Rôm 7:5 - Kálar Nzyɛ̌m : Ejwán é Sáá

⁵ Jɔʼ yɨ́yɛ̂h mɨ́ná bé á dû gá njwɨr myâ wɨ́ná yɨ́, metié mé Nzyɛ̌m, mé á si dwe bibɨ́bla bígwɨ́má bíná nkul, byé ntɔ̂ʼ sâ ó, bisyɛ́ɛla mɨ́ná bé á tʉtô le esâ gá bí, byé dâʼraa eswie ɨ́ menyʉ́l gá mɨ́ná.

Kálara Zyɛ̌m Edwán é mpʉ̌n

⁵ É jɔʼ yiyɛh bɨna bé a be lé edu ga bɨgwɨma bɨ nyʉl bɨpuno ga wina ɛ, motie mo Zyɛm, mé a be-be nteme ó, lé eto le eyɨm bɨfum bɨ nyʉl ga bina ó, byé loŋla bɨsyɛɛla bɨ ebebe bɨna bé a kʉ gwɨm ɨ. Byé ntɔʼ daʼre efie é monyʉl ga mɨna.

Rôm 7:5 ပူးပေါင်းရင်းမြစ်များ

Éfɛsɔs 2:3

Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.

Galásia 5:24

Bʉr o dí egúmo e Krîst bá, bé á si jʉ̂ njwɨr myâ gá wɨ́ná. Bisyɛ́ɛla bí ébébe wé á gwɨ̂gwɨm bí, byé akǎ báʼǎ be. Bé ó mpʉ̌ sá lɛ́ɛ́, bɨ́ jʉ̂ njwɨr waá, lɨ́ ebomlo wé e binzâŋ, bɨ́nɔɔ byé ɨ́ kolôs kʉ́.

Galásia 3:10

Ebě, mʉ̂r sí bûʼla ó, Nzyɛ̌m ódwe nyé nkam ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, nyě e meswomlʉ, ebě, yê cɛmá ó: Mʉr nyɨnyɛ̂h dí abaʼle métié Mékaná mé Nzyɛ̌m mɨ́mɛ̂h nyá, nyě e meswomlʉ.

Rôm 6:13

Abîr gá bitíl ményʉ́l bín ó, byé díʼee bisá bɨ́n ósâ syóm e tɨ̂ʼ bí. Syóm, wé ámû jaá nʉa bítíl ményʉ́l bín byaá, wê nzě sâ mísyóm e tɨ̂. Bɨ̌n bé ó bʉr o b'á nyɛɛ dwe, nzě kǎ pah bá. Tímláá gá Nzyɛ̌m bɨ̌n bʉr o tɨ̂, ti e bitíl ményʉ́l bín. Byé díʼee bɨ̌n bisá bɨ́n ótó sâ ótîtyěl o bísyɛ́ɛla e byé bí.

Rôm 6:21

Wáǎ nyɔm bɨ́n á bi, duho ɨ́ misyóm bɨ́n á sɨsâ mí? Bɨ̌n mû ɨ́ báánâʼ ó, lɨ́ ejóʼo sôn lɨ́ esímsa bísyɛ́ɛla bí ébébe byaá. Ndumló bísyɛ́ɛla byaá wɨ́ɛ, wé ó eswie.

1 Yʉanes 3:4

Mʉr nyɨnyɛ̂h dí esâ syóm nyá, nye lɨ́ egbah étié mé Nzyɛ̌m. Syóm wɨ́ɛ, wé ó egbah métié.

Kolosi 3:5

Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.

1 Korɛnt 15:56

Eswiě nʉnʉa nkûl ejʉ̂ bʉ̂r ó e nzɨ̌ syóm. Syóm wɨ́ɛ, wé nʉnʉa nkûl ó, duho ɨ́ metié mé Nzyɛ̌m.

Jacques 4:1

Bitɔm e melwímla dí esyɛ́ɛlɨ páʼ nyɨ́n bí, byé duhǒ nkoó? Byé duho ó, ɨ́ bigwɨ́má bɨ́n dí e byé jɔʼ yɨ́yɛ̂h ɨ́ menyʉ́l mɨ́n bí.

Jacques 1:15

Bigwɨ́má mû lɨ́ etíʼe ɨ́ léme tʉ́ŋlʉ̌ bí, byé súʼlá ó, byâ mwân. Mwân waá, nye ó misyóm mɨ́ná dí esâ gá mí. Jɔʼ mísyóm gá míná, myé óbe, myé mû sí bwaʼ yɨ́, míɛ, myé okǎ byâ wé mwân: eswie.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Éfɛsɔs 2:11

Símsáá gá mpʉ bɨ́n á byɛ̂l yɨ́: bɨ̌n, bʉr o bíkúl bíswîh, bé ó baá óYúden dí ejébe ó, «bʉr o dí atíʼɔɔ mpʉ́n bá». (Náǎ yé ó, bʉr o jébé bɨ́n nó bá, bé jɨ́jébé bé bʉr o tɨ̂ʼ ó, «baá bé á tíʼɔɔ mpʉ́n ɨ́ bipúnó bíh bá». Tó kœb ó, sá yé á sâ ó, bé tíʼɔɔ mpʉ́n nyaá yɨ́, yé á be ó bʉr.)

Rôm 7:23

Tó kœb ó, mě beé ɨ́ nyʉ̂l nyǎm ó, yé e lʉ́ʉ́ étié e dí elwímla le etié e dí eduho ɨ́ bijwɨʼ bí lémé wâm lɨ́. Nkul syóm dí ɨ́ me wɨ́, wé ó dí entaa ócwóó wâm, nzě liŋ mé túʼǎ syóm dí me ɨ́ nyʉ̂l wɨ́.

Rôm 6:23

Myɛ́na mé syɛ̂l misyóm, mé ó njɨ eswie. Tó kœb ó, ndwéá Nzyɛ̌m á dwe bʉr edwɛ́na wɨ́, wé ó twǐʼ njʉ̌m dǐ ɨ́ mpúhlá gá nyɨ́ná e Tî Yésʉs-Krîst.

Rôm 6:19

Mě lwib ó, ɨ́ mpʉ mínzɨnzɨ mi bʉ̂r dí epǎ lwib yɨ́. Mě sá nó ó, ɨ́ mpʉ bɨ́n dí e metyɛʼ ɨ́ misísǐm mín yɨ́. Bɨ̌n bé á bɨbe ɨ́ jɔʼ myâ ó, sí kam ó, bɨ̌n díʼee bitúʼǎ. Bɨ̌n bé á sâ bisyɛ́ɛla ɨ́ jɔʼ yaá ó, njɨ byaá dí edulo mpîr ɨ́ nyʉ̂l bí le byaá dí egbah mémpéné bí. Bɨ̌n bé á didi ó, lɨ́ onzǎmnzǎm. Nó ó, ɨ́ báánâ, tímláá gá Nzyɛ̌m bitíl ményʉ́l bín. Byé séaa e né syɛ́ɛ́ ótîtyěl, bɨ̌n nkʉ̂ gúmo njɨ e né.

Rôm 5:20

Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.

Rôm 4:15

Ebě, metié mé Moyɨ̂z, mé abe e nyɔm waá. Bʉ̂r sí gbah métié maá nó, tyélá Nzyɛ̌m á tyêl bʉr metié wɨ́, ndumló tɨ̂, wé ó njɨ etó kwɨ́ɨ nkpáa mé Nzyɛ̌m. Yé bé metié abe nó, bʉr, bé á gwa gbah mé e nyáa nzɨ́?

Rôm 3:20

Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié. Metié, mé jaá séǎ syɛ́ɛ́ ó, njɨ yaá élɛ̂ʼle mɨ́ná gá ó, mɨná gá bé ó osyɛ̂l o mísyóm.

Rôm 1:26

Sá tɨ̂ʼ ó Nzyɛ̌m á bîr ó, bé sâʼ bisyɛ́ɛla bí ésɔ́m bé á kʉ bu gwɨ̂m bí yɨ́. Bʉbá bɨ́ɛ beně mbi bé á komlɔɔ ó, bé sɨ̂saʼ wɨ́. Líʼɔɔ̌ mpǎŋ syɛ́ɛla yaá, nzě lœʼ ményʉ́l mɔ́ɔ́ ó e bisyɛ́ɛla bi dí ajala e mbǐ kwɨmlá wɔ́ɔ́ bí.

Yʉanes 3:6

Sá dí ebyɛ̂l mbyɛ́lá bípúno yɨ́, yé ó bipúno. Yaá dí ebyɛ̂l e nzɨ̌ Sísǐm mé Nzyɛ̌m yɨ́, yé ó sísǐm.

Mataos 15:19

Ebě, bibɨ́bla bíjwɨʼ bíbyɛ̂h, byé duho ó ɨ́ léme. Byé ó dí: ejwɨ́ɨ́ é bʉ̂r, medyɛ̂n, bimolá, díbe, eyalǎ lɔ̌b mɨ́ɔɔ́ gǒ mʉr lɨ́ onzyɛ́h ónzyɛ́h, le melwɨ́ɨ.

2 Korɛnt 10:3

Yê tyeetye ó, mɨná tiʼe gá ó, ɨ́ nyʉ̂l bipúno. Sâ gwár, dɔm mɨ́ná dí elwímla gá lɨ́, mɨná bé abe lɨ́ elwímla gá lé e nkul bipúno nyaá.