Rôm 7:4 - Kálar Nzyɛ̌m : Ejwán é Sáá

⁴ Bɨ́ɔɔ́ bâm! Okɛ́l bâm! Bɨ̌n ntémé, bé ó nó. Bɨ̌n bé á si dwe, ntɔ̂ʼ duho ɨ́ mpila métié. Yé á syɛ́ɛ nó ó, ɨ́ jɔʼ bɨ́n á pûhla e Krîst, le ɨ́ jɔʼ nyé á dwe ɨ́ páʼ bípúno yɨ́. Bɨ̌n bé á dwe ó, bɨ̌n nkʉ̂ gúmo e Krîst, mʉ̌r Nzyɛ̌m á pɛh, dwih lɨ́ odwe ó, mɨná nkʉ̂ gúmo gá mpumó lɨ́ esú mé Nzyɛ̌m nyá.

Kálara Zyɛ̌m Edwán é mpʉ̌n

⁴ Obɨɔ ga bam aa! Bɨn nteme, bé ó é dia otî, motie mo Moyiz l'aka jwɨ̀ʼ bɨn, ebe, é zyɛŋa win boo Krɨst, bɨn bé a si dwè é nko paʼ bɨpuno. Bɨn bé a dwè ó, bɨn nkʉʼ di baa mo Krɨst, mʉr Zyɛm a pɛ̀h é foo ó, bɨna nkʉʼ gumo ga mpumo é l'efu mo Zyɛm ɨ.

Rôm 7:4 ပူးပေါင်းရင်းမြစ်များ

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

Éfɛsɔs 2:15

Nye á gbâ mepyɛbla páʼ gá nyɨ́ná ó, ɨ́ jɔʼ nyé á pɛʼ metié mé Moyɨ̂z, le mempéné ti e mityeelá mímyɛ̂h yɨ́. Nye á pɛʼ byé ó, nye nkʉ̂ nʉa bíkúl bíbá gá bíná, ntɔ̂ʼ syɛŋ byé ɨ́ nye mʉr tɨ̂, byé nkʉ̂ sûʼla édwán é kûl, nwɨɨla e mʉr ngwár.

Rôm 7:6

Ɨ́ mimbú mí píhe, mɨná bé á be gá ó, ɨ́ mpila métié. Nó ó, ɨ́ báánâ, mɨná mû ó, sí dwe gá ɨ́ nkǒ páʼ métié maá. Mɨná bɨ́ duho gá ɨ́ mpila métié mé á nyɛɛ mɨmɛ̂r mɨná gá lɨ́ okómó wɔ́ɔ́ má. Yé á syɛ́ɛ nó ó, mɨná nkʉ̂ séa gá Nzyɛ̌m syɛ́ɛ́ ɨ́ nzɨ̌ dwân, nyaá Sísǐm mé Nzyɛ̌m mû sí kar mɨ́ná gá nyɨ́. Mɨná bé akǎ dû gá nzɨ̌ myâ, nyaá mícɛmá myé, myé á nyɛɛ tɨtɨ́e nyɨ́.

Galásia 5:18

Sísǐm mé Nzyɛ̌m, wé ótɨ́e bɨ́n nzɨ̌ nó, lɛ́ɛ́, bɨ̌n bé ákǎ be ɨ́ mpila métié tʉ́ŋlʉ̌.

Kolosi 1:22

Nó ó, ɨ́ báánâ, Nzyɛ̌m, nyɨ́ sâ sáá páʼ nyɨ́n le onɔ́ɔ́, ó bɨ̌n nkʉ̂ pyâl ɨ́ míh mé e miléme ɨ́ sɔ́ɔ́ɔ́, abe e mebě, abe e sá ébébe nyé ódwe bɨ́n mebě e tɨ̂ʼ yɨ́. Nye á sâ saá nyaá ó, ɨ́ nzɨ̌ Mwân wé ɨ́ jɔʼ nyé á bîr twiʼ yé, le ekam ó, nyʉ̂l bipúno nyé, nye dwêʼ yɨ́.

Rôm 6:22

Ɨ́ báánâ, Nzyɛ̌m, nyɨ́ táǎ góo, le edwih bɨ́n ɨ́ nkul mé Syóm. Bɨ̌n mû ó osyɛ̂l o mésá bé! Mpumó mû lɨ́ egúmo ɨ́ bicwiʼ bín nyɨ́, nye ó kʉ̌ tyen dí ejala e Nzyɛ̌m wɨ́. Ndumló tɨ̂, wé ó twǐʼ njʉ̌m dǐ.

Galásia 3:13

Mpʉ mɨ́ná dí abaʼle gá metié yɨ́, nó ó, Nzyɛ̌m, nyɨ́ syɛm mɨ́ná gâ. Sâ gwár, Yésʉs-Krîst á si dwih mɨná gá ɨ́ mpila ébébe, le enʉa méswomlʉ maá mɨ́mɛ̂h ɨ́ nyʉ̂l nyé lɨ́ esú gá lɨ́ná, ebě, yê cɛmá ó: Mʉr nyɨnyɛ̂h á tyelɔɔ ɨ́ lɨ́ kʉ́ nyá, nye ó waá Nzyɛ̌m á syɛm nyá.

Rôm 6:14

Ebě, syóm, wé ajala le ekǎ jwɨ́ɨ bɨ́n, ebě, bɨ̌n bé akǎ be bʉ̂r o dí ɨ́ mpila métié tʉ́ŋlʉ̌ bá. Ɨ́ báánâ, bɨ̌n mû ó baá Nzyɛ̌m mû sí lɛ̂ʼle mpâm bá.

Kolosi 2:14

Micɛmá myé á lɨlɛ̂ʼle mebě gá mɨ́ná mí, nyɨ́ pɛʼ myé ɨ́ mɨná gá, bomlo myé e binzâŋ ɨ́ kolôs. Micɛmá myaá, myé ó b'á lɨlɛ̂ʼle mempéné mé á lwîlwimla e mɨná gá má.

Kolosi 1:10

Nó ó, bɨ̌n bé óbɛ̌m tyě mpʉ Tî Yésʉs dí ekpɛl yɨ́, le esâ ɨ́ jɔʼ yɨ́yɛ̂h sá nyé dí ekpɛl yɨ́. Bɨ̌n bé ótô dóló le egúmo mímpaŋ mi mpúmó ɨ́ bisyɛ́ɛla bimpâ bín bíbyɛ̂h. Tóʼ gá dóló le egwɨ́e ɨ́ pɨʼ le ngwɨ́á mé Nzyɛ̌m.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Mɨngwiha 19:7

Mɨná sóhaa gá ɨ́ buo buo. Mɨná gúmlaa gá nye, ebě, jɔʼ yé, yɨ́ pyâl! Mâ Nteme múo nzě bâ mʉ́má wé! Mʉmá waá mû ó kʉmsá!

Rôm 6:2

Yé abá be nó! Mɨná gá bé ó bʉr o b'á dwe ɨ́ nkǒ páʼ mísyóm bá. Yé ngá kǎ sâ ó, mɨná tôʼ le esâ gá syóm dóló?

Kolosi 2:20

Bɨ̌n e Krîst, bé á si dwe eswie empwár. Sá tɨ̂ʼ ó mílɛ́ʼlá bʉ̂r ó sí yɨ̂ʼ dí ekûhlo mí, dí abe lɨ́ ekǎ jwɨ́ɨ bɨ́n yɨ́. Ɨ́ tɨ̂ʼ, mʉ̌r sá akǎ dû mémpéné mé dí eduho ɨ́ milɛ́ʼlá myaá má, nkʉ̂ báʼǎ tiʼě mpʉ̌ sá lɛ́ɛ́, bɨ̌n gúmó ó e sí yɨ̂.

Kolosi 1:6

Mbɨambɨa Lɔ́ɔ, wé lɨ́ emyɛma le etɨ́e bʉ̂r metum medwân ó, ɨ́ sí yɨ́yɛ̂h mpʉ wé dí esâ ɨ́ sɔ́má yɨ́n, táare ɨ́ jɔʼ ésôʼ bɨ́n á nyɛɛ jóʼo wé yɨ́. Bɨ̌n bé á be ó sí jóʼo bʉ̂r lɨ́ elwǐb lɔ̌b mpâm mé Nzyɛ̌m. Bɨ̌n bé á si gwa kʉ jɨ̂ʼ le egʉ́a lɨ́ otyeetye sá nyé dí yɨ́.

Filipi 4:17

Mé apʉgʉ́ buú gwɨ̂m ndwéá wɨ́n, wé mʉr tɨ̂. Mě jaá gwɨ̂m ó, njɨ bɨ̌n díraa nyɔm, ɨ́ melû me dí enze má, ɨ́ lɔ̌b sá bɨ́n ngá dwe mé yɨ́.

Yʉanes 3:29

Mbɛ̂l mʉmá ó dí e mʉmá. Só mé mbɛ̂l nyɨɛ títyɛ́b ɨ́ puuu ó, nye nkʉ̂ gʉ́a jôʼlo étyêl me mbɛ̂l. Nye lɨ́ ebuú soho lɨ́ ejóʼo étyél lé. Nó yaá ó mé dí ebuú soho ɨ́ báánâʼ yɨ́.

Mataos 26:26

Ɨ́ mpʉ bé á be, bé mû lɨ́ ede yɨ́, Yésʉs ntɔ̂ʼ nʉǎ blêr, dwě Nzyɛ̌m nzyǒo, pɛ̂ʼ yé bipêh, dwe ómpʉ́n byǎ. Nye ó: «Nʉaa gâ. Bɨ̌n a dê. Nyʉ̂l nyǎm ó nyɨ̂.»

Mɨngwiha 21:9

Nyʉ́ʉ́ éngeles á si nze kwá nyǎm. Nye á be ó mʉr ngwár ɨ́ beéngeles nzaangbá bé á nkɨnkɛ́ɛ mempéle nzaangbá ɨ́ mebô má. Mempéle maá ó b'á be milwɨ́ŋlá e mitúú mí épíhe. Nye e me ó: «Ntáʼ! Me múo nzě lɛ̂ʼle gó eséhe Mâ Nteme ngá bâ lɨ́.»

Ebrœ̂ 10:10

Ɨ́ gwɨ́má yé yaá ó mɨ́ná bé á pubɔɔ gá jɔʼ gwár lɨ́ esú é bíjɔʼ bíbyɛ̂h yɨ́. Mɨná mû pubɔɔ gá ó, ɨ́ lɔ̌b ndwéá Yésʉs-Krîst á dwe Nzyɛ̌m nyʉ̂l nyé tâŋ ndwéá wɨ́.

2 Korɛnt 11:2

Ebě, me lɨ́ ebaʼ bɨ́n, mbɔʼ waá lɨ́ esyɛŋa e waá mé Nzyɛ̌m. Mbɔʼ waá, wé ó, ebě, sɔ́má yɨ́n, yé ó mpʉ̌ bíŋ éséhe mé á lîʼle kwá mé njʉ̂m wé yɨ́. Njʉ̂m waá, nye ó Krîst.

1 Korɛnt 10:16

Bélé ményoʼ gá yɨ́ná, yê nyá? Yê mɨná gá ó nzɨ̌ Nzyɛ̌m dí esʉ mɨ́ná gá metyɛʼ me mpóm mé e tɨ̂ʼ nyɨ́. Mɨná bé lɨ́ edwe gá nye nzyǒo ɨ́ lɔ̌b béle yaá. Ɨ́ jɔʼ mɨ́ná dí ede gá menyoʼ me tɨ̂ʼ yɨ́, mɨná bé lɨ́ esyɛŋa gá lɨ́ enʉa nkɔ̂b ɨ́ metié mé Krîst. Blêr mɨ́ná dí epɛ̂ʼla gá ɨ́ jɔʼ mɨ́ná dí ede gá yɨ́, tɨ̂ʼ ó mɨ́ná dí esyɛŋa gá lɨ́ enʉa nkɔ̂b ɨ́ nyʉ̂l mé Krîst yɨ́.

Yʉanes 15:8

Sɔ́ŋ wǎm ónʉa kûm ó, ɨ́ jɔʼ bɨ́n ngá gúmo mpúmó menkû menkû, le edi ómpʉ́n bâm yɨ́.

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Markus 4:20

Bʉ́ʉ́ ntémé, bé nwɨɨla ó e mpeʼ yé á kur ɨ́ mpǎŋ sí métyɛʼ yɨ́. Bɨ́ jóʼǒ Mbɨambɨa Lɔ́ɔ, nʉa wé mbɨ̂mbɨá. Sá tɨ̂ʼ ó bé dí egúmo mpúmó ɨ́ bicwiʼ byɔ́ɔ́ yɨ́. Mâʼ métín gúmo mpúmó mekám mélɛ̂l. Mʉ́ʉ́, mpumó mekám mésaman. Mʉ́ʉ́ ntémé, mpumó nter.»

Rôm 6:11

Sɨ́sáʼ gá ntémé nó. Sísímsáá gá ó, bɨ̌n bé ó bʉr o b'á dwe nkǒ páʼ mísyóm bá. Símsáá gá ó, bɨ̌n mû tiʼe ó, ɨ́ páʼ mé Nzyɛ̌m ɨ́ mpúhlá nyɨ́n e Yésʉs-Krîst.

Rôm 7:3

Jɔʼ yɨ́yɛ̂h njʉ̂m dína ɨ́ twiʼ yɨ́, mʉ́má wé sí tó bâ mʉ̂r swîh nó, bé óláa nyé ó, nye ó syɛ̂l medyɛ̂n. Tó kœb ó, njʉ̂m wé ódwe nó, mʉmá waá óbɛ̌m bâ nyʉ́ʉ́ mʉ́rʉ̂m swîh, agbah étié e dí elɛ́ɛ ó: «Mpéné, mʉr asâ médyɛ̂n» lɨ́. Nye mû ó nzyɛh ɨ́ páʼ étié lé ébâ laá.