Rôm 7:7 - Kálar Nzyɛ̌m : Ejwán é Sáá

⁷ Yé bé nó wá, mɨná bé ókǎ lɛ́ɛ gá nyá? Nzê metié, mé ó mpúhlá e syóm ɛ́? Heʼé, yé abá be nó. Yé bé metié maá abe nó, lɛ́ɛ́, me á bé agʉ́ǎ sá dí syóm yɨ́. Yé bé mempéné maá alɛ́ɛ ó: Agwɨ̂m sá yé onkán nó, lɛ́ɛ́, me á bé agʉ́ǎ sá dí gwɨ́má sá yé onkán.

Kálara Zyɛ̌m Edwán é mpʉ̌n

⁷ Yé be no nɛʼɛ, bɨna bé ólɛɛ ga é yé? Zê motie mo Moyiz, mé ó sa lé esa ó, mʉr saʼ syem ɨ? Hɨʼɨ, yé abe ba no! Me abe e nkul egʉa sa ndɨ «syem» ɨ, nkʉ yé abe é zi motie maa. Nkʉ motie, mé a be ó be, alɛɛ ó: «Acen mih é sa yoonkan, nkʉ gwɨm ye» nɛʼɛ, mpa me agʉa lɔb esa bɨgwɨma.

Rôm 7:7 ပူးပေါင်းရင်းမြစ်များ

Rôm 3:20

Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié. Metié, mé jaá séǎ syɛ́ɛ́ ó, njɨ yaá élɛ̂ʼle mɨ́ná gá ó, mɨná gá bé ó osyɛ̂l o mísyóm.

Rôm 4:15

Ebě, metié mé Moyɨ̂z, mé abe e nyɔm waá. Bʉ̂r sí gbah métié maá nó, tyélá Nzyɛ̌m á tyêl bʉr metié wɨ́, ndumló tɨ̂, wé ó njɨ etó kwɨ́ɨ nkpáa mé Nzyɛ̌m. Yé bé metié abe nó, bʉr, bé á gwa gbah mé e nyáa nzɨ́?

1 Korɛnt 15:56

Eswiě nʉnʉa nkûl ejʉ̂ bʉ̂r ó e nzɨ̌ syóm. Syóm wɨ́ɛ, wé nʉnʉa nkûl ó, duho ɨ́ metié mé Nzyɛ̌m.

Rôm 13:9

Metié mé Nzyɛ̌m, mé dí elɛ́ɛ ó: Asâ médyɛ̂n. Ajʉ̂ mʉ̂r. Adíbe. Agwɨ̂m sá yé onkán má, ndu e mʉ́ʉ́ mɨ́mɛ̂h, mé tó syɛŋa ó, lɨ́ etié egwár lɨ̂ʼ tʉ́ŋlʉ̌: Kpɛlɨɨ mɨ́ɔɔ́ gǒ mʉr mpʉ gó kpɛ́l gó mʉr tɨ̂ʼ yɨ́.

Rôm 7:8

Sâ gwár, le métié, mé á lɛ̂ʼle me ó: «Syóm ó wɨ̂,» le ntɔ̂ʼ syóm waá, wé á bee nzɨ̌ ego mê. Me ntɔ̂ʼ táare égwɨ̂m bísá byé onkán, mimbi mímyɛ̂h. Yé bé metié abe nó, lɛ́ɛ́, syóm, wé ó sá mû sí dwe yɨ́.

1 Tesalonika 4:5

Njʉ̂m nyɨɛ díʼee e mʉmá wé waá, abe ɨ́ tíná bígwɨ́má mébomo mpʉ mínjéʼe-Nzyɛ̌m dí esɨsâ yɨ́.

Rôm 3:5

Bɨ̌n lɛ́ɛ́ ó: «Bisyɛ́ɛla bí ébébe mɨ́ná dí esâ gá bí, nyɔm tɨ̂ʼ, wé ó, bʉr béyɨɨ mpʉ̌ Nzyɛ̌m nyɨɛ dí tîtyěl yɨ́.» Mɨná bé ókǎ lɛ́ɛ gá nyá? Nzê Nzyɛ̌m, nyé abe e mebě ɨ́ jɔʼ nyé dwé mɨ́ná gá bintɨ́ʼá, duho ɨ́ nkpaa dí nye ɨ́ léme nyɨ́ yɨ́ ɛ́? (Gúmó mé dí elwǐb nɨ̌, mě lwǐb ó, ɨ́ mpʉ mínzɨnzɨ mi bʉ̂r dí epǎ lwib yɨ́.)

Kolosi 3:5

Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.

Éfɛsɔs 5:3

Sâ gwár, mʉ̌r sá ajóʼo lʉ́ʉ́ dʉ́o ó, yé e nyʉ́ʉ́ mʉ̂r sɔ́má yɨ́n dí esâ bímolá nyá, nkʉ̂ byúú bísyɛ́ɛla bi dí edulo mpîr ɨ́ nyʉ̂l bí. Yé sá abe ntémé e mʉr dí etyěn lémé wé ɨ́ nzɔ́ɔ́ bísâ nyá. Bibɨ́bla bísyɛ́ɛla byaá, byé ajala e bʉr o dí egúmo e Nzyɛ̌m bá.

Rôm 7:13

Nzê nó, yé lɛ́ɛ́ ó, sá dí ɨ́ buú mbɨa ɨ́ mpʉ métié maá yɨ́, yé á si ntɛŋ eswie ɨ́ me ɛ̌? Heʼé, yé abá be nó. Syóm wé omér, wé ó b'á jaa jʉ̂ me. Syóm waá, wé á si nʉa mpǎŋ mbɨambɨa metié maá, wé ntɔ̂ʼ jʉ̂ mé e tɨ̂. Syɛ́ɛla yaá ó dí elɛ̂ʼle mɨ́ná gá ó, syóm, wê tyeetye ó ambɨǎ sɔ̂ʼ. Syóm, wé á ka sahle ó, nko wé á jʉ̂ mɨná gá e nzɨ̌ metié yɨ́.

Rôm 7:11

Jɔʼ mé á jɨ̂ʼ metié maá yɨ́, syóm, wé á si bee nzɨ̌ ɨ́ me. Wê nzě kʉ́a mé ó, me sâʼ misyóm. Nó ó syóm, wé á ka jʉ̂ me e nzɨ̌ metié yɨ́.

Rôm 7:5

Jɔʼ yɨ́yɛ̂h mɨ́ná bé á dû gá njwɨr myâ wɨ́ná yɨ́, metié mé Nzyɛ̌m, mé á si dwe bibɨ́bla bígwɨ́má bíná nkul, byé ntɔ̂ʼ sâ ó, bisyɛ́ɛla mɨ́ná bé á tʉtô le esâ gá bí, byé dâʼraa eswie ɨ́ menyʉ́l gá mɨ́ná.

Rôm 6:15

Mɨná bé akǎ be gá ɨ́ mpila métié yaá tʉ́ŋlʉ̌, yé abe nó? Mɨná mû gá ó, bʉr o dí elɛ̂ʼlɔɔ mpâm mé Nzyɛ̌m bá. Mpʉ yé dí nó yɨ́, nzê mɨná bé ɨ́ jala le esɨ̂sa gá misyóm ɛ́? Heʼé, yé abá be nó.

Rôm 4:1

Ɨ́ nkǒ páʼ mébyɛ́l gá mɨ́ná, mɨná gá bé e sɔ́ŋ mpám Abraham. Mpʉ yé dí nó yɨ́, mɨná bé ókǎ lɛ́ɛ gá nyá, dumo e né?

Mɨlʉmlʉ 20:33

Me á bé agwɨ̂m damá bě nkóhó mɔnɨ́, nkʉ̂ gʉ̂l, nkʉ̂ mikán mí mʉ̂r.

Lʉkas 12:15

Nye ó: «Gwá di gá le ocwóó. Syɛ́hláá gá nzɔ́ɔ́ bísâ, mimbi mímyɛ̂h, ebě, twiʼ mʉ̂r, yé aduho ɨ́ bisá mʉ̂r waá dí e byé bí, byé damá buo.»

Mataos 5:28

Nó mɛ̌m lɛ́ɛ́ bɨ́n ó: mʉrʉ̂m nyɨnyɛ̂h dwɛ́ʼ mʉ́má nye onkán le egwɨ̂m nyé ɨ́ léme tʉ́ŋlʉ̌ nyá, nye mû náǎ ó, sí sâ médyɛ̂n e né ɨ́ lémé wé ó nɨ̌.

Lʉkas 20:16

Mɛ̌m bee ó, nye ónzě jʉ̂ bílóbila byaá bíbyɛ̂h, nzě pɛ̂h bʉ̂r oswîh, nzě kǎ tímle bé pemé yaá.» Jɔʼ bʉ̂r bé á jóʼo nó yɨ́, bé ó: «Heʼé, yʉ́ʉ́ sɔ̂ʼ, yé ákóʼó syɛ́ɛ bá nó!»

Rôm 5:20

Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.

Ebrœ̂ 7:19

Ebě, metié mé ésôʼ maá, mé á bé abe e nkul epubo syɛ̂l misyóm ɨ́ mipáʼ mímyɛ̂h. Nó ó, mpǎŋ sá dí elaa métié maá yɨ́, yɨ́ pyâl: mpûʼla mɨ́ná mû e nye ɨ́ léme nyɨ́. Nye ó dí esâ ó, mɨná sîhlaa gá bǎʼ e Nzyɛ̌m.