e tɨ̂. Syɛ́ɛla yaá ó dí elɛ̂ʼle mɨ́ná gá ó, syóm, wê tyeetye ó ambɨǎ sɔ̂ʼ. Syóm, wé á ka sahle ó, nko wé á jʉ̂ mɨná gá e nzɨ̌ metié yɨ́.

Rôm 5:20

Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.

Yʉanes 15:22

Yé bé me á bé anzě lwib e bé nó, lɛ́ɛ́, bé á bé agwá be e misyóm. Nó ó, ɨ́ báánâ, bé akǎ be e nkar ɨ́ lɔ̌b mísyóm myɔ́ɔ́.

Rôm 7:17

Yé bé nó wá, misyóm mé dí esâ mí, ntʉ mɛ̂m mʉr tɨ̂ʼ dí esâ myê. Sá dí esâ myé yɨ́, yé ó syóm dí ɨ́ me wɨ́.

Yʉanes 15:24

Yé bé me á bé asâ páʼ nyɔ́ɔ́ mbi bísyɛ́ɛla nyʉ́ʉ́ mʉ̂r á be apǎ sâ bí nó, lɛ́ɛ́, bé á bé agwá be e misyóm. Tó kœb ó, ɨ́ báánâ, bɨ́ bee bísyɛ́ɛla byâm. Bɨ́ɛ ntémé dína ó, lɨ́ ebene bɨ́h e Sɔ́ŋ wǎm.

Markus 7:22

medyɛ̂n, nzɔ́ɔ́ bísâ, ebébe é léme, mikóo, bimolá nzam le ekomo, nzwíí nkěh, nkɛ́á nyʉ̂l, sɔ́ɔlʉ pɨ̂ʼ.

Rôm 3:20

Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié. Metié, mé jaá séǎ syɛ́ɛ́ ó, njɨ yaá élɛ̂ʼle mɨ́ná gá ó, mɨná gá bé ó osyɛ̂l o mísyóm.

Rôm 7:9

Ɨ́ mimbú mí píhe, jɔʼ mé á be apǎ gʉ́a métié maá yɨ́, me á be lɨ́ etiʼe. Tó kœb ó, le mé á gʉ́a metié maá, le métié maá ntɔ̂ʼ á jɨm syóm ɨ́ jô,